【真人真事】識到個唔會去蒲既女朋友,其實已經好好

 

*如有雷同,實屬真人真事

 

男女之間拍拖,點都會有嘈交既時候。
而好多時都係基於對方同異性有懷疑過份親密既行為,好似成個醋罈子打爆左一樣,成地酸味湧上心頭

除左舊知已舊朋友舊同學舊同事之外,往往出現最多異性既,就係Party或者酒吧。

 

話說呀A同女朋友呀B已經拍左拖半年有多,但因為佢地住得遠,平日大家都忙於返工,所以好多時候都係一星期見一次面

有一次,呀A無意間見到呀B既FACEBOOK上面見到佢將會出席一個Party,而呢個Party將會係LKF搞,但奇怪既係呀B並無同呀A交代過

「你星期五去Party咩?無聽你提過既」

呀A終於忍唔住傳訊息問

「係呀,不過未知去唔去,所以無同你講囉。因為可能要去同事既BBQ」

「哇,咁多節目呀,實開心啦」

其實呢個時候,呀A已經成地都係醋

「你想唔想一齊黎呀個Party?我都係同我D朋友一齊去」

呀B見呀A咁講,惟有咁樣回應

其實原本成件事無問題,但上次既酒吧事件,呀A已經領教過。
女朋友全程就招呼佢D朋友,呀A想插下嘴都難,已經完成無晒心機,一個人自己係到玩電話。

雖然有時呀B會走過黎問呀A係咪唔開心,但呀A明白到係朋友面對唔應該咁小氣,所以都忍住無當面表達不滿。

 

自此,呀A都甚少出席呀B一班朋友既活動
而呀B亦知道呀A唔鍾意,所以有時都直頭無問

 

「唔去啦..你地玩得開心D啦..」

其實係明眼人都知道,呀A的確唔開心,但佢又唔想咁專制話唔比佢去
因為呀A深明一個道理,如果佢真係要去玩,我唔比佢都會一樣照去

「放心啦,我都係同一班朋友去,佢地會睇住我」

「邊睇到咁多呀..」

「咩呀…我地幾個朋友自己去玩咋..」

呀A呢個時候有一股無名火
於是佢就搵左一篇網上潮文,直接Send比呀B睇
(大家都可能有睇過,轉載至小姓奴巴打)

內容大約如此:

聽到啲女成日話:「飲杯嘢之嘛…唉邊會咁易醉喎!放心啦,我同幾個FD去,佢哋會睇實我架喇」到最後俾人圍攻俾人落嘢俾人執去後欄輪大米,佢啲FD仲響舞池度Yo緊其他女。俾人中出咗十六連發後覺得自己柒晒唔敢同人講,休返條摟屌裙上肚就call的返歸,喊住咁沖涼洗閪,幾個男人混合埋一齊嘅精液仲溜緊出嚟,Book定時間聽日去驗驗。而佢個男友仲ON99咁打緊LOL,守住個中路。

呢啲事每個星期四五六都發生緊,如果你女友有落開Club嘅習慣,你自己不妨先去驗下有冇性病。

 

呀B雙藍剔之後就回左一句

「我都唔係成日蒲開..」

其實呀A好想講唔係蒲幾多次既問題..而係講緊呢D地方有機會比人抽水,甚至抽插,可能只係去一次,都已經有機會「奶」野。

不過呀A無咁講,因為佢明白咁樣講一定會嘈大交

 

跟住呀A只係傳送左一張網上流傳比人輪大米既相比呀B

 

「我今次去到唔飲酒..因為好似好貴..如果唔信既你跟住黎啦」
呀B隨之附送一個微笑Emoj

呀A真係笑而不語,你同人講落老蘭唔飲酒?
心諗一句你真係當我On9

 

呀A真係有少少心淡,隨之回應一句
「唔去,我要係屋企守住個中路」

 

呀B都唔知點樣回應,都只係傳左一個表情符號

 

呀A都明白阻止唔到D咩,最後亦只係隨隨一句

「你Book定時間啦」

自此,兩個就冷戰至今

 

呀A向我慨嘆,假若自己女朋友唔會去蒲既,或者就可以避免好多不必要既嘈交

其實其中一句講得好岩「如果佢真係要去玩,我唔比佢都一樣會照去」
的確,好多時候無可能24小時監視對方,我地可以做既,就係選擇相信

 

拍拖戀愛並唔係一個人既事,好多時都要顧及對方既感受
無論係男或女都好,其實都會因為對方同異性相處而感到有點不快

當然唔係話要斷絕所有異性既朋友,
只係如果有得揀,拍緊拖既朋友就最好收心養性啦

 

正所謂「己所不欲勿施於人」
換個角度用對方角色思考,或者你會明白更多。

 

 

作者:熱豆腐仔

熱豆腐仔
純粹分享個人經歷和創作小品。喜歡文字,因為文字更能帶給讀者無窮想像。https://www.facebook.com/hothottofu/

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 116141
Date: 2015-09-17 15:58:19
Generated at: 2020-03-31 12:03:32
Permalink: https://www.vjmedia.com.hk/articles/2015/09/17/116141/【真人真事】識到個唔會去蒲既女朋友,其實已經