香港以前有艷星

gracelamblog2

 

早排喺Facebook見到林雅詩,當堂嚇一條,即刻like咗page,然後回憶返90年代末仲有港產鹹片嘅年代。

80後男仔一定識啲。有無睇過原始獸性?顏仟汶你識喇掛?

嗰個係香港最後仲有鹹片嘅年代,係鹹片喎,唔係艷情片喎。3D肉蒲團嗰啲大製作仲有AV女優同大量劇情嗰啲唔係鹹片,我係講緊90年代極低成本戲院都唔知有無上嗰啲本地B級鹹片。

當年科技無咁先進,無得下載,只可以買VCD睇,未夠秤就要夾幾隻其他戲一齊買,好徙錢。

 

我好鐘意睇林雅詩,點解?夠local囉。當所有鹹片唔係歐美就日本嘅時候,跎地就值錢了。3D肉蒲團有幾個AV女優又如何?大部份毒男都係入戲院都係為咗睇雷凱欣,點解?支持自己友吖嘛(當然結果係好令人失望啦)。

見到林雅詩其實好感慨。香港基本上已經無色情娛樂事業,頂多都係得網台,好小眾。

以前唔係咁㗎,你記唔記得性在任你call?陳明君,張綺桐,陳昭昭三個著三點式係cable成人台講淫野聽電話,宣傳得好勁,有記招有event㗎。我無得睇live,都係買VCD睇返咋。

 

今時今日道德撚主導香港,無晒呢啲成人B級片,只剩返兩頭唔到岸嘅靚模寫真,係好可惜。咁而家個社會係咪變得好有道德?定係虛偽咗?

香港根本就越嚟越保守,娛樂圈直頭係歧視所有有身材嘅女演員。唔係咩?以前啲女主角係劉嘉玲張曼玉,係有女人味㗎,關之琳拍五福星浴缸濕身,係上到位㗎。而家?越無身材越好,阿Sa鄭秀文楊千嬅先做到女主角(而家仲有王菀之…),咁啲戲係咪好啲?唉你話事啦,總之阿Sa講句粗口就好突破咁囉。

其實香港每日都有好多男人打J,係有市場喺度,咁點解要迫佢地齋睇架妹?

 

林雅詩而家先復出,一定又俾雜誌話佢婚姻失敗(基本上對於八婆雜誌嚟講所有女明星復出都係因為老公破產之類啦),但我個人係十分支持啦。

佢都係香港小姐嚟㗎,相比起咩劍橋畢業嗰啲,我覺得佢更代表到香港精神囉,話曬都慰藉過我地呢班成長喺寬頻年代之前嘅七八十後吖。

加油呀!林雅詩!你本寫真我一定買!買多幾本添,我代表所有睇過Big波誘惑嘅毒男多謝你。

 

 

關於作者:齋老味

齋老味
廣告業瘀血,世界首席鄭敬基替身。https://www.facebook.com/jerlame

則留言

閱讀後覺得好,請多多讚好及分享~:)

其他熱門文章

  • 我一直以為我們是十年好兄弟,但為甚麼去旅行你要帶安全套? by 蚊子
    十年了,我們之間沒有曖昧,更沒有愛情。我們就像人們所說的那種不存在的男女之間純粹的友情,我們會吵架、會打架、他會跟我說如何「搞掂」那些女仔,我會笑他賤格⋯⋯我們什麼都能分享,無論相處多久都覺得只會是「哥們」,他也曾經向我爸爸敬酒:「uncl…
  • 識揀另一半,人生已經贏左一半。 by 窮家有道——窮一生
    其實呢個題目我想寫好耐,因為講到理財,其實係一件終身事業黎。我教你開支點減都好,都係一時既野,個個人既生活節奏都唔同,套武功都要有所變化。一項咁漫長既任務,當然係由陪你最長時間既人開始!老豆老母冇得揀既,好似窮生咁,出身係單親家庭,家母唔係…
  • 烈女 by 亞愁
    聽説她三十歲那年嫁了個青年才俊,不夠兩年就離婚了。我記得她說過,女人一定要在三十歲前嫁一次,結果她做到了,儘管婚姻是如此的短暫。…
  • 偷食的人有難了:我用GPS追蹤男友(一) by B612
    從來都唔會主動講密碼俾我聽,就連喺我面前解鎖手機都會遮遮掩掩。唔係身有屎嘅,怕咩俾人知?佢越係神神秘秘,我就越覺得佢想要嘅,唔止係私隱咁簡單。果然,一齊咗未夠兩年,就發生咗一連串令我哋無辦法繼續一齊嘅事………
  • 偷食的人有難了:我用GPS追蹤男友(三) by B612
    有時有啲嘢就係咁。你以為自己距離做個壞人、變態佬、或者跟蹤狂好遠,又點會估到有一日,你會歇斯底里地不停check自己男朋友嘅所有電子用品。…
歡迎讚好我們的facebook page,免費資訊源源送上。