如果你覺得追女仔好難,可能係你搞錯計分方法

加速世界

 

上篇講嘅係心法,心法就係行事嘅依歸。記住,如果以後你,小毒男一號,喺追女仔嘅過程入面感到迷失,唔知點樣繼續,你永遠只需要記住要證明嘅只係「同你一齊比佢自己單身」好,多餘野唔洗諗唔洗講,就係咁簡單。

追女仔既然成功同失敗之分,而你又發覺呢個世界上硬係有啲好似平平無奇嘅人追女仔成功率係持續地高啲!可想之知,追女仔嘅性質係似考試咁,有高分低分,亦有固定嘅形式同方法。呢度引申到另一個迷思:好多人以為女仔眼角好高,要不斷equip自己,學歷高人工高有私樓,追女仔就會容易啲。

然後眼看MK仔叱吒風雲,你只能夠催眠自己,自己女神唔會係睇上MK仔嘅庸脂俗粉。但,我好老實咁話你知,追女仔呢件事,基本上你約到佢第一次,見面當日已經直接決勝負,比你約到食飯睇戲糖水直落,總共七八個鐘嘅時間,你要兼顧Flirting,約會嘅行程同節奏,再加埋你食飯真係要食晒啲飯,你識如來神掌都唔會有時間話佢知。

「無理由啲女仔會覺得佢100分架……MK仔黎架喎。」每個小毒男嘅心聲,完全無錯,成件事只不過係MK仔過左合格線,而合格線比你想像中低而己。如果追女仔係一個考試,而你只需要合格,咁,速成嘅策略就係──易拎嘅分拎晒佢,太難拎嘅分直接放棄。

 

儀容就係好好嘅例子。

女仔嘅評分方式,儀容黎講,係一個扣分制。由件衫太皺,對鞋太污糟乃至眼屎、鼻屎、頭皮、面油、指甲長度同有無剃鬚,佢地一定會睇得出,呢方面唔需要心存僥倖,係「一定會」。假若你有幸約到Target,出門一定要再三check清楚有無出事。

當然閣下靚仔到吳彥祖咁可能有豁免,但我勸你唔好博。

衣著方面其實都唔洗太講究,恤衫總有掛,褲同配飾自己參考比較型棍嘅朋友啦。總之所有野合理比例,唔好太大件恤衫都Hip-hop,又唔好太緊身show你對肥仔波走sexy風。有人會覺得男人應該戴返隻錶,但你作為一個小毒男,我相信你都唔會好識襯架啦,多一事不如少一事。

打扮環節扣分嘅機會好多,小毒男如你,我可以保證,點小心都好,出到黎一定無意間比人扣分架啦,但守住呢關之後就係你嘅世界!簡單講四個字打扮合宜。唔需要令人覺得眼前一亮,務求唔好嚇親人。例如同女仔踩單車係唔需要著緊身衣戴頭盔同擋風護目鏡,你覺得自己著羽絨時最型棍都唔好喺大熱天時著,唔該!

呢個考試,只需要約到出黎一次,期間無乜比人扣分,玩得比平時同朋友出街開心少少,就會成功。

 

【如果你覺得追女仔好難】

如果你覺得追女仔好難,其實你係嫌棄緊你自己

如果你覺得追女仔好難,可能係你搞錯計分方法

如果你覺得追女仔好難,可能係你未識溝通

如果你覺得追女仔好難,可能係你演技唔夠

 

 

關於作者:求其花

求其寫,求其賣,求其志不求奢華|求其真,求其愛,求其花不求其果

則留言

閱讀後覺得好,請多多讚好及分享~:)

其他熱門文章

  • 港島人同九龍人,有鬼分別咩! by 小李子
    筆者係地道九龍人,由細到大讀書做嘢都係九龍區,冇乜必要好少喺港島區留連。 但自從上個月搬咗去上環做嘢,我就發覺港島人真係零舍唔同,係零舍串呀! 行去中環食lunch,個個西裝友都好似特別白鴿眼咁, 連翠華個阿姐都特別惡! 但我到最近機緣巧合…
  • 我可以肯定,大部分人並不適合一個人旅行。 by 達米安
    獨自一人在舉目無親的地方會令人變得緊張,因為無論遇上甚麼難題,發生了甚麼意外,都不會像在家鄉一樣有家人朋友的支援,也沒有了對公共系統的熟悉,所有後果都得自己承受。更甚者,當在語言不通的地方時,連如何向路人求助,都可以是一個難題。只要不是太缺…
  • 【塔羅個案】基督徒黎開牌問:「我個仔契比黃大仙好唔好?」 by 神婆
    「我想問下個仔契比黃大仙好無呀,」Angela個樣好認真,「會唔會以後條路易行啲?」…
  • 【偽影評】 《棟篤特工》:電影的隱喻? by 馮志豪
    作為大學主修哲學的子華神,不少演出都是借故事諷時事,甚至有時直接觸及政治神經,例如他在楝篤笑中曾經說過 : 「知唔知一國兩制最偉大地方係乜?就係肯承認佢自己個制真係嚇親人!」和「全港市民熱烈慶祝『收返』!」等,令中在笑中帶來一點思考。…
  • 25歲以後 by 小盛女
    當我永世做Marketing,由assistant升到officer再升到senior又甚或是咁好彩升到manager,人工都可能只有2、3萬,日日做到隻狗咁,到頭來首期都儲唔到,真係諗起都一額汗,最後我想了十萬九千次,只有兩個辦法可以解決…
歡迎讚好我們的facebook page,免費資訊源源送上。