香港曾經出現過的三位「十全女生」：
石臻善、李泳枬、簡幗儀

 

睇左輔仁篇〈一年容易又BA花草〉，諗起以前都寫過一篇同Mr. & Ms. BA既〈史上最不幸的男配角〉，不過入面主要係講當年有位Ms. BA超級靚女，搞到同佢Part住選果條仔變成好不幸既大配角。

 

 

不過想講既係，當時有人去幫果位Ms. BA石臻善「起底」，結果我幫佢起左個朵叫「十全女生」。不過「十全女生」其實唔係完全由我創作出來的，而係一位女博客，驚艷於當年參與的Miss BA除了樣子甜美，各方面都近乎完美咁列出十大優點：

 

 

摘自：像我這樣的女孩：新一代女神

 

1.會考十優（10A狀元啊！）

2.拔尖

3.DGS

4.讀global business（係咪即freshgrad已年薪過百萬那科！）

5.GPA 4.0（！）

6.PE拎A（！）

7.田徑隊（運動健將！）

8.danso（跳舞唱歌都很好）

9.有錢（我不知道有錢的定義是什麼啦）

10.基督徒（！好感大增）

 

 

石臻善現時為環球銀行顧客業務香港區副總裁，可以說是一個預料之中的結局；響報導入面佢旁邊既男仔，因為「十全女生」太耀眼，則繼續只能扮演配角。

 

 

記得當年年少氣盛的我（其實都係六年前），看了有關她的資料後實在相當激動，心想呢個世界有無可能有這種樣又索，成績又好，仲要其他方面都近乎完美的女孩子。自此以後我對「女神」下了新的定義，就係除左靚以外，仲要給我數到十個優點，先係真正完美既女性。

 

 

其實之後很快我就找到第二位，那就是2012年的6A狀元李泳枬（外號饅頭），不過當時沒空寫介紹，慢慢就忘記了：

 

 

1. 高考6A，唯一一位女狀元（難度不下會考10A）

2. Marymount（又係名校！）

3. 港大BBA LAW Double Major（唔係G-BUS，不過都係天子門生）

4. 先學恆宇仁龍拳，再學空手道

5. 喜愛一切ACG文化，甚至去到宅（或者毒撚）程度，曾為動漫雜誌撰寫評論

6. 識打街霸，中高手水平，唔係借打機過橋賺名氣

7. 無拍過拖（當時，話自己鍾意打機多D）鳴呀～

8. 自己造衫玩COSPLAY，而且話自己既底線係：「唔算好性感丫，都未露三點！」鳴呀～X2

9. 超級好身材，鳴呀～X3

10. 識日文，最後去左日本讀書

 

 

記得最初饅頭係好Friendly，好鍾意同網友溝通，我都同佢響FB傾過兩句，不過去到後期，因為想保持自己既隱私，所以關閉過一次Facebook，但隨住佢宣佈去日本進修之後，就連另一個Facebook都Close埋，當時真係令我非常失落……

 

 

另一樣令我比較失望既係，可以睇倒佢有少少崇拜伍公子，我心諗…唔x係下話……

 

 

至於最後一位，雖然成績未必有之前兩位咁勁（其實Poly碩士都唔差架啦），但肯肯定被大家公認為女神，唔單止因為佢比好多明星都仲要靚，更因為佢係靠佢自己既才華，開創左一番成功既事業……

 

 

1. 理大設計系碩士

2. 識畫畫

3. 畢業後就響婚紗公司做Chief Designer，之後仲擁有埋自己時裝品牌

4. 因工作關係愛試用最新電子產品，又識Photoshop

5. 識花式溜冰

6. 好有商業頭腦：參與不同Model工作，拓闊人脈來幫助自己事業

7. 長期單身，鮮有緋聞

8. 把聲好襯佢嬌的的身型，鳴呀～

9. 身材好好，鳴呀～X2

10. 唔介意穿著比較性感既服飾，所以好多J圖睇，鳴呀～X3

 

 

Lilian Kan而家成日上電視，基本上已同明星差不多，唔需要我特別補充；又其實後來因為工作關係，都遇過幾位學歷、樣貌、才華都同樣出眾既「十全女生」，但由於唔係公眾人物就唔響度同大家介紹。

 

 

不過呢度想講既重點係，所謂「十全女生」，其實都係可遠觀而不可褻玩，唔單止因為佢地太過完美令你自愧形穢，而係「十全女生」實在太過聰明，長久以黎都了解自己既優勢響邊，所以慢慢你會知道，自己根本並不在她們身處在同一層面的世界；但掉番轉，一個女仔只要性格隨和善良、待人接物唔好扮哂野造戲勁過影后，少咁D公主病症狀，本身經已係一種好大既吸引力──唔係話其他條件就變得唔重要，不過標準會相應降低咁囉。