點先可以令男人唔好偷食?

投稿(´・ω・`)󾬐󾬐󾬐百合真好󾬐󾬐󾬐

專頁: https://www.facebook.com/saya.saya.rin

Posted by 迷你裙 x 絕對領域 x 過膝襪 on Wednesday, May 18, 2016

 

身邊好多女性朋友經常煩惱一個問題:點先可以以令身邊條佬唔好(或者唔好再)偷食?

答案好簡單,冇。

因為偷食呢種行為、思想、衝動,深深陷入男人嘅基因入面。就算佢地冇偷食,但係個心入面一定幻想過,甚至只係嘗試過而唔成功。

衰啲咁講,你地由細到大所有來自電影、劇集、小說入面果種忠貞好男人,好似耶穌、真神同觀音一樣——係,冇人可以證明佢地唔存在,但同時亦都冇人可以大大聲聲話佢地親眼見過。就算你有姊妹同你講佢見過,甚至親身擁有過,都只不過係源於佢地唔了解佢地身邊嘅呢隻雄性生物。

點解我咁口響?因為我係男人,而且非常了解自己嘅同性。冇人比男人更了解男人。女人窮一生精力去研究同分析,以為自己會相當了解男人,但係佢地永遠都只會失敗,唔信?睇下果啲所謂嘅愛情專家或者小說作家,望下佢地條情路你就明。

作為女人,千祈唔好以為自己夠靚夠索,條仔就會死心塌地,如果唔係,周秀娜條仔都唔會偷食。

對男人嚟講,偷食十居其九都只不過係肉體需求,冇人聽過有男人係為愛情而偷食,就算有都一定係吹水,賭幾大都得。就好似你唔會見到一個人真係買為左包紙巾而買報紙一樣。分清楚莊閒,晌偷食世界入面,性係莊,愛係閒,而呢鋪賭局係鐵定開長莊。所以,如果閣下係果種就算條仔食女都唔緊要,最緊要冇感情交流嘅女人。恭喜你,呢篇文你唔駛睇落去,而且你都唔駛再擔心,因為男人偷食只為肉慾呢個係定律。

偷食係一種極度費耗心神時間金錢嘅行動,其實基本上大部男人都會因為怕麻煩而懶得偷食。根據非正式統計,十個有十個男人,無論佢個樣幾乖幾正氣都好,都會曾經晌個手機都裝過一個半個溝女APP,當然有唔少人真係會透過呢啲APP而去偷食,但係更多嘅男人都會半途而廢。因為,玩APP唔同叫雞,唔係一買一賣嘅交易關係,而係一場心理戰。雖然大家都係為扑野,點樣開口而不失猴擒,絕對係一件麻煩嘅事。而且食完之後又可能有手尾跟,以發洩肉慾為目標嘅男人就會意識到「搞咁多野不如我打個飛機或者叫雞仲快啦!」(呢樣野其實亦某程度解釋左AV同叫雞點解咁蓬勃,個個男人都有心機溝條女嚟偷食,仲邊會有心叫雞)

但係始終,無論幾煩都好,男人為左偷食,都總會可以排除萬難。點解?因為偷食係一種癮,無論如何,就算一日廿四個鐘都用晒嚟工作同見你,男人都可能仲會祈禱叫上帝俾多一個鐘時間佢去偷食,你可以做嘅只係唯有改變自己唔好介意,或者祈求自己一世都唔會知,又或者最徹底——飛左佢!你嘅悲痛,或者會令佢內疚一陣,但係偷食嘅慾望就永劫輪迴一樣,始終會番黎,無論你幾努力都唔會改變到,所以你只可以及早離場。

但係,離場之後,你搵過嘅另一個男人都可能會偷食,呢個係 Inconvenient truth。因此,作為男人,只能奉勸一句,唔好妄想令男人唔會偷食,有時你做得愈多,Check得愈緊,反而只會令男人更想偷食,與其係咁,不如扮下天真,去相信你嘅男人,唔好Check佢,唔好煩佢,令佢覺得你先係佢嘅真命天女,或者,可能仲有一絲機會令佢覺得佢已經搵到最好同最後一個女人,欲擒故縱,反而可能會令佢乖乖留晌你身邊。

 

關於作者:木頭

社會學及通識教育學生,熱愛教育工作

則留言

閱讀後覺得好,請多多讚好及分享~:)

其他熱門文章

  • 《彼岸島》絕對是我人生中看的其中一套最令我無言的漫畫。 by 鵝鑾鼻燈塔
    如果你沒有看過,恭喜你,你的人生是完全沒有任何損失的。這種比狗血更狗血的劇情,永無休止又不斷無限loop的橋段,看了也想把自己雙眼也插盲。簡單來說,主角不論做了甚麼,也無法打死早已不死的吸血鬼之王,只能眼看自己的同伴一個又一個的死去(有時甚…
  • 【朋友之道】點解我要你還番手袋俾我都要受你阿媽氣? by Anita M. Mok
    有個「朋友」黎到我屋企,好鐘意我D手袋。 問我可唔可以借俾佢,我借左3個俾佢用。用左半年至9個月,我叫佢還。佢好surprised,問我點解要還?! …
  • 點解班後生咁唔鍾意老一輩?因為廢中廢老其身不正。 by 清風
    搵工或者出嚟做臨時工時,成日都會見到啲其實真係冇咩料嘅老頂成日吹水吹到天花龍鳳,但永遠就唔會落手落腳淨係識尸位素餐,衰左就射波俾死貓人食;日光日白見人個時將「後生仔冇道德急功近利」掛喺嘴邊做衛道之士,但轉個頭夜黑飲左兩杯就大言不慚向人提出性…
  • 只知死亡花,不知彼岸花浪漫的香港人 by Sunshine
    相傳彼岸花係有段故的,有一對妖精,一個叫蔓茱,一個叫沙華;一個係花妖,一個係花仙,佢哋負責彼岸嘅開花,因為呢種花開花不見葉,開葉不見花,所以呢對妖精從來都不會相見。…
  • 廢青港大生被踢出校營商做生意 by Terence Yun
    近期有一個較新穎的是《雙商》,節目主要是講述一些年輕情侶如何營商做生意,把他們的經歷以故事敘述模式以及實況訪問拍攝,當中看倆人關係,存在何種的人生觀及其價值觀。最近一集是講述一對情侶如何由興趣變成生意,男主角原本在香港大學唸書但因為成績不佳…
歡迎讚好我們的facebook page,免費資訊源源送上。