我唔撈喇!

(photo via cc Flickr user Soon)

(photo via cc Flickr user Soon)

 

「我唔撈喇!_你!你地做飽佢啦!」Ryan「啪」一聲地丟下那堆改了無數次的設計圖,留下職員證,頭也不回地步出公司,一個字,型!其他同事雖不禁流露出羨慕的眼神,可是大門關上後,大家又變回一堆沒感情的奴隸,繼續埋首工作,麻木地燃燒自己僅餘的生命。

 

Ryan是典型的fresh grad,抱有雄心壯志,亦未知世途險惡,剛畢業他便僥倖地進了大公司,那簡直是他的dream job,於是被壓價數千也甘願接受,心想大公司福利好,地點又近,為咗想學野,無計啦!可是公司恰巧大地震,同事走吓一個,走吓又一個,又請唔到人,於是他一個頂四個,workload不停倍增,晚晚加班都搞唔掂,辭職的都是做了幾年的同事,試問一個fresh grad可以點頂?加上Ryan對自己要求亦很高,無意中令自己增添不少無形壓力。

 

「屋企又唔係等住你養,做唔掂咪轉工囉,好過而加捱殘晒啦。」媽媽擔心地說。

「唉,其實我都覺得好辛苦,但做過大公司,CV靚好多,第時轉好工嘅機會都大啲。」Ryan說。

「但係你晚晚都加班,又無補水,咁咪好笨?」爸爸說。

「係啊,不過都無計,而家做野係咁o架喇,由其設計呢行,我算加班加得少。」Ryan無奈地說。

 

老實說,轉工又真的可以解決問題嗎?你以為至少可以由第18層地獄升上第17層?只能說少年你太年輕了,香港地仲有好多第19層第20層地獄等緊你。你以為你已經好忙好辛苦,但你總會發現有朋友情況比你更慘烈。Ryan其實也有嘗試向同事求救,可是人人都說自己很忙,自身難保,沒空幫忙,然後他心裡不禁問:「點解大家都話霖檔,但係你地日日都可以準時走?」好簡單啫,人地係senior,你係咩?你係個assistant咋,有本事你咪爬上去然後un un腳點人做野囉。

 

「好開心啊我份工有成14日大假,其他同學搵果啲都係得7日咋!」Ryan對前女友Miki說。

「吓?咁我都仲多你好多喎,我有27日。」Miki說。

「癡線!你返咩工?」Ryan說。

「普通admin囉,少左添喇,正常響德國返工有30日假嫁,果陣都叫你跟我去德國exchange o架啦。」Miki說。

「咁我始終都係想留響香港。」Ryan說。

 

香港人好像從出生那天起便要承受這麼多壓力,常說要贏在起跑線上,學前班、幼稚園、小學、中學、大學,最深印象是從前的會考高考,為了考進大學,日日拿著那堆書衝到圖書館,只為了拿一張好一點的社會大學入場券,如果不幸一個唔覺意衰咗,仲要再讀副學士或文憑,總之成世人好像就是為了考試。畢業後初出芧廬,有個機會比你學野已經要謝天謝地,不但加班合理化,而且一話想追求work life balance就會比老一輩話你唔捱得,然後這麼辛苦一生最後又可以換來甚麼?一間劏房?你就想啊!通脹加劇,人工加幅追不上,分分鐘只係岩岩夠食,你唔好病添啊,一病就分分鐘一鋪清你袋。

 

當你被老闆罵得狗血淋頭、被十萬個客chur爆、踩中同事地雷兼食晒死貓但無得出聲、又或是每天加班到零晨以為自己會虛脫至死上頭條的時候,相信你一定幻想過自己就是Ryan,幻想那霸氣的台詞,可是已衝到嘴邊的一句「我唔撈喇!」最後永遠都是「咕」一聲吞落肚,然後繼續為五斗米折腰。每個人折腰的原因都不同,有人只為兩餐溫飽、有人想追名逐利、有人只單純地想學野,於是無論多辛苦,多受氣,都只能繼續啞忍,毫無反抗能力,梗食這種非人生活。

 

車,講到香港咁差,你又唔去外國?人就係咁犯賤,對於無聊的電視節目會邊罵邊睇,對於無理的加班會邊罵邊繼續,而小盛女亦只是個平凡小市民,無膽的鍵盤戰士,打完這篇文後,瞓醒第二朝又會返公司繼續做奴隸,那句充滿霸氣的「我唔撈喇!」亦只能在夢中再說,晚安。

 

 

關於作者:小盛女

小盛女
80後中環打工妹,誓要追求work life balance的生活,並當一個幸福的食家。FB PAGE:https://www.facebook.com/littlevibrantgirl

則留言

閱讀後覺得好,請多多讚好及分享~:)

其他熱門文章

  • 愛男友,請愛埋佢屋企人 by 小盛女
    「有無人要食麵啊?幫你地夾。」Mike大喊。「使乜幫佢地夾,佢地無手o架?」Brenda黑面說。Mike即時怔了一怔,他從沒想過這麼簡單的舉動會令Brenda爆seed。「都係順便姐,大家一家人,我幫你夾埋喇。」Mike盡量壓抑自己的情緒,…
  • 應如何對待男友嘅朋友? by 小盛女
    晚飯後她又教大家玩大學時O-Camp的集體遊戲,很快便和Mike的朋友們混熟,特別是男性朋友。玩遊戲少不免有些身體接觸,Mike都一一看在眼裡,他最怕就是看到這些疑似抽水的行為,出聲唔係唔出聲又唔係,自己女友又鬼死咁主動,同人玩得鬼死咁盡興…
  • 【偽影評】 《棟篤特工》:電影的隱喻? by 馮志豪
    作為大學主修哲學的子華神,不少演出都是借故事諷時事,甚至有時直接觸及政治神經,例如他在楝篤笑中曾經說過 : 「知唔知一國兩制最偉大地方係乜?就係肯承認佢自己個制真係嚇親人!」和「全港市民熱烈慶祝『收返』!」等,令中在笑中帶來一點思考。…
  • 我可以肯定,大部分人並不適合一個人旅行。 by 達米安
    獨自一人在舉目無親的地方會令人變得緊張,因為無論遇上甚麼難題,發生了甚麼意外,都不會像在家鄉一樣有家人朋友的支援,也沒有了對公共系統的熟悉,所有後果都得自己承受。更甚者,當在語言不通的地方時,連如何向路人求助,都可以是一個難題。只要不是太缺…
  • 25歲以後 by 小盛女
    當我永世做Marketing,由assistant升到officer再升到senior又甚或是咁好彩升到manager,人工都可能只有2、3萬,日日做到隻狗咁,到頭來首期都儲唔到,真係諗起都一額汗,最後我想了十萬九千次,只有兩個辦法可以解決…
歡迎讚好我們的facebook page,免費資訊源源送上。