對得你麻甩,唔會做情人

女漢子

 
問:「男女間,是否能有真友誼?」

答:「好講個女仔本身咩性格……..」

數數身邊餘下的好朋友,其實佔大多數都係男性,我不知道其他女人係唔係一樣,不過,我好細個時,妹妹們尚未出世,一屋都係表哥、堂哥,記得每逢新年中秋都會見吓佢哋,但係唔係玩煮飯仔同Barbie……….通常都係玩「打劫銀行」「飛虎隊」「扮葉繼歡」之類,記得第一件玩具是一支有聲嘅假AK47………..

 

後來被送去海外寄宿了,全女校的日子幾乎都是靠書包和拳頭捱過那幾年,再之後回了香港住了好幾個月,入讀某間私立中學,入學第一天,已經好自然地打了籃球,嚴格來說,打從我懂得保護自己之後,身邊盡是男性的朋友,但當然了,亦有很多女性朋友嘛,因為好多時,都是某某想結識某某,就會派我去「對家」做無間道,混熟了,就成了他/她們找大家去玩的一個理由。

 

又後來,又去了海外入讀中學、大學,大家各散東西了,滿以為終於功成可身退;

怎料………

又自然而然地結識一班死仔包,好不容易捱到入大學了,他們知道我入讀的科系,有美女如雲後,老是找我來當借口「前來探望」,然後成就他們一對對令人眼冤的愛侶,hahahaha~

 

只能說,當一個女生認識異性時,正式見面的第一次,她會肆無忌旦地食煙、R pat pat、撩鼻屎、講粗口、UN腳食煙、講鹹gag、一齊打機睇波,盡是麻麻甩甩的「儀態」時,說明了這班男人在她面前只能會是純友情,絕冇可能發展為情人的。

 

因為,女人天生有好幾面,並非是我們要偽裝什麼,而是,當真正愛上某個人的時候 ,自不然會被基因裡的荷爾蒙刺激大腦,不經意地發姣,不經意地介意自己在某某面前的印像、感觀,然後不知不覺間,會化妝、扮靚,會溫柔得令一眾兄弟起雞皮…………

所以,你能想像那個打從認識那刻起,比麻甩佬更麻甩的女漢,突然間拿出那個千嬌百媚的女人樣給你看的震撼嗎?hahahaha~

一個平日總是被一眾兄弟稱為人妖、男扮女裝的好朋友,突然變成一個懂發姣的女人在身邊…..想想也覺得驚嚇吧~

所以,一開始時,若然女人真的把身邊的異性看作「兄弟」時,基本上可以發展成情人的機率是 – 零;

這,就是我的睇法;不過,世事無絕對,只是在我的世界裡,有這樣的一個見解吧 ~hahahaha~

 

關於作者:夏晴

則留言

閱讀後覺得好,請多多讚好及分享~:)

其他熱門文章

  • 唔小心收左兵 by 熱豆腐仔
    有D女仔好慣性同你講野時候有身體接觸,真係好危險。巴打們稱呢一種女仔為魔性之女、毒撚剋星。比你有遐想既空間之餘,又唔會真係同你發展落去。對於抵抗力極弱既毒J同自信谷底男,真係死左都唔知咩事「乜我做左兵咩?」「你又係大意既」係呀,仲快過填fo…
  • 大陸親戚拜年,硬係鍾意隨時殺上嚟 by 余該隱
    「大個仔,應該要識唔好亂逗人哋啲嘢㗎喇。」Johnny一早排練好呢番說話,仲提醒自己要笑,唔好太掘,免得畀阿媽鬧返轉頭就霸氣盡失嘞。…
  • 好地地叫雞唔得咩? by 毛言地
    你以人道、慈善、救援等等咁光環咁人性嘅身份去到,居然迫受助人做啲最嘔心最可怕嘅行為去換取佢地本身就應得嘅嘢,仲要係靠咁多人捐嘅錢,包括埋飛過去張機票都係我地比(係啊,我有份捐架屌)。原來做慈善機構咁撚開心,唔單止公司包叫雞,仲要係迫啲良家婦…
  • 【引以為鑒】千奇百趣 Interview by HR 扮工週記
    應徵職位:初級廚師。我:「你之前多數煮開咩菜式?有無咩拿手菜?」應徵者:「其實我好少煮野食,因為怕接觸生肉。」…
  • 這連愛情故事也稱不上 by 偽述家
    成長了一點以後,我們在跌跌撞撞中摸索感情的一環,在不斷傷害亦被傷的經過,明白了自己需要什麼,想要什麼,甚至我們不能得到什麼。唱著紅豆,我們真的覺悟,沒有什麼會永垂不朽。…
歡迎讚好我們的facebook page,免費資訊源源送上。