欣宜36?比你揀,你要36A 定32D?

文教 / 最新文章綜覽

456

 

啱啱見到呢篇講欣宜曬Bra既報導,睇完內文,我極度懷疑寫呢篇報導既係男人1

昨晚臨瞓前,欣宜仲益啲好嘢俾大家醒醒神,白底衫再透黑bra bra,誘人呢?未算喎!整多3個新bra嘅吉shot,牌都未剪,保證fresh。不過細心睇一睇,唔計多cup數,欣宜嘅size坐底up to 36吓嘛,但呢3對新bra bra睇落唔似佢著得落喎?唔係造假啩!

男人唔識女人野就真係唔好多嘴,一係了解下先好講,如果唔係會比女人笑的。正如我都唔知男人幾長係正常、幾長係勁、幾長係too much,所以我唔會公開發表對男人長度既意見。

 

*-*-*-*-*-*-*-*-*-*-*-*-*我是分隔線*-*-*-*-*-*-*-*-*-*-*-*-*

 

講返正題,女人既胸幾大幾細,

係睇cup only
係睇cup only
係睇cup only

好重要所以要講三次。cup數同圍數係無關。

 

通常形容女性上圍身材,都係一個數字+一個英文字咁既,例如

28A
30D
36C

個數字叫做胸圍,係代表喺下胸圍繞身體一周既長度,單位係英吋。下胸圍係邊個位﹖即係貼近胸部隆起處的下緣。俗啲講,即係「bra邊」,鐵線嗰個位。

 

而英文字母就係我地成日講既cup數罩杯,反映胸部大小,一般來講由AA-F——AA係最細,F係最大。當然有極端例子,例如G奶。計算方法係「上胸圍 – 下胸圍」之差。頭先講咗下胸圍係「bra邊」,而上胸圍即係隆起部份,最高最挺嗰個位。所以,愈大胸,「上胸圍 – 下胸圍」之差一定係愈大,而個英文字母亦愈大。

例如有個2個女仔,2個下胸圍都係28英吋,

A女仔—
下胸圍=28英吋
上胸圍=31英吋
Cup數=上胸圍31英吋-下胸圍28英吋=3英吋=AA級
即係我地可以用「28AA」形容佢既上圍。

B女仔—
下胸圍=28英吋
上胸圍=35英吋
Cup數=上胸圍35英吋-下胸圍28英吋=7英吋=D級
即係我地可以用「28D」形容佢既上圍。

「28AA」同「28D」都係28,但擺到明「28D」係正好多啦大波好多啦。如果講胸既大細,個數字係無意思的~

 

例如我地覺得好索既周秀娜同雞排妹,咁岩兩個都係32E。個數字好似好細咁,32wor,但係其實根本同cup數無關。

*-*-*-*-*-*-*-*-*-*-*-*-*分隔線*-*-*-*-*-*-*-*-*-*-*-*-*

 

咁其實數字又唔係完全無意思既。以下兩條女,你估下邊個索啲﹖
A女: 28C
B女: 36C

我地由細到大都有個錯誤觀念,聽人講「36-24-36」,就覺得數字愈大=胸愈大。呢個concept係大—錯—特—錯。事實係,數字愈細愈好!(相反,cup數當然愈大愈好。不過,都係個句,extreme case唔計,唔好同我講咩G奶太大會唔靚個啲廢話。)

點解數字愈細愈好﹖首先諗一諗個數字代表緊咩,其實係講緊圍繞身體一個圈既長度,換然之反映緊你背肌有幾厚,背部有幾多肉。女仔一般來講都係背肌薄啲好睇啲既。

所以返去頭先條問題﹕

A女: 28C
B女: 36C

識揀一定係揀A女。B女分分鐘係肥婆,A女先係真正既瘦底大波。

 

*-*-*-*-*-*-*-*-*-*-*-*-*結論*-*-*-*-*-*-*-*-*-*-*-*-*

 

「欣宜個size坐底up to 36」呢句嘢原本就有問題,36係講緊「胸圍」,同size無關。應該改為「欣宜個size坐底up to D」先make sense。再者,其實睇返欣宜instagram張圖,個tag都無寫到咩size,都唔明點解記者會覺得佢唔岩size。目測欣宜買既呢個新bra同佢上圍都match,要睇返個bra墊其實厚唔厚之類,不過呢啲係後話啦。

btw,講多少少,香港小姐不嬲都唔講cup size,淨係公佈圍數,所以其實無乜討論價值。應屆冠軍麥明詩三圍係「32.5-22-33」,但係你諗下,雞排妹咁大波上圍都係得「32吋」,麥明詩無乜睇頭又瘦反而有「32.5吋」,仲多過雞排妹,真係好撲朔迷離……

 

 

總結一句﹕數字要細,字母要大。32D一定係索過36A。

利申﹕純討論,無任何物化女性既意思(編按:你自己咪女性囉做乜鳩?)

 

 

  1. 編按:屌啦,性無能添呀可能,男人睇下AV 都識分ABC 啦~(另有讀者認為係hehe扮直先唔識分……)

關於作者:林璃蝶

林璃蝶,九十後香港博客。活在記憶,迷戀過去,因此喜歡以文字記下已發生的一切。最新文章﹕《張先生,謝謝你來探望我,可是……》、《鳩夢想》、《點解香港人就係唔識欣賞魔術》等。 Facebook專頁:https://www.facebook.com/o.indicum

則留言

閱讀後覺得好,請多多讚好及分享~:)

其他熱門文章

  • 當年老師講到我將來一定會乞食,我老豆回佢一句…… by 藍橘子
    係我升咗上一間唔錯嘅中學,完全跟唔上進度。但其他同學望落都好似好聰明咁,點解佢哋乜都識?!點解我聽唔明?!第一年考試好差,但當年我鬼知乜嘢叫前途咩…最唔開心嘅原因,係畀同學笑蠢,畀老師冷嘲熱諷。返到屋企,我喊到豬頭咁,老豆返到黎望住份卷……
  • 三十歲的處女 by 米多莉
    我明白那些男人的心態。他們都三十多四十歲了,除非是真愛,很難跟著處女的步伐。又怕她痛,又要溫柔,又要有技巧。他們不再是十七歲了,那時候血氣方剛,跟初戀情人曳曳時愚拙莽撞,不顧一切的衝了進去,就算女的哭了,大家都還是充滿實驗性,痛幾次就沒事。…
  • 娛樂新聞無鳩聊?香港人咁撚無聊咁撚低質係睇呢D架啦~ by 肥西
    有個女歌星,明明佢都收左山,埋街食井水架啦,但唔撚知點解,係咁撚中意係個網度話畀人知,佢個乳頭日日都畀個男人大大力咁啜。係呀,係佢個仔。細路食奶就係咁架啦,你純文字討論又冇相又冇片,咁講黎做咩?你畀有錢仔中出完生埋仔,而家又畀個有錢仔個後代…
  • 香港人食野質素,去到我地呢代已經變左下限 by 歷史系小賤貨的日常
    香港係一處好奇妙既地方,我地雲集左全世界各處既美食,基本上你去轉銅鑼灣或者旺角,你求其係張地圖篤個國家出黎,都有得你食。比著係第個國家,屎就有得你食。但去到最近,個世界已經唔同左,近年開始,一興果樣野,垃圾香港人就會開到一街都係同一樣既野。…
  • 奶茶,識飲一定走甜 by 尹洛
    初試飲那走甜的奶茶,嘩,不得了,苦到不行了,完全不是想像跟習慣的味道。我記得我苦著臉像喝廿四味似的勉強將其乾掉。之後的好幾次,我都爭扎了好久,想著要不要走甜,還是要少甜算了。但那時的我不知哪來的毅力,決意所有放進口的液體都要無糖,於是乎又試…
歡迎讚好我們的facebook page,免費資訊源源送上。