「報 Status 」的意義

A0

 

大學生之間流行用「報 Status」這種方法去描述自己的戀愛狀況,「Status」就是一個英文字母加上一個數字。

英文字母是描述現況,可以是 A (Available)、O (Occupied)、C (Complicated) 甚至 U (Urgent);數字就代表拍過多少次拖。以前我們要講自己的戀愛狀況,要一句一句地講,例如「我依家單身,之前拍過兩次拖」。自從有了「報 Status」這方法,我們就可以好輕描淡寫地說一聲「A2」,不拖泥帶水,簡潔有力。

不知甚麼時候開始,大學生發明了「報 Status」,亦不知甚麼時候開始「報 Status」變了 Ocamp 裡面 Ice breaking 的其中一個重要環節。

 

「喂呢個組女幾靚喎,你估佢係 A 定係 O 呀啦」,「好大機會係 O 啦」,Ocamp 剛剛開始時,一班組仔女坐在地上等玩 Ice breaking 遊戲,這時一眾組爸媽就會開始打量每位組仔女,而以上的對白通常都會出現在組爸媽的竊竊私語當中。「呢個組仔幾靚仔喎,但個頭咁 MK,一定係 A380 啦」,「仲有呢個組女化個妝咁行,條熱褲短到就黎連 pat pat 都露出黎,駛唔駛呀,九成九都係 A380 啦」,組爸媽繼續對每位組仔女評頭品足,而以上說話中的「A380」就是用來形容一個人拍過好多次拖,有好多男/女朋友。難聽啲講,即是 USB、公廁、老江湖。「駛乜估咁多,直接問咪得囉」,有位組爸終於按耐不住,決定要行使他組爸既權力,以 Ice breaking 為名,八卦套「Status」實。

「大家好呀,我叫 xx 呀我係你地既組爸呀,大家不如都介紹下自己啦」,Ocamp 一開始當然要大家作自我介紹。自我介紹完之後,組爸們終於都入正題了,「好啦各位,咁我地循例都要報下自己既 status 架喎,有無人唔知咩係報 status 呀,報 status 呢就係 …. 」。組爸一般會用「循例」來形容報 status 這個環節,而所謂的「例」,其實就是「組爸話點就點」。

 

「不如就由最左手邊嘅 Sonia 開始先啦好嗎」,Sonia 就是剛剛一眾組爸熱烈討論的靚組女。Sonia 留著一把長直髲,樣子好 pure 好 true 有幾分似劉心悠。雖然穿著的是牛仔長褲而不是性感的熱褲,但她高高瘦瘦的身型已勝過其他穿著熱褲的組女。

「我 A0」,Sonia 簡簡單單的一句已經令全場組爸嘩然。「你咁靚女都 A0?」 組爸們異口同聲地問,而 Sonia 亦有少少面紅害羞地表示她是女校出身沒有男性朋友所以至今仍未拍過拖。有部份組爸相信她真的是 A0,可能是因為 Sonia 的解釋合理,亦有可能是她好 pure 好 true 的氣質令人覺得她不會說謊,而更有可能的是這些組爸根本是從心底裡就希望她真的是 A0。

 

氧氣 O

 

「跟住到第二位組女 Elaine」,Elaine 外表並不出眾,身型也偏矮小和微胖,皮膚也偏黑,坐在 Sonia 旁邊更顯得失色。

Ocamp 剛開始時一眾組爸都認為 Elaine 很有可能是 A0 ,然而她卻說出一句:「我係 O4」。這個消息比剛才 Sonia 的 A0 更令人難以置信。「你都有 O4?」,Ocamp 每一組都總有個組爸是比較口直心快,甚麼都夠膽講的,通常這種特質會被稱為「口賤」,而這句「你都有 O4?」就是出自一位口賤的組爸。聽到這句質問,Elaine 笑笑口有點尷尬地回答:「咩喎咁人地真係 O4 呀嘛!」。

 

「好啦咁到第三位組女 Veronica 啦」。Veronia 其實就是剛才一眾組爸媽懷疑是 A380 的那位組女。Veronia 樣子不錯,膚色帶點古銅色,化了妝,留著「十零分界」的女神頭,很有 ABC 的感覺。怪不得會令人覺得疑似是經驗豐富的 A380,因為有時外型似 ABC 和似 A380 可能只是一線之差。

「我係 A1 」,令人難以置信的事再次發生,這個被大家認為是老江湖的組女 Veronica 竟然說自己是 A1,即是只拍過一次拖

「吓!」口賤組爸好大聲地吓了出來。「你得 1? 你點我呀!」口賤組爸再次對組女的 Status 作出質問。

 

「組爸點解你次次聽完我地報既 status 都咁大反應既?」,Veronica 似乎是早有準備,很淡定地反問了口賤組爸一句。一眾組爸媽都因為她這一句反問而呆了,不知如何回應好。心裡的一句:「因為你地個樣同你所報既 status 唔似,所以我地咁大反應囉」不敢說出口,因為說到底大家都是第一天相識,此終都是不敢公開地評論組女的外表。組爸媽只好開個玩笑打個完場去化解這尷尬的氣氛,然後繼續下一位組仔女報 status。

組女們報完 status 之後就到組仔報,而此時一眾組爸其實並沒有留心聽組仔的 status,因為組爸們的專注力一早已放在組女身上,尤其是 Sonia 和 Veronica。雖然組爸們對這兩位組女的 status 依然有點半信半疑,但不論她兩個的 Status 是真是假,打從她們口中說出「A 」這個 status,其實就已經代表了一個非常重要的訊息:她們是 Available。至少在組爸心中,Sonia 和 Veronica 絕對是「Available for 組爸」的,所以接住下來的幾日 Ocamp 這兩位組女必定是萬千寵愛在一身。

 

(photo via cc Flickr user Axel Péju)

(photo via cc Flickr user Axel Péju)

 

Status 未必真的「有樣睇」,漂亮的未必一定是 O 或者 A380,不漂亮的亦都未必一定是 A0。況且一上到大學之後有很多人會洗底、虛報 Status,明明 A380 但就冒稱自己是 A0。有時 Status 中的那個數字,即是拍拖經驗,其實並不重要,新結識的朋友亦無從證實你的「數字」到底是真還是假。人們更想知的其實是你的現況,你到底是 A 還是 O。

一旦你說自己是「A 」,就代表「你話得自己係 A,咁你就係 Available。至於你有無虛報,WFC」。

 

 

關於作者:高教授

一個 90 後大學畢業生,社會上的新鮮人,自以為是經常以教授自居,用 90 後的角度探討千禧後的世界。 FB PAGE:https://www.facebook.com/professor.ko

則留言

閱讀後覺得好,請多多讚好及分享~:)

其他熱門文章

  • 身為管理層,真係想對所有同事講句:“Don’t Shit Where You Eat” by 犁牛
    當時有個隔離部門年屆40既已婚中年同事「借個」膊頭畀佢,又陪佢入廁所嘔,我覺得唔妥就叫女同事一齊入埋個k房獨立廁所睇睇,擾攘左10幾分鐘條IT佬又耍開d女同事,兩個人單獨係殘廁10分鐘......到第二日有人話畀我聽佢地拖住手落樓,然後等條…
  • 女校這回事 by belle
    「阿女,點解倒數你都可以留係屋企?」、「無人追你咩?點解你又留係屋企?」作為一個二十八的女人,社會認為單單一份穩定工作是不足夠,你必須有伴侶,繼而組織家庭,順理成章加入樓奴行列。拍拖,結婚,生仔就好似是人生的公程式,若果你問我照足指示做,是…
  • 男朋友家住在天水圍,而我呢,住大埔 by 甜蜜冤家
    是的,大家都在新界區,可是平常時間裡根本沒有巴士直接連接天水圍和大埔(早上和傍晚各有一班特別班次,只是我們都不適用)。若我倆要到對方住的地方,那就只可乘坐巴士及轉乘港鐵,合共需約一個多小時(大概足夠飛一轉台灣了)!說實話,這對我們的影響並不…
  • 姊妹婚禮都唔俾我請假?不如等佢下次結婚我先去賀佢丫? by HR熊
    我阿姐近年自己新開左條policy,就係嚴禁我地同team之間互相重疊放假日子,一日都唔准!唔批!皆因有次佢自己同我地teammate撞左連續四日假,仲要咁岩都係去外國出席朋友婚禮。照道理我同事比佢早申請假仲已經獲批,係咪以為好完美無位俾人…
  • 【識食一定食__】邊個星座嘅男人性能力最好? by 神婆
    話說當時我當同仁上下開緊PS4Party講緊無聊嘢,此話既出,全班人一秒爆笑。而我呢,真係唔知應該反白眼定係笑出聲。邊個星座男人性能力最好?…
歡迎讚好我們的facebook page,免費資訊源源送上。