香港英文廢,弊在離地

香港英文廢,弊在離地

 

最近唔同人都有講,就係香港近代英文水平下降 。

唔知你識得幾多個外國讀書嘅朋友親戚,但係你都應該會聽過有人話喺香港學校學過嗰啲英文,喺外國其實冇人會咁講。咁你聽完又可能會心諗「__,又講呢啲,I go to school by bus。」

 

但呢樣嘢其實係冇講錯的。俾大家睇幅筆者影嘅圖:

香港英文廢,弊在離地

 

單嘢個背景基本上係間運輸公司要轉RFID 付款(基本上似八達通),因為有技術問題,結果要自己倒自己米將所有巴士線都收一個價。但重點係呢句:

“Bus anywhere with a 1-zone fare.”

 

「乜咁樣講都得架咩?」 得。

「唔啱grammar 喎,好似。」啱grammar呀。

 

平日對答,你搭乜,將你搭緊嗰樣嘢直接當verb 就得,我連training(搭火車)都聽過。我咁列出嚟唔係話任何情況寫paper 都要寫呢啲,但係如果你中學vocabulary worksheet 寫呢啲做example,肯定會俾阿sir 打大交叉。我以前就真係試過寫short story 入面其中一句對白寫 “I did go there.”,跟著被人圈個did,話要寫 “I went there.”。但係呢句嘢我正正就係native speakers度學返嚟,加did係有加重語氣嘅作用。嗰句嘅意思即係「我的確有去嗰度喎」,如果寫「我去咗嗰度」,嗰語氣嘅落差真係會好明顯。

語言嘅嘢,真係隨時間不斷變嘅。唔單只係英文,就算你依家睇返幾十年前嘅TVB 新聞報導,你都會覺得啲主播講嘢有啲怪怪哋。但係你今日睇返啲幼稚園英文教材、小學英文書就會發現,點解依家仲會教人問 “How do you do” 嘅?北美呢邊就肯定冇人咁樣問,我前幾日睇過有一篇由英國留學生寫嘅文章,原來如果你英國咁樣問人,仲會隱含諷刺嘅意味,都幾大鑊。呢啲咸豐年前嘅phrase 冇update,反而依家native speakers 會講嘅 How’s it going 呢啲就被唾棄。香港近年教出嘅英文就係咁同世界脫節離地,日常都用唔到,又點可以叫學生多講多聽丫。如果你嘅課程全部都係十年前嘅料,咁就算你請幾多個NET 返嚟都冇用。

 

I bus to school.

 

關於作者:域寒根

土生土長香港90後,熱衷於政治議題上發聲,考完愛恨交纏的DSE後現留學加拿大,依然熱愛香港本土文化,望指出冷門角度激發討論。

則留言

閱讀後覺得好,請多多讚好及分享~:)

其他熱門文章

  • 【塔羅個案】「我想分手,佢話唔好,不如去開房;然後我覺得佢仲愛我」 by 神婆
    Sally壓低聲線,「我當時話,如果你呢兩年唔娶我嘅,就分手啦!你都唔愛我嘅!結果佢聽完,同我講,唔好分手啦,不如咁,我,我同你去開房好無?神婆,妳明唔明我嗰刻嘅心情?」…
  • 毒理學家:香港係冇黑色嘅蛇嘅! by Fava Bean
    「唔⋯⋯病人冇影相⋯⋯佢話佢係黑色。」「喔。」毒理學醫生頓了一頓,突然語出驚人地說:「首先,香港係冇黑色嘅蛇嘅!」我不由得大為震驚,感覺人生迄今的世界觀被徹底刷新了,長居在此多年,連香港有蛇都不知道,更遑論會知曉此地沒有黑色的蛇!我兀自沉溺…
  • 從無綫台慶睇老屎忽點摧毀一個電視台 by 清君
    這些年來,你講得出有幾多個大台主持?阿旦、曾志偉、阿叻、Liza、Do姐,較後生的可能要數崔建邦了,或者我算漏不少人,但來來去去都是那一撮人。昨晚一開show,就是Liza、曾志偉和阿叻引領,有前輩坐鎮當然係坐定笠六,但不放手給後生揸大旗,…
  • 你會同另一半講你嘅性史嗎? by 我從不穿睡裙
    講曬出黎,對方真係完全無野,完全接受倒,覺得呢D過去左既野係唔重要的話,我真係恭喜你。但萬一,對方聽完之後唔係咁既話,你要小心了。…
  • 廢青的一天 by 木人里
    「我到底做緊咩?我到底做緊咩?我到底做緊咩?我到底做緊咩?幾時放工?幾時放工?幾時放工?幾時放工?幾時放工?幾時放工?下又叫我?我未回氣呀﹗幾時放工?幾時放工?屌你老母都唔撚講道理架﹗幾時放工?幾時放工?你條死老野識條春咩?幾時放工?幾時放…
歡迎讚好我們的facebook page,免費資訊源源送上。