四代香港人,都係劣等人種

公民教育 / 最新文章綜覽
(photo via cc Flickr user Toby Oxborrow)

(photo via cc Flickr user Toby Oxborrow)

 

你望住今日嘅香港,你覺得香港死緊,覺得香港冇希望咩?香港從來都係一個冇希望嘅地方。令我冇希望嘅唔係政府,而係香港人。香港人係全世界最劣等嘅人種。

本身香港嘅原住民,甚至加埋早期嘅移民,都不過幾十萬人。香港人嘅構成人口,大部份都係華南各地移居嚟嘅。佢哋決定離鄉別井搵個地方落腳,如果好嘅佢哋會留低,唔好嘅佢哋會再走。換句話講,佢哋,亦即係我哋嘅上一代,係一班四圍鵲巢鳩佔嘅機會主義者。結果佢哋好好彩,香港各行各業都發展都好快,大家生活越嚟越安定,經濟起飛,人人有屋住,個個有書讀,香港做咗亞洲四小龍。佢哋嚟香港可以話係好彩過中六合彩。大家曾經將呢一切歸功於獅子山精神,視為香港繁榮嘅基石。精神兩個字太虛無,或者我會用四個字代替:不勞而獲。

不勞而獲係大家不斷重覆緊嘅公式。住喺一個地方,乜都唔做,就會安居樂業;揀一個行業,安安份份,就可以飛黃騰達;買股票買樓,擺佢喺度,自自然然就會升;生幾個細路,唔使理佢,養大咗佢哋就會供養自己過世。甚至平日嘅消遣,都係買一張六合彩或者買馬,一切都係建基於呢句四字真言。有錢嘅人,希望錢搵錢,想層樓升,想股票升;冇錢嘅人,就想刀仔鋸大樹,想中六合彩,中馬仔;政府好嘅時候做順民,政府出問題,就重覆第一個步驟,去一個新嘅地方落腳,好嘅留低,唔好再走。我實在諗唔到邊一樣香港嘅成就係香港人自己爭取返嚟嘅。當一個民族,每日嘅生活都沉醉喺不勞而獲嘅幻想,就算你將呢套生活哲學用「靈活、變通、肯捱、肯冒險」去包裝,唔會掩飾到底下嘅劣根性。

 

正正係因為香港人係香港人,有上述特色嘅人留咗喺香港,形成咗一個著重投機,不事生產嘅風氣,就快中學要教陰陽燭同250天平均線嘅時候,我實在睇唔到未來。只要有香港人喺度,就算係幾完善制度,結果都係一樣。死性不改嘅投機人士,只會將香港嘅基石一一擺上賭枱,去換下一個利益。(大家記唔記得有個後生仔用一隻萬字夾,以物易物,做咗好多次交易之後,換咗一間大屋返嚟?我覺得香港人有啲似間大屋嘅業主)

 

The city wasn’t dying. The city was dead⋯

 

我唔係散播悲觀主義,而係要大家客觀認清事實。香港本身係充斥劣等人種嘅地方,係一班任人魚肉依然可以安於逸樂嘅香港人。呢個假設反而令我更加樂觀。只要喺香港人入面,有一個人唔再功利,有一個人唔再用「不勞而獲」做人生格言,已經係由零到一嘅突破。今日我見到已經唔只一個,而係有成千上萬人,肯行出嚟落手落腳改變社會。我就知道,香港仲有救,大家唔使移民。

 

有人話我哋係「第四代香港人」,我覺得前面嗰四代,無足輕重,今次行出嚟嘅每一個人,先至係真真正正嘅第一代香港人。

 

關於作者:擇言

擇言

有廣東話相關嘅問題隨便搵我。
個人FB: 擇言

每個禮拜有15分鐘嘅話歡迎你加入粵典編輯組。
words.hk計劃: http://words.hkFacebook專頁

則留言

閱讀後覺得好,請多多讚好及分享~:)

其他熱門文章

  • 【塔羅個案】「我想分手,佢話唔好,不如去開房;然後我覺得佢仲愛我」 by 神婆
    Sally壓低聲線,「我當時話,如果你呢兩年唔娶我嘅,就分手啦!你都唔愛我嘅!結果佢聽完,同我講,唔好分手啦,不如咁,我,我同你去開房好無?神婆,妳明唔明我嗰刻嘅心情?」…
  • 毒理學家:香港係冇黑色嘅蛇嘅! by Fava Bean
    「唔⋯⋯病人冇影相⋯⋯佢話佢係黑色。」「喔。」毒理學醫生頓了一頓,突然語出驚人地說:「首先,香港係冇黑色嘅蛇嘅!」我不由得大為震驚,感覺人生迄今的世界觀被徹底刷新了,長居在此多年,連香港有蛇都不知道,更遑論會知曉此地沒有黑色的蛇!我兀自沉溺…
  • 從無綫台慶睇老屎忽點摧毀一個電視台 by 清君
    這些年來,你講得出有幾多個大台主持?阿旦、曾志偉、阿叻、Liza、Do姐,較後生的可能要數崔建邦了,或者我算漏不少人,但來來去去都是那一撮人。昨晚一開show,就是Liza、曾志偉和阿叻引領,有前輩坐鎮當然係坐定笠六,但不放手給後生揸大旗,…
  • 你會同另一半講你嘅性史嗎? by 我從不穿睡裙
    講曬出黎,對方真係完全無野,完全接受倒,覺得呢D過去左既野係唔重要的話,我真係恭喜你。但萬一,對方聽完之後唔係咁既話,你要小心了。…
  • 廢青的一天 by 木人里
    「我到底做緊咩?我到底做緊咩?我到底做緊咩?我到底做緊咩?幾時放工?幾時放工?幾時放工?幾時放工?幾時放工?幾時放工?下又叫我?我未回氣呀﹗幾時放工?幾時放工?屌你老母都唔撚講道理架﹗幾時放工?幾時放工?你條死老野識條春咩?幾時放工?幾時放…
歡迎讚好我們的facebook page,免費資訊源源送上。