見到「偽 ABC」、「偽韓妹」的出現,我開始懷念起「MK 妹」

MK 妹

 

「可能我個 look 似 ABC,and then 我鬼妹性格,so I think 啲男仔會覺得我高竇囉」

「Well 其實我對 dinner 真係無咩要求,but you know 個環境好重要架嘛,所以我唔係咩地方都會去囉」

阿 Sam 和 Veronica 最接近的時候,他們之間的距離只有 19.25 cm。除了她那「十零分界」的髮型和扮作 ABC 的捲舌口音,阿 Sam 對她一無所知。當她在整頓飯裡說了二百六十八次 well 和 you know 之後,阿 Sam 決定再也不會約她出來食飯。

「嘩塊牛扒 is so juicy,唔好食住,等我影張相先」

嘴上說的是環境,但其實從頭到尾都是在看價錢,以及放上 instagram 呃不呃到 like。這一刻,阿 Sam 更明白這種「偽 ABC」,是溝唔過的。

 

依家香港地,周圍都係呢啲偽 ABC,扮哂野

食完飯後,阿 Sam 獨自在海旁散步。想起剛才 Veronica 說話中英夾雜,多說幾句好像就會穿崩的英文,還有她刻意模仿美國口音,講出的英文卻是標準的港式 grammar。明明是個土生土長的香港人,Chinese-born Chinese,卻要扮成 American-born Chinese。

現今香港充斥著這種「偽 ABC」,留著一把「九一分界」、「十零分界」的所謂「女神頭」,了無止境的撥頭髮。身穿 A 字頭、H 字頭的外國品牌服飾,無論甚麼天氣都總要露點腰、露點腿,人前總是說自己「唔係好識睇中文」,人後卻是就算在社交網站上打一段簡單的英文都要 google 翻譯。

「做作、扮高竇,仲衰過很假的肥仔」,這是阿 Sam 對這種偽 ABC 評價。

 

 

「我上次去睇 bigbang 演唱會,G-dragon 超靚仔呀」

「我都有去呀,Taeyang 真係好型呀」

在海旁吹著海風,阿 Sam 見到欄杆上坐著幾個作韓風打扮的少女在聊韓國的偶像。

 

原來除咗偽 ABC 之外,仲有呢啲偽韓妹

幾個少女畫著粗眉毛、粗眼線、眼尾向上勾,極紅的唇色加上「空氣瀏海」,這就是所謂的韓妝吧!
「呢套衫係韓國買架,靚唔靚呀」

其中一名少女展示身上那件黑底白字 tee 和超短的高腰褲,配上一對厚底鞋,這套在韓國買的服飾,卻予人一種「淘寶 Feel」。身高不足 160,不如韓國女生的高挑身型,又不是長得像 IU、Hani 那種韓妹樣,這些少女一看就是徹頭徹尾的香港人。

 

「依家啲女仔既打扮,我真係唔識欣賞」

阿 Sam 一邊慨嘆著,一邊走到巴士站坐車回家。

「小心啲呀,返到去記得要即刻打俾我呀」

排在阿 Sam 前面的,是一對穿著校服的情侶,剛約完會準備回家,男朋友正在送女朋友上車。

「BB 我上車啦,我會記得打電話俾你架啦,byebye」

那女生留著厚厚的瀏海,明顯改短過的校服裙,腳上穿的是人字拖。

「呢種打扮,真係好 MK,但又好有香港特色」

這一刻,阿 Sam 想起了中學時的初戀情人,Suki。

 

「禾巧中意梨呀 Sam 豬豬」

阿 Sam 開始懷念 Suki 這種 MK 妹最喜歡打的火星文,她們不會像偽 ABC、偽韓妹那樣在網上打英文、韓文。MK 妹性格率直爽朗、有話直說、有煙就抽,不會裝模作樣,連講句粗口都要想一想怎樣用英文講。買衣服就到旺角中心,不會流連名店,身上的潮牌也不一定貴。收到男朋友一份小禮物已經像小朋友般開心一整天,不會食昂貴大餐,收名貴禮物還一副不滿足,西口西面的說著「Well 我覺得呢份禮物好普通囉」。MK 妹那種愛得轟烈、戀愛大過天的魅力,更是偽 ABC、偽韓妹無法比得上的。

 

MK,才是真正的香港 Style

在日益受韓流、西方文化侵入的香港,MK 妹就像是保衛香港本土風格、地道文化的清泉。

 

「我想念你的吻 和手指淡淡煙草味道 記憶中曾被愛的味道」

MK 妹,我好掛住你呀。

 

關於作者:高教授

一個 90 後大學畢業生,社會上的新鮮人,自以為是經常以教授自居,用 90 後的角度探討千禧後的世界。 FB PAGE:https://www.facebook.com/professor.ko

則留言

閱讀後覺得好,請多多讚好及分享~:)

其他熱門文章

  • 身為管理層,真係想對所有同事講句:“Don’t Shit Where You Eat” by 犁牛
    當時有個隔離部門年屆40既已婚中年同事「借個」膊頭畀佢,又陪佢入廁所嘔,我覺得唔妥就叫女同事一齊入埋個k房獨立廁所睇睇,擾攘左10幾分鐘條IT佬又耍開d女同事,兩個人單獨係殘廁10分鐘......到第二日有人話畀我聽佢地拖住手落樓,然後等條…
  • 女校這回事 by belle
    「阿女,點解倒數你都可以留係屋企?」、「無人追你咩?點解你又留係屋企?」作為一個二十八的女人,社會認為單單一份穩定工作是不足夠,你必須有伴侶,繼而組織家庭,順理成章加入樓奴行列。拍拖,結婚,生仔就好似是人生的公程式,若果你問我照足指示做,是…
  • 男朋友家住在天水圍,而我呢,住大埔 by 甜蜜冤家
    是的,大家都在新界區,可是平常時間裡根本沒有巴士直接連接天水圍和大埔(早上和傍晚各有一班特別班次,只是我們都不適用)。若我倆要到對方住的地方,那就只可乘坐巴士及轉乘港鐵,合共需約一個多小時(大概足夠飛一轉台灣了)!說實話,這對我們的影響並不…
  • 姊妹婚禮都唔俾我請假?不如等佢下次結婚我先去賀佢丫? by HR熊
    我阿姐近年自己新開左條policy,就係嚴禁我地同team之間互相重疊放假日子,一日都唔准!唔批!皆因有次佢自己同我地teammate撞左連續四日假,仲要咁岩都係去外國出席朋友婚禮。照道理我同事比佢早申請假仲已經獲批,係咪以為好完美無位俾人…
  • 【識食一定食__】邊個星座嘅男人性能力最好? by 神婆
    話說當時我當同仁上下開緊PS4Party講緊無聊嘢,此話既出,全班人一秒爆笑。而我呢,真係唔知應該反白眼定係笑出聲。邊個星座男人性能力最好?…
歡迎讚好我們的facebook page,免費資訊源源送上。