「作為一個女仔識做家務係一件好可恥的事」

(photo via cc Flickr user Stefano Montagner)

(photo via cc Flickr user Stefano Montagner)

 

「作為一個女仔識做家務係一件好可恥的事,你要同我記住。」

 

細細個便響阿媽度學識呢句說話的Pat一家很完美的實行了這個「理論」,佢係一個十指不沾陽春水的大小姐。家中清潔、煮飯什麼的都是Pat的老竇同阿哥去做。甚至學校有家政堂寧願肥佬都唔肯去做任何一樣野。

 

用佢阿媽的講法就系阿爺的N次方度流傳落來果句:「窮養仔,富養女。」如果對個女太差,隨時出現一個對佢好小小的男仔就好容易被人呃。

 

當個富養女去男朋友Ray屋企食飯,Auntie問佢中唔中意做家務時,雖然Pat個好想直接講句:「唔識哦,屋企都系男人做家務。作為一個女仔識做家務係一件好可恥的事。」

 

腦海中卻跳出另一個聲音叫她千萬不要這樣講。

 

Pat笑笑口回應:「識,我好中意做家務,仲日日系屋企幫忙煮飯添。」

 

佢所謂的煮飯就係當阿哥洗完米,擺入電飯煲之後想住浸一浸米之後去切下菜做下其他野,佢見到電飯煲冇亮燈順手過去按個開關制。Pat心想我都唔係講大話,我真心日日都按個電飯煲的開關煮飯。

 

食完餐飯Ray送Pat走的時候,她指著他的鼻子說:「我話你知以後結婚一係你做,一係請個賓妹,你唔使旨意我會做家務。」

 

「下?你頭先明明講到自己好中意做家務咁,我媽仲系度讚你,仲有……」

 

「STOP!我係比面你先咁同你屋企人講,我咁為你你都唔識多謝我?當然系你做啦,你都唔想我變黃面婆對手粗曬啊。同埋以後如果生左女我都唔會比佢做家務的,作為一個女仔識做家務係一件好可恥的事,你要同我記住。」

 

關於作者:瓔庭

瓔庭

我有回應

睇完文有嘢想講?入嚟Gööp嘅「輔仁文誌」社群講兩句啦!可以匿名發言﹑即時睇文,輔仁專屬嘅討論空間。

即上iOS App Store/Google Play下載「Gööp」手機程式,碌緊手機嘅讀者可以立即開啟
註冊成為用戶後,輸入社群邀請碼: vjmedia 即可加入,入面見!

則留言

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。