箍左牙三年,簡直係地獄

 

如果你有打算箍牙,或者已經箍牙,我都想恭喜你。

箍過牙先係真漢子!

承接我上一篇的文章(佢同我講多謝,我話你傻架?)

其實我都算是一個有偶像包伏的人,

箍牙時經常很擔心識不到男朋友,

感激我的好朋友肥雞經常說,

「如果佢係中意你,箍唔箍牙佢都中意你架啦!」

這句說話都幾廢,但其實給了我很大的安慰。

 

從小到大,我的牙齒其實都算整齊。

只是門牙中間有一條很少的空隙,其實我小六已經換完牙,

但一直覺得箍牙真的很樣衰,所以中一時即使母親勸我去箍,我也極力反對。

 

一直到了高中,同學們之間開始給我改了花名,我忍受不住,所以讀完中學後,我便下決心去箍牙。

我相信每個人初初的想法都是「樣衰幾年,靚足一世」。

其實我很後悔初中時沒有箍牙,現在我的FACEBOOK裏仍有不少我箍牙的照片,

如果我早一點去箍,應該真的可以完全洗底。

 

我仍然記得,箍牙的第一天我正在O’CAMP中,因為牙醫很難預約,

所以只好玩到一半出去箍牙了,結果這便是地獄的開始。

 

第一個苦,痛到仆街。

正所謂牙痛慘過大病。

比其他人幸運的是,我不用剝牙,所以已經沒有那麼痛苦。

但當晚我真的痛到不停流眼淚。

當晚我返回O’CAMP,莫講玩,我連說話的能力都沒有。

結果這個O’CAMP白費了。

 

然後每個月覆診,牙醫都會將你的牙齒收緊,每個月都有幾天是在痛苦中度過。

新的鐵線更會瘋狂刮損你的牙肉,我覺得自己像玩恐懼鬥室。

 

第二個苦,柒。

由於我是箍鐵線,即是最柒那一種,我足足戴了一星期口罩,

完全不敢見人,最後我發現我不可能戴口罩戴幾年,才勉強除下。

而且箍牙後你的咀唇會突了出來,即是孖潤腸,除非你生得像Angelina Jolie或舒淇,否則你只會像比人打了幾槌。

 

最最最柒的是,箍牙的其中一個程序,戴橡筋。

這條橡筋會在中間四隻門牙箍著,形成一個「口」字,食飯時要脫下,但食完要馬上戴回。由於真的太柒,柒到我一直常常不戴,最後這個步驟足足拖了我一年才箍完。

 

第三個苦,影相。

從此你不敢再露齒拍照,即使其他人開懷大笑,你都只會像懷春少女默默微笑,我也是箍了牙第三年才敢露齒影相,當然現在回望我也不明白自己為何會如此勇敢。我認識有朋友箍了幾年仍然堅守不露齒笑的原則,我真的深感佩服。

 

其實無論男生或女生,我覺得箍牙絕對是一種磨練和堅持。

如果三年這樣辛苦都捱過了,恭喜你,你成為勇者了。

 

如果有任何箍牙的疑問和感想,歡迎到我的PAGE留言。

關於作者:娘娘

娘娘
九十後任性女生,喜愛表演藝術。紀錄自己一個人遊玩的故事。喜歡搞政治,不喜歡政治搞我。興趣收兵,長期募兵中。https://www.facebook.com/hermajestyll/

則留言

閱讀後覺得好,請多多讚好及分享~:)

其他熱門文章

  • 身為管理層,真係想對所有同事講句:“Don’t Shit Where You Eat” by 犁牛
    當時有個隔離部門年屆40既已婚中年同事「借個」膊頭畀佢,又陪佢入廁所嘔,我覺得唔妥就叫女同事一齊入埋個k房獨立廁所睇睇,擾攘左10幾分鐘條IT佬又耍開d女同事,兩個人單獨係殘廁10分鐘......到第二日有人話畀我聽佢地拖住手落樓,然後等條…
  • 女校這回事 by belle
    「阿女,點解倒數你都可以留係屋企?」、「無人追你咩?點解你又留係屋企?」作為一個二十八的女人,社會認為單單一份穩定工作是不足夠,你必須有伴侶,繼而組織家庭,順理成章加入樓奴行列。拍拖,結婚,生仔就好似是人生的公程式,若果你問我照足指示做,是…
  • 男朋友家住在天水圍,而我呢,住大埔 by 甜蜜冤家
    是的,大家都在新界區,可是平常時間裡根本沒有巴士直接連接天水圍和大埔(早上和傍晚各有一班特別班次,只是我們都不適用)。若我倆要到對方住的地方,那就只可乘坐巴士及轉乘港鐵,合共需約一個多小時(大概足夠飛一轉台灣了)!說實話,這對我們的影響並不…
  • 姊妹婚禮都唔俾我請假?不如等佢下次結婚我先去賀佢丫? by HR熊
    我阿姐近年自己新開左條policy,就係嚴禁我地同team之間互相重疊放假日子,一日都唔准!唔批!皆因有次佢自己同我地teammate撞左連續四日假,仲要咁岩都係去外國出席朋友婚禮。照道理我同事比佢早申請假仲已經獲批,係咪以為好完美無位俾人…
  • 【識食一定食__】邊個星座嘅男人性能力最好? by 神婆
    話說當時我當同仁上下開緊PS4Party講緊無聊嘢,此話既出,全班人一秒爆笑。而我呢,真係唔知應該反白眼定係笑出聲。邊個星座男人性能力最好?…
歡迎讚好我們的facebook page,免費資訊源源送上。