歷久常新 - 新青年理髮廳專訪

新青年理髮廳

(All photos taken by photographer tampo)

 

新青年理髮廳的工作,不是要修理客人的頭髮,而是修理自己的生活,整理然後分享給所有人。在他們的音樂,我能看到他們對學生和上班一族準確拿捏的畫面;在他們的文字,我能聽到他們內心對夢想的呼叫;在他們的美術,我能嗅到年輕時浪漫的氣味。

 

三個小伙子,於今年組成了「新青年理髮廳」,成員分別是負責音樂的歐陽,負責文字的發仔和負責設計的Showroom。他們因為同一個理念而一起創作,而作品大多以生活為題,引起了許多人的共鳴,因此深受香港人歡迎。

筆者早於九月透過Facebook聯絡他們,希望能約他們做一次訪問,而我得到的回應是:「你好,多謝光臨!裝修期間,暫停營業;開張期內,七折優惠。歷久常新  新青年理髮廳」

在我摸不著頭腦的同時(就是我不明白裝修和優惠分別是什麼意思),我很佩服這班年輕人的獨特和創意,他們的風格令整個創意工業添了一點新氣象。

 

新青年理髮廳的意思

被問新青年理髮廳的意思,發仔回答:「我哋係紅磡經過一間叫新青年電髮廳嘅舊式理髮屋,應該有五十幾年歷史,而店入面又有一個上了年紀嘅老闆,所以覺得同『新青年』有好大對比,好似歷久常新咁。而我哋希望無論我們嘅音樂、文字和設計可以隨住時代改變而歷久常新,所以就改咗呢個名。」

 

在大學生活互相認識

新青年理髮廳的發源地在理工大學。雖然Showroom不是理工的學生,但他早就在發仔大學一年級的時候互相認識。Showroom說:「嗰陣時都無話有咩念頭要做而家做緊嘅野。」直至發仔三年級住宿舍,知道了同樣三年級的歐陽懂得寫歌和彈結他,所以便開始一起玩音樂和創作。我問歐陽既然自己一直都有寫歌,為什麼當初選擇了跟其餘兩個一起創作?歐陽編了個笑話:「因為佢哋想出名呀嘛,見佢哋咁慘,咪幫下佢哋囉」他們跟其他被訪者不同之處是,他們每一刻都在說笑、耍幽默,三個都是調皮的大男孩!事實是,發仔懂得創作有節奏感的文字,又覺得二人性格能磨合,所以便開始了一起創作。

他們說,那時候會在宿舍房間搞concert。我問有多少人來看,發仔答:「三個囉,我、歐陽同一個roomate!」我在笑得快要說不出話來,追問toiletmate有沒有過來聽你們唱歌。發仔說:「有啊,佢哋會過黎同我哋講咪咁嘈囉!」跟他們訪問,最頭痛的地方不是想問題,而是應付他們的幽默。歐陽補充:「佢哋畢業之後同我哋講,之前聽我哋首歌聽咗成年,而家上facebook仲要再聽真係慘!」發仔和Showroom附和說:「係囉,真係戥佢哋慘。」成個場面給笑聲充斥了幾秒。

 

組成新青年理髮廳

發仔說:「因為我哋都就畢業,所以希望可以做返尐野,但果陣都唔知會做咩架!」他們說有一次約了大家出來開會,但沒有結論,最後發仔提議開一個page,讓他們工作之餘也有一個角落做自己喜歡的事情,發仔補充:「畢業之後我哋可能都會各散東西,各有各忙。開個page除咗可以逼自己工作之餘都要做自己鍾意嘅野,仲可以keep住大家聯絡。」 現今許多香港人都被工作衝昏了頭腦,忘記了自己想做的事,或者被忙碌掩蓋了當初追夢的態度。可是,新青年理髮廳卻相反,踏進社會工作依然帶著年輕的勇氣和好奇,發掘不同的可能性。

 

新青年理髮廳

 

 

創作的靈感

新青年理髮廳的影片以有趣見著,有兩段影片令我很深刻:一是《巧屎歌》MV,他們由十四樓跑樓梯到地下,歐陽還要揹著結他一邊彈一邊唱;二是《放假總要在雨天》MV,他們坐在海旁擔遮,但那時候太大風所以頭髮都被吹亂,傘子也差不多吹爛,場面非常幽默。談到他們如何找到這些念頭的靈感,他們異口同聲地說:「隨意啦,生活啦!」我問歐陽寫一首歌要花多少時間,他立刻認真地回答:「一兩分鐘啦!」我正要把他的話筆錄下來,才發現他又在說笑。他接著說:「哈哈!我們每一首歌花的時間都不一樣,總然之係寫生活啦!」可見他們是以手寫心的年輕人,有感動的就把生活的細節都寫下了。提到他們以廣東話作為歌曲的主要語言,他們指寫廣東話能使唱的人和聽的人都能找到歸屬感。我卻認為,他們寫的廣東話歌詞容易上口,現在動不動也會想起這句很有趣的歌詞:「又返工 日又返工 夜又返工 返OT返到我short左」。

 

深刻的經歷和趣聞

歐陽說:「銀礦灣音樂節嘅表演最令我哋深刻!因為我哋無諗過會有一二百人睇我哋表演!尐觀眾仲跟埋我哋一齊唱,嗰次表演好感動!」觀眾的反應的確能帶給他們鼓勵和繼續前往的勇氣。而Showroom分享了一個趣聞:「有一次有張相有我哋三個,然後下面寫住『圖中有歐陽、發仔和負責設計的朋友』,我真係好想係下面留言『hi我是負責設計的朋友!』。」他笑了笑。雖然Showroom出鏡不多,但他的設計非常美觀,特別是代表歐陽和發仔的公仔設計,真的是見公仔如見真人(笑)。

 

歷久常新

訪問當天的早上,原來他們已經進行了三個訪問,發仔更要特意請假做訪問。訪問過後,我們走在往理工大學宿舍的橋上,他們每隔幾個路人就有一個認識的人,我都數不清他們說了多少次嗨。

 

既然畢業後友誼仍然能歷久常新,我相信,他們在創作上的訊息必定能在許多人的心裡,歷久常新。

 

Youtube Channel: http://www.youtube.com/user/newyouthbarbershop

螢幕快照 2013-12-05 下午02.48.57

 

Facebook page:

關於作者:Linda Chow

Linda Chow
〈妙色唇Musician〉專欄訪問用音樂代替口唇說話的人。

則留言

閱讀後覺得好,請多多讚好及分享~:)

其他熱門文章

  • 可否停止歌頌微胖女肉肉女但係貼大波妹? by 白木乩
    其實呢,可唔可以收皮呀?點解唔直接話自己鍾意大波先?鍾意大波無罪架啵。…
  • 英超亞洲挑戰盃後,我唔會再喺香港睇波 by 佚名
    當日利物浦球迷佔壓倒性數量,但行為令人為之側目。當日首場賽事由水晶宮對西布朗,比賽至80多分鐘,南翼看臺球迷居然唱起利物浦會歌!!…
  • 致肥西:男人鍾意微胖唔係淨係鍾意大波呀! by 肥西殺手
    正常講嘅微胖係相對於過瘦而言,話微胖OK係因為女人心目中嘅瘦根本係一個黐總掣嘅水平。女人對瘦嘅定義好多元,黃子華廿年前講嘅「瘦即係瘦減十磅」早就out晒。女人嘅瘦係要:①手臂幼,冇拜拜肉②小腿好似想斷想斷咁幼③背脊要冇肉④個肚冇腩肉⑤大髀唔…
  • 有啲女真係一出聲就知係冇腦。 by 毛言地
    正所為人不可以貌相,就算打扮再MK再摟屌都好,佢為人都可能係正正常常,識落就唔會覺佢有咩問題。但講嘢寫嘢真係冇得呃人,就好似話成班人喺餐廳齋坐(三個定八個食嘢都好啦)仲要屌返人轉頭嗰位「靚女」咁,一見佢嘅語氣同用字就真係完全幫唔落手。…
  • 【hehe】與初戀的「第一次」——又唔係真係咁痛 by 歷史系小賤貨的日常
    我知道我好鐘意呢個男仔,係去到我會想試下,究竟第一次係咩感覺。過往同其他男仔都唔會做全套,因為好想留番比一個好鐘意好鐘意嘅人。果時就諗定左係佢了。佢一月生日,我地諗左好耐究竟去邊玩好,見我未試過去長洲玩過夜,我地就準備BOOK間渡假屋去玩一…
歡迎讚好我們的facebook page,免費資訊源源送上。