食過海底撈真係番唔到轉頭…

圖為今年生日我與舉牌員工合照
真係尷尬到核爆 生日姐唔洗求婚咁大陣仗

 

大家有食過海底撈嗎
我諗即使未食過,您都會聽過佢個名
我就食過幾次,我諗佢出名既唔係啲食物
而係果種畀百幾蚊可以做皇帝既服務態度

海底撈其實唔貴,每次去都係食百幾蚊左右
係香港出街打個邊爐都差不多
材料多,但我個人來說都感到不安心
番大陸實在唔敢食肉,我怕食左啲我唔想食既肉
呢啲都係我個人膽小又龜毛

Any肥,今次唔係想探討食品安全

去過既朋友都知
由等位果刻您已經係貴賓
等位區好大有櫈有檯坐有娛樂有野玩有野飲有野食
隔離仲有得修甲乜乜乜 確保您唔洗無聊等位
入到去每張檯都總會有個熱心員工為您服務
拎熱毛巾圍裙 女既畀橡筋您
見到您部電話喺檯又畀個透明袋仔您袋電話
幫您斟茶遞水呢啲基本野啦

嗌拉麵又有人喺您面前即席手拉麵
今年我生日同朋友去左食海底撈
幾個員工一齊拎哂燈牌 推埋蛋糕
唱哂生日歌出來,差啲以為係求婚

前幾日去我地嗌錯左野
同行有個內地朋友 海底撈經驗者
佢話退回去啦~我地話下得咖咩?
佢話:從來只有客屌海底撈,海底撈從不屌客
就係咁,無條件退回。

然後我就開始明白
點解內地人喺香港咁容易發難

海底撈簡直係鼓吹暴發戶心態
畀百幾蚊就有貴賓級服務
顧客永遠是對的就助長哂啲無理要求
難怪佢地落到香港都覺得大聲啲就有理
習慣呢種服務真係會令啲顧客自我嚴重膨脹
真係以為畀錢就大哂

去過幾次 妹仔命的我都係唔習慣被服侍得太周到
去廁所有人幫您開埋水喉唧埋梘液真係too much啦
我都係覺得被侍應兇番轉頭舒服啲
雖說今時今日咁既服務態度係未夠
但我食個飯姐都不忍見到啲員工太卑微
喺香港做服務業的確有尊嚴得多

 

 

關於作者:港女友

港女友
與另一半以互相捉弄為樂,取笑對方是家常便飯,低智商成熟地戀愛。表面分享趣事,實際放閃。小心眼盲。

則留言

閱讀後覺得好,請多多讚好及分享~:)

其他熱門文章

  • 2017特首選舉:請留意得票率以及其他技術細節 by 蕭少滔
    老泛民今次在完全放棄了原則之後,又會可以留得住一個怎麼樣的「基本盤」?尤其是拿了龍和道來「賦予新意義」之後,一眾浴血龍和道的「人血饅頭」還會替你打頭陣乎?至於新晉的一批專業精英,在排除萬難之後從功界別的選委戰中拼殺出一條血路,滿以為老泛民掌…
  • 【420】我在荷蘭小鎮抽大麻 by 瘦東
    店員把大麻入進一個小膠袋後便交到一面靦腆而手心冒汗的人手上,靠近一點便有強烈的草青味湧至。本來咖啡館內已洋溢著一陣草味,但手上的更為濃烈。櫃檯上附上濾嘴和煙紙供人取用,但從沒捲煙的人即使看著教學還是弄得七零八落。弄了好幾分鐘還是一頭霧水之際…
  • 身邊總有啲又唔高又唔靚既女仔做咗空姐 by 高教授
    「矮個啲肯定係做地勤,上唔到飛機架」當一個矮個子穿著空姐制服,別人都只會覺得她是地勤。總之長得不夠高,就不算真正的空姐。以前的香港人生活不太富裕,沒甚麼機會坐飛機,對「空姐」這個職業,總會有無窮的遐想。高佻的身材,穿起緊身的空姐制服,襯上一…
  • 樣衰係好撚可憐架,所以某幾個角度靚果啲就唔撚該收左錢就收聲啦好唔撚好? by 肥西
    如果佢係女人,又係運動員,佢應該可以扮下歐鎧淳,一面叫人留意下佢個某幾個角度先知靚既靚樣同唔係好搵到既事業線,一方面就可以拍廣告賣洗頭水賣運動鞋。換轉係李慧詩?你估李慧詩可唔撚可以講叫人留意佢內涵唔好留意佢外表?歐鎧淳條命就好撚過胡紅軍好撚…
  • 【廢青日記】你愛你要講出嚟架嘛 by 桂木主教
    今日返屋企搭lift果時撞到個師奶,兩手拎住兩抽野。我入lift先嘅,我一入就禁咗自己果層,見佢入埋嚟就禁埋閂門。佢入到嚟就企咗響到唔郁,我諗應該係住同一層。但係諗諗下,唔係喎,我日日都差唔多時間出門口同返屋企,差唔多認得曬同層果啲人,好似…
歡迎讚好我們的facebook page,免費資訊源源送上。