紅事 二三事:人情計算方程式

 

人情

 

(原載於:http://relgitsjg.xanga.com/700786516/item/,文章是三年前的,但今日有準新人埋怨賓客人情太少,倒不如參考這個人情計算方程式。笑下都好~~~
高登討論區負評者眾,歡迎觀摩參與
(事件後續:港女被瘋狂起底,相關評論可參閱:《現實世界的電腦山莊》

(內文含粗口字,慎入) 

有準新人在網上埋怨賓客人情太少(網絡廣傳圖片)

 

快踏入三字頭1(嗚嗚…看到199x出世的小朋友也快將成年,倍感悲哀)。除了髮線向上,肚腩向外,還避免不了的,就是由年頭參加婚宴去到年底。我去年飲了六七次,已經算少了。好些友人,平均一個月飲一次。

(白事也有,但幸好經驗不多,還是說些開心的事吧)

我是很喜歡參加婚宴的。一來在預期中,自己不會擁有一個(有的話,是個悲哀的意外);二來,可以分享人家的喜悅,是十分感動的。三來,可以見到一些失散多年的朋友。

當然,好些婚宴也過份造作煽情。曾有友人說遇到頂唔順既婚宴,要中途離開。我想,我是幸運的。

——————–

多講無謂。進入正題。我係呢度要提出人情計算機這方程式,等大家可以輕鬆鬆計算出婚宴要付的人情。唔使再問黎問去。

 

底價篇

請飲底價:$500

(解釋?對唔治,無得解釋。你認為地政署拍賣地皮,底價是可以解釋的嗎?你太天真,太傻了。定底價是藝術,不是科學)

 

去唔去篇

唔去飲:-$200(i.e. 兩張相+乳豬+翅+炸子雞+兩三隻橙,淨值兩舊)

酒店擺酒:+$300(只係為左朋友唔好蝕咁多。如果一席每人俾多三舊,總數三千六。好似好多。但酒店擺酒,太多雜費;而且去得酒店擺,其他配套唔慳得。你朋友已經蝕桌娶左個老婆/嫁左個無錢老公,唔好令佢地連擺酒都要搵邦民。金融海嘯呀~~~老友)

合府通請:約每位+$300(economies of scale)

食西式/午餐:無須理會任何加減,硬掘$500

 

背景篇

認識新娘+新郎:+$100(by the way,我試過飲一餐,我新娘新郎,甚至乎全場一個人都唔識。點解?我戇鳩鳩代我老頭去飲。。。其實,我飲完都唔知自己有冇去錯。)

識識新娘/新郎:五年以上,每年+$20(當你有三十歲人,真係識左五年後仲有一年十次以上聯絡個d先叫好朋友)

做兄弟:-$300(做兄弟每每做到隻狗咁。減三舊水算少。夏天做兄弟,減多你一舊添呀)

做姊妹:+$200(做姊妹有利是收,加上可以折磨兄弟,呢個機會,好似萬事達咭咁,此。刻。無。價。加兩舊水算係咁。如果有人請我做姊妹,唔使變性反串,我包一圍都仲得呀!皆因我有信心新郎接唔到新娘,或者去娶過第二個。)

做MC:-$500(做司儀幾乎食都無得食。加上要承擔可能講錯野既壓力)

 

表演篇

新郎哥唱歌:-$100(唔係佢唱得好唔好聽既問題。反正面對咁多人,一定唱得難聽。連阿舜咁有信心,上都市閒情都領左野。重點係,佢一定唱d肉麻到嘔既情歌。張學友幾乎中梗。ok!要有中庸之道。要晒恩愛,唔一定要唱超冧情歌。)…不過…

新郎哥唱以下任何一首歌:+$200至+$2,000

-回首(李克勤):第一句

幾分傷心幾分痴/心癮(王傑)

離開以後(張學友)

-任何一首周杰倫的情歌(除左簡單愛,可愛女人)。個人推介退後說好的幸福呢

於心有愧(陳奕迅)

 

餓狼傳說(張學友):+$2,000。如果新郎係開頭一段狼叫中,忍得住唔笑,莫講話$2,000,兩萬都俾

講講下呢部份似歡華滿東華既籌款節目添…歡迎留底意見唱乜野歌…

 

新娘喊:+$200(講真,好少見到新娘唔喊。不過,喊係一種真情流露既表現。)

如果新郎哥多謝屋企人既時候喊:+$200(此乃孝之表現)

如果新郎哥見到老婆喊跟住喊:-$500(台上兩個人一齊喊。似哭喪多過似喜事。女人喊既時候,男人應該好好照顧老婆,幫佢解圍。一齊喊既話,我係會忍唔住係台下面笑…最癲,我見過一家人,新娘新郎爸爸媽媽一行五六個人係台上面喊。我屌呀…似乜?)

新娘表演吞劍/頂波:+$1,000(如果吞新郎哥把劍…嗯…未諗到加錢定扣錢…口爆加五十…)

姊妹有靚女:@+$100,if any at all(呢個你可以放心。遇到靚姊妹既機會,係零。唔好睇少女人既妒忌心。你以為佢結婚個日真係最靚?係呀,當世上靚過佢既人無份係婚宴出現,咪係佢最靚…law)

兄弟有靚仔:@+$200(嗯…靚仔既兄弟,唔係結左婚,就係黎緊要結婚…除非你自信心夠-事實上我就聽過有d友仔就黎結婚,走去做人兄弟;結果溝左個姊妹,連婚都唔結。呢d咪叫型…)

———————-

 

例子

—認識十七年既友人於年底結婚。搵我做兄弟同MC(唔知會唔會因為呢篇文而再三思。我懷疑佢未必會請我飲添。哈哈哈哈哈)。

—佢女友,即係老婆,我都識。以我認識佢地兩個,以上加錢表演既野,估計唔會有;兩個亦唔係眼淺既人。兄弟?我咪係。姊妹…嗯…無驚喜…law

—算術如下

底價$500+酒店$300+兩個都識$100+識17年$340-做兄弟及MC$800

=only$440…

 

嗯…呢條方妙拿非常妙呢…

睇怕友人要取得一千元以上既人情,應該要吞劍或者唱餓狼傳說…其實佢搵返個靚靚姊妹,條數就可以再諗諗既…

 

 

(事件後續:港女被瘋狂起底,相關評論可參閱:《現實世界的電腦山莊》

  1. 編按:相信轉載之時已經三字頭,與小編一樣

關於作者:史兄

史兄
80後,機緣巧合成為第一代博客。博客群組《香港原人圈》成員之一。2013年出版首本著作《婚姻這種邪教》,2014年出版第二本著作《辦公室七不思議事件》。空餘時以玩弄excel表為樂(多麼變態的嗜好)。無聊之下與友人共同開發app「求偶大作戰」,無厘頭地登上《蘋果日報》A1頭條。世上就有如此多不可思議的事......:FB 個人帳號:兄史(!)史兄史臉書2號(aka後備戶口)史兄FB 專頁史兄主理「捐條毛做善事」FB PAGE

則留言

閱讀後覺得好,請多多讚好及分享~:)

其他熱門文章

  • 解構林鄭月娥特首選戰用中文字體 by 巫堃泰
    「同行」果兩雙字,其實只係將華康儷粗黑打扁同埋將所有角位磨圓佢,就已成完成基本程序。然後,就將「同」字中嘅口字變番正方形。至於個「行」字,將部首果兩撇變成平行四邊形,搞到有啲當代風咁;然後執去比例,就已經做晒絕大部份嘅改裝程序。最後,班人就…
  • 我參與過佔領,我支持曾俊華 by 賤筆花生
    曾經,我喺佔領時參與過好多,我唔係黃絲豬,但此時此刻我想曾俊華當選。至於點解,就畀我由一部電影講起:《蝙蝠俠——黑夜之神》…
  • 我係一個外賣仔,每日我都會送外賣上一樓一 by 藍橘子
    雖然整個過程不足三秒,我知道每個佢嘅客人都會比我耐,但呢個就係我同佢每日唯一嘅交流。有時佢會探頭出黎同我寒喧幾句,就證明佢無做緊生意。如果好似頭先咁,就表示間房入面有客人。唉,香港人真係連做一樓一都特別有拚博精神,都係一邊工作,一邊食飯。…
  • 點解唔可以屌新假期? by 小妤
    報紙同已經有好多網友都指出,吊手岩山路崎嶇不平,好多碎石,斜度高易跣腳,需要行山裝備前往——而呢啲資料係畀新假期一句輕描淡寫為「難度較高」。點為之難度較高?呢個地方同佢喺同一段推介的「可以輕鬆路線」的馬鞍山昂平相比,難度差幾遠?…
  • Soulmate 是如何煉成的? by 陸子瀧
    「最近覺得同條仔冇乜feel, 無端端同佢散會唔會好衰?」MK女孩眉頭一皺,向她的朋友發問。「我知佢好錫我,不過佢畀唔到Soulmate嘅感覺比我。哈哈!同埋而家有個同事追緊我,好多嘢都好似好夾好啱feel咁,。」MK女孩繼續補充,語氣顯得…
歡迎讚好我們的facebook page,免費資訊源源送上。