【抽孽緣日語】拒絕無內容的肛交

 

教大家一句日文--「やおい」。

「やおい」(yaoi)泛指BL漫畫/小說等作品嘅二次創作。語源係「やま(山)なし」、「おち(落ち)なし」、「いみ(意味)なし」,將呢三組詞嘅頭一個字串埋一齊,就係やおい。

呢三個詞嘅意思係:「冇起,冇伏,冇意義」,諷刺部份BL同人作品淨係由頭到尾得性描寫,冇故事可言。「やおい」同「BL」係有分別的,主要係講二次創作(前者)同原創(後者)嘅分別。

 

「やおい」一詞本身70年代出現,本身係作家用語,普普通通講寫野要有高潮起伏呀,言之有物呀咁。後來到80年代,唔知點解變左做BL用語(無錯,日本BL漫畫係早於70年代興起,個陣好唯美,叫「少年愛」),而80年代的やおい代表作係你同我都一定認識嘅作品……足球小將。

 

螢幕快照 2016-04-06 上午12.33.19

圖為90年代同人作品,當年的黑歷史已經在網上消失

 

「やおい」激發出日本「淑女」的小宇宙,同人誌當然遍地開花啦。之但係多左人畫就自然會質素參差,而且距今30年前呢個世界係冇互聯網的,所以一眾淑女係唔知道男人的JJ係乜野樣。

由於畫功差同缺乏性知識,甚至有人覺得屎眼好污穢唔夠「美麗」,日本淑女竟然發明左個新器官--「やおい穴」。呢個窿,有一說係存在於陰囊與肛門之間……其實係笑佢地,畫肛交個陣只係將兩個男人疊埋一齊,唔知拮緊邊道(例如兩個男人面對面用正常位肛交),甚或者有個肛門會因為性興奮而「濕晒」等等不合常理嘅描寫。

 

發展至今時今日,BL算叫做脫離左拮拮拮的やおい時期,進入左純愛肛交期。唔知大家有冇睇過少女漫畫,通常內容就係一個好陽光好迷人的男主角加一個叫晒春的女主角玩曖昧,玩足十卷。依家嘅BL漫畫,就係將一男一女換成兩個男人,加上肛交便成。

我唔敢講話純愛肛交期無內容,但係睇到身邊個女仔一路睇BL漫畫一路淫笑,跟住仲叫我同個friend肛交,我就知道呢個世界有問題。

 

在此奉勸各位,生命誠可貴,遠離無意義的肛交。

 

關於作者:抽孽緣

日日打PS4,日文N1 既偽毒撚:D

則留言

閱讀後覺得好,請多多讚好及分享~:)

其他熱門文章

  • 好多謝啲網民haters 幫Emilia 宣傳裸體寫真 by Cmw Boni
    Emilia嘅plan由八蚊美金去到四十美金不等,值唔值就見人見智啦,我覺得呢個世界,明買明賣,當你地班友,又要睇又要罵,咁點解唔好好利用呢個勢去順便搵下錢,就算科學家都會搵下點樣儲起行雷啲電啦,將負面嘅嘢化為錢唔好咩。…
  • 【塔羅個案】名校老師婚外情的故事 by 神婆
    大家對老師嘅印象係乜嘢?係有教無類,抑或係道德端正?我中小學都有幸就讀風評唔錯嘅所謂名校,大部分老師教學用心,係我嘅榮幸。…
  • 【堪輿命理】用術數搵「淫娃」?! by 庵念慈
    所謂「淫」,其實正確去講,就係性需求比較大,主要由於人類要繁衍下一代,所以內在某種基因自然會推動自己去尋覓繁殖嘅目標,而以我觀人於微所留意到嘅特徵,歸納如下…
  • 分手後她振作起來 by 霏子
    分手後的一個月,她如常生活。只是,每一晚她也會寫一篇日記,記下自己的痛苦。然後,晚上又會夢見他。獨居的壞處是一個人容易胡思亂想,好處是哭了不必向家人交代。因此,她每天哭醒。…
  • 人到底值幾錢?我只係值萬五蚊一個月 by 小盛女
    「喂,阿A今日無化妝啊!你睇吓佢幾殘!」、「嘩,阿B使咪著啲咁貼嘅裙啊,都唔知搏咩!」、「阿C係咪同經理有路?成日一齊食飯嘅!」每天就只有這些事事非非,比小學雞更要小學雞,而這裡的同事就只會是同事,不再像以前在廣告公司般,同事既像朋友,更是…
歡迎讚好我們的facebook page,免費資訊源源送上。