女人經:每月必經

草本味

 

當年唔記得中四定中五,上Bio 堂講reproduction 時教到月經,我響個位度細細聲講咗一句「M 到真係好煩。」Bio Miss 聽到,就氣定神閒講咗句 “If you don’t have menstruation, you will be very old.” (係咁上下啦)M 到,(正常嚟講)係每個女人自發育時間開始,直到你(正常嚟講)五十幾歲收經為止。冇錯,更年期後唔再排卵所以冇M 到個人就會老得快,有d 女人因為卵巢有問題,四十幾歲就要做手術割咗佢,呢d 病人通常都要keep 住食女性荷爾蒙藥,否則會顯得衰老,所以M 到係一種blessing,亦係一種curse。

Curse 係因為每月都會辛苦一次,同埋M 巾真係好貴。男人可能唔明白,點解M 巾要分咁多種,咩有翼冇翼、日用夜用、護墊同衛生巾究竟有咩分別,同埋「乜唔係隻隻牌子都一樣咩?」、「乜有分好唔好用㗎咩?」冇計,有d 嘢唔係用家真係唔會明。

 

幾年前蝶安護無聲無色喺香港市場消失,令到一眾用家大為震驚,擔心搵唔到合適嘅貼身代替品,而當其時,市場上的大佬係護舒寶,其他牌子只是啱啱崛起而已。護舒寶唔好用咩?嗯… 或者掉番轉講下蝶安護有咩好用:1. 塊巾唔易走位。呢個point 好緊要,痴唔實移位好易做 成外面一面紅嘅尷尬場面。2. 吸水力強。痴立立嘅感覺好難受。3. 薄又透氣。焗住好辛苦,特別係夏天。4. 綿質。減少衛生巾同你身體嘅摩擦力,亦令你冇咁易皮膚敏感。想像一下,你身體在排紅(或排洪)時,用嘅係一塊容易令你漏M、又焗又濕又容易令你敏感嘅M 巾係一件幾咁難受嘅事… 你就明點解蝶安護消失嗰陣大家咁怕用護舒寶… 幸好,嗰陣Kotex 同樂而雅零感特薄開始崛起,前者非常好用但未夠薄,後者痴力冇前者咁好但非常薄,分開唔同季節用就真係perfect 池。當然,我相信護舒寶的產品應該改良不少﹙否則難做一哥,雖然我識嘅人冇咩邊個用護舒寶﹚,但一包M 巾閒閒地幾十蚊,買完唔啱用用又唔係唔同又唔係,貼身用品真係好講個人使用經驗同感受,揀啱嘅真係唔會咁易轉。

據聞護舒寶嘅衛生巾而家有三個產地,其中一個係大陸… 其實護舒寶呢方面做得唔錯,至少會話你知產地喺邊,其他牌子嘅包裝反而冇寫。結果響屈臣氏官網發現,用開的多產自台灣、日本同泰國,可惜仍然有部份產品唔知喺邊出世。Well, 大陸製嘅嘢就… 總之各有所愛啦… 如果好介意產地的話,其實衛生巾嘅選擇已經算多元化。樂而雅的F 系列講到明係日本製,其護墊真的非常薄又透氣。去一轉超級市場,就會見到更多歐美產品,印象中更有來自西班牙。

 

或者你會話,M 巾啫,使唔使研究得咁仔細?但M 巾其實會影響女性健康。上面講咗,棉質面會減少敏感機會外,薄同透氣真係非常重要,否則焗住的話又加上本身大汗,容易令到細菌滋生,增加陰道感染機會﹙男人可能唔明呢啲情況係幾普遍,特別係孕婦,因為佢哋抵抗力比較弱﹚。不過唔好以為衛生巾又薄又透氣吸水力又強就可以唔使成日換,正確嚟講,最好,係最好,兩個小時換一次,就算當日流量少都要換,唔好諗住塊M 巾可以用足五六個鐘!因為再薄都好,始終比唔用焗,然後又會出汗,特別係夏天,一樣容易令到細菌繁殖﹙人的皮膚上本來就佈滿細菌,而且細菌係會周圍走。﹚簡單啲講,任何時候都保持乾爽,唔好焗住佢,婦科醫生更會建議著棉質內褲同埋唔好著咁多牛仔褲,道理都係一樣。

有日行吉之島,見到有南韓進口嘅護墊,含有艾草、當歸等中藥,而且係發熱!!!!索價甚高,$5x 得五塊。據介紹,係月經前後用,原理應該係透過熱力將中藥藥效滲入去,以減少月經不適,但好好奇, 根據上面講嘅保健原則,用咗會唔會有反效果呢?或者呢啲產品真係唔啱香港人用,話哂南韓天氣凍香港咁多,墊住一塊熱墊可能好舒服,但香港用應該熱到喊。其實舒緩月經不適,平時做多啲運動,少飲凍飲﹙特別係有冰嗰啲﹚,經痛時先熱敷肚仔已經足夠 。畢竟來經時不適,多與身體體質有關,每個月用幾日有中藥嘅熱墊就改善到?我就有啲存疑喇… 希望有用家可以分享下使用心得。

 

關於作者:瑪嘉烈

瑪嘉烈
我在世界的另一端,疑惑著美女是怎樣煉成的。

則留言

閱讀後覺得好,請多多讚好及分享~:)

其他熱門文章

  • 【先嚟個細嘅】LEGO 官方過山車夏季發售 by 阿九
    終於到啦終於到啦,LEGO 官方出品嘅過山車 Set 終於會喺今年嘅夏季正式以 LEGO Creator 系列 […]…
  • 有你個膊頭,已經好夠。 by 毛言地
    做男人就係死要面,就算幾攰都唔可以投降。而且最近忙住做嘢已經陪小咗女朋友,難得有個夜晚準時收工可以同佢睇戲,我點都要盡下做男朋友嘅責任。食完個飯我同佢去郎豪坊嘅戲院睇戲,雖然係攰,但好彩部戲冇乜冷場,我總算可以清醒咁睇足全場。只係精神唔夠反…
  • 【男人恥辱】女朋友完全唔驚我去偷食 by 藍橘子
    「唔會嘅,我知妳驚嘅~咪扮嘢啦!」「真係唔驚囉…」「…」佢一定係呃我!「驚啦!」「唔驚。」「喂…驚啦求吓妳…」唔知點解,我覺得自己越來越無尊嚴…「驚乜鬼啫?!」…
  • 所謂既BAND1 EMI 中學就係一班臭閪扮教育 by 君萃
    呢個世界唔撚係有簽就得。初期學校都只係就咁帶張form返去,簽咗show咗就得,屌你,去到後期,一定要你張form 釘喺本手冊度先可以有效,如果你有form冇手冊都會比人罰企,所以如果你放學返到屋企,發現自己無帶本手冊返屋企(in whic…
  • 【塔羅個案】女人就黎三十歲仲係 A0 係咪就叫有問題? by 神婆
    好多客人同Annie一樣,廿歲尾三十頭咁樣,有份不過不失嘅工作,有幾個真心相交嘅姐妹,耐唔耐去下旅行,過住平凡踏實嘅生活。你問Annie開唔開心?又無話唔開心嘅,朋友我有呀,份工麻麻地、但又唔算好差,但係,隨住年紀漸長,身邊啲姐妹開始結婚啦…
歡迎讚好我們的facebook page,免費資訊源源送上。