可憐的貓貓B,誰叫你遇著港鐵?

原載於:MTR Service Update Page

 

可憐的貓貓B … 擾讓多日你才獲救,一切看來都是我們人類的錯

 

事緣有乘客在5月21號黃昏繁忙時間,發現一隻年幼的小貓,在葵芳站1號月台車頭「頭端牆」(Headwall)徘徊。對駛過的列車和走近的人們,貓貓顯得非常害怕,因而經常走避。事件首先由網絡傳開,後來因貓仔被困路軌多日,由傳媒報導其狀況,最後演變成公關災難。同時,在這數日間,不斷有同事、乘客通知葵芳站當值的「高級車站管理主任」,也即是葵芳站的站長,但都只獲回覆:「知道啦」,之後甚至無禮地「CUT人線」。到警方轉介市民查詢至葵芳站時,一樣是無動於衷。

原來當有人闖入路軌,因人道理由,港鐵要保護闖入者,於是所有列車會先被掣停,然後在駛至懷疑闖入者會到的路段時,車長都要以人手低駛駕駛,直至成功尋人或經長時間搜索,認為闖入者已離開鐵路範圍為止。又記得在2011年我地初「開檔」時,那年七月的早上,一批大狗由九龍灣站大堂,沿扶手電梯衝進高架車道,令列車服務暫停十數分鐘。

 

由「貧友堆、一個墟!」FB專頁製作的惡攪海報

點解九龍灣站的處理會唔同呢?除左大狗「好覺眼」,又「阻住啲車」外,更重要係香港乃文明社會,人人都知道「人道」、「生命」何解!如果喺中國,啲狗嘅下場會點?會否獲保護?相同的道德標準點解不能用於貓仔上?

在目前沒有程序可依之下,我地明白站長處於兩難,尤其有物件掉進軌道,理應不可以停止列車服務,睇番《鐵路安全規則》,雖然訂明「任何員工不得:在行車時間內撿回掉進軌道的物品,除非該物品留在軌道上會影響安全或情況所需」,但我地首要做嘅係,於非繁忙時間通知控制中心,等「鐵路司令」(行車控制主任)決定先俾同事在軌旁引出貓仔,是否屬「情況所需」;

 

或指示車長轉用人手駕駛,好讓列車先維持正常車速,只在差不多停下,或者是離站時以低速開行,好讓貓仔唔會意外被車死。平日繁忙時間過後,荃灣綫的列車間隔為5分鐘一班,此舉最多只會阻慢每班車約30秒,絕對唔構成甚麼大影響。一來列車下站返回自動模式,電腦會懂得開快些少(但不是超速),二來接著在葵興、大窩口、荃灣總站的停站時間,只要稍為縮短,即可追回損失的時間。 這個做法可維持到當晚收車後,再讓SPCA人員進入路軌處理,其實無傷大雅。

 

至於車長餵貓一事,以職責來說確有不妥,但貓糧不多汁,又無水份滲出,不影響軌道電路,也不會造成打滑,影響行車和定位。車長連日不斷餵貓,只想keep住貓仔在軌旁,唔好再走開。如果貓仔沿路軌走入近葵興的隔音罩,再俾列車輾斃,到時就要暫停行車,再花清理貓屍之下,所造成的延誤必以小時計,車長何嘗唔係為公司著想呢?

幾日過去,即使貓仔有時可能因驚慌而橫過路軌,令車長要緊急剎車,管方都依然故我。同時,站長好清楚知道5月21號晚有磨路軌工程,其所造成的火花、煙霧和碎屑好易會灼熟貓仔,都照樣不取採行動,點解上層會變成咁嘅呢?

 

事到如今,既然不只一個「涉案」車長打算領養,又有站長曾同樣「餵貓」,港鐵又會否把握最後機會,一改其公司文化,彷效日本和民國,設立「貓站長」,盡點綿力以提供容身之所予貓貓,補償過錯?

 

關於作者:MTR Service Update

MTR Service Update
一群與港鐵有關的人士、職員和乘客,針對每有發生事故,消息發放混亂且緩慢,於 2011 年發起的 Twitter。同時是數碼媒體平台上,影子的鐵路公司正體中文 及 英文溝通渠道。我們以對鐵路的專業認識,為乘客發佈最新資訊,並鼓勵乘客互動,服務範圍: metroride.hk/ServiceScope

則留言

閱讀後覺得好,請多多讚好及分享~:)

其他熱門文章

  • 【又變身】LEGO 大笨鐘變高尚餐飲店 by 阿九
    將啲大型 LEGO 建築大變身都唔係第一次介紹比大家,仲記得之前將倫敦塔橋變成法國巴黎展覽館嘅 AMOC。今次 […]…
  • 沉船 by Echo
    佢叫Cici,點解咁叫?我估係因為佢有C_cup啦。嗰對波渣上手的確幾滑溜,第一次同佢上床嗰陣,望住對波,我就不行了。四秒合體,三秒射咗,夾埋七秒。…
  • 廢青屌完政府都係買唔到樓,公屋妹畀有錢佬屌到有加拿大籍 by Jason仔
    有時候見香港好多廢青,冇空間屌女就去屌政府真係好戇鳩架。乜政府為你服務架咩?你交咗幾多稅呀?講真,響香港做份萬零蚊撚屎工住公屋,咁嘅窮酸樣,深圳樓你都買唔起啦!所以話呢?啲老人家話班後生廢青係真架!人地班老嘢後生都扔吓菠蘿燒吓巴士,班撚樣又…
  • 【真人真事】對唔住,我上左你朋友 by 熱豆腐仔
    因為飲醉酒所以上床,呢一個因果關係簡直侮辱緊你智慧。酒唔會令人亂性,而係你想藉酒令自己亂性。因為係生理上如果你真係醉到郁都郁唔到,根本無可能係床上「作戰」。其實從你一錫落去個下,你就正正親手毀左一段愛情、一段友情。呢一個烙印,將會永存係大家…
  • 【真人真事】你個場啲_?連你自己都唔屌啦~ by 鵝鑾鼻燈塔
    狗也不屌,很多只能放入玩具槍自己放一下閃光射線玩玩,除了有點吵兒的音樂,就沒有太多其他用途。…
歡迎讚好我們的facebook page,免費資訊源源送上。