雞,全部都係雞(增修版)

14001842_1750619615197053_2113863273_o

 

近日雞聲四起,一講「雞,全部都係雞」大家居然都會諗到《夢中嘅婚禮》一曲。噉我喺度諗嘞,點解呢?

 

我哋望一望粵語嘅聲調系統先。粵語總共有四個音高,由高至低,張群顯叫做「高亢下沉」,黃志華會叫做「三四二零」。最高音嘅係第①聲(好似「雞」呀「仆街」呢啲),由頭至尾都好高音,同埋上升嘅第②聲(好似「好」呀「醜樣」呀呢啲)。粵語填詞嘅音高主要係睇個字「最尾去到幾高」,所以①②聲係同一類嘅。跟住低音啲嘅係第③聲(好似「廢」呀「瞓覺」呢啲),由頭到尾都係喺中間唔上唔落嘅,仲有第⑤聲(好似「我」「你」「佢」呢啲),最尾都係喺中間嘅。跟住就係稍為再低音啲嘅第⑥聲(好似「係」呀「夢幻」呀「木獨」呀呢啲)。最後就係最低音嘅第④聲(好似「全」呀「人」呀呢啲)。

 

咁分四個高度噉樣做乜呢?我哋試吓睇吓邊個部份唔啱音。
首先等我用幾個方法寫低聲調先:
「雞,全部都係雞」
「①,④⑥①⑥①」
「三,零二三二三」
「高,沉下高下高」

 

雖則我唔識音樂(牧童笛都唔識吹嗰隻),不過我覺得點都要睇睇琴譜嘅。

 

14010063_1750622545196760_775189005_n

 

呢首歌好似係G小調嘅,對於唔識彈琴嘅我嚟講苦過DD,所以我都係拎簡譜出嚟算喇。


14012022_1750622521863429_1357575279_n

 

喺睇歌詞嘅時候,要記住同一粒音高嘅音,同邊個聲調匹配,係視乎同前後音嘅音程;換言之,音高同聲調嘅匹配係相對,而唔係絕對。另外如果啲音歪咗又唔影響意思,大家亦都未必會覺嘅。

 

好,首先主旋律,第一粒音 D 我哋當佢係第一聲,跟住跌落 G,然後B-flat,跟住 D ,跟住C,再去返D,即係「高音、低好多、上少少、上返最高音、落少少、去返最高音」啦。同上面嘅聲調大致 match 喎。不過呢睇返,好似又有啲問題:

  1. 去到「雞全部」個「部」,我又聽到「雞全布」喎。睇返由 G 上去 B-flat 有三個 semitones ,但第④聲同第⑥聲之間距離並冇咁大;所以我哋會好想後面嗰字係第二高音嘅③、⑤聲。
  2. 跟住再向上,「都」好啱音,同頭先粒 D 一樣,呢粒都係填第①聲。
  3. 跟住又係問題喎,由D落C只係大二度,要由「①都」落到去「⑥係」,唔多夠,所以我哋會覺得佢係第③聲。
  4. 最後上返 D,入第①聲冇問題。

後段我就唔寫喇(我懶)。越後會越唔啱音,感情搭救啦。用上面兩種形式去表達呢個旋律要點入詞,應該大概係「高,沉亢高亢高」/「三,零四三四三」,雖然而家嗰句大概啱啲高低嘅變化,但係就有兩粒音怪怪哋。噉點解好似咁多「拗音」,呢句「雞,全部都係雞」會聽落咁夾呢?

詞語或者講法夠熟悉,係一種「拗救」嘅方式,就算唔啱音,我哋都會人腦自動補完返。拗救方面,快慢都有影響,呢度唔啱音嘅「部」同「係」都喺八分音符之上,夠短夠快,攋過去,側側膊唔多覺,唔算太哽耳。仲有一點,就係我哋會將啲帶有新資訊嘅部份拉長。通常啲名詞呀,或者做修飾語嘅形容詞,我哋讀起上嚟會長啲嘅。呢度「雞!」全部都係」係「雞!」咁啱又落喺個四分音符度。而「全部都係」密質質噉唱短一半,噉樣完全符合咗平時講呢句嘅節奏喎。你以為你講嘢隻隻字一樣?你會變咗部字典機㗎。

如果要啱音嘅話,我會話:雞 淫過公廁雞 淫過公廁雞 淫過公廁雞 淫過公廁雞 淫過公廁雞 淫過公廁雞

 

以下附送由「粵典中央決策組」填嘅詞,希望大家鍾意啦:

男:無情白事 碌鳩空虛 急需寄託 快趣嚟尋歡 今晚馬上要扑嘢
女:人前扮做 落力些少 咪發ti騰 有客就自然任佢噬

 

男:雞 淫過公廁雞 淫過公廁雞
全日佢任砌 全日佢任砌 佢賣佢副偈 最衰細得滯
女:雞 淫過公廁雞 淫過公廁雞
全日我任砌 全日我任砌 我賣我副偈 至啱你口胃

 

男:雞 服侍老細 除衫瞓低 含完又跪
明明爭副偈 佢照執劑 做公廁雞
正 夠晒盞鬼 揸波出嘢 夠high冇弊
插 插佢老母閪 中出多嘢 冇囈冇篩
女:嗌 痛到彎低 閪水都冇 猛奀個胃
佢 插嘢冇俾錢 飛奔出去 冇錢養仔

 

最後,雖然填呢啲詞好好玩,但其實廣東歌詞唔一定粗俗㗎。文雅歌詞又有另一番風味,大家可以睇下呢啲:

 

關於作者:擇言

擇言
有廣東話相關嘅問題隨便搵我。 個人FB: 擇言 每個禮拜有15分鐘嘅話歡迎你加入粵典編輯組。 words.hk計劃: http://words.hkFacebook專頁

我有回應

則留言

閱讀後覺得好,請多多讚好及分享~:)

其他熱門文章

  • 如果你令女兒相信自己係公主…… by Dr. T
    我們先不要討論好男仔存在與否,姪女我見過,全面每部位都有幾粒暗瘡另加單眼皮/扁鼻/冇眉娘呢個組合相信好難歸類為大美人。特別的地方是姪女非常了解自己是叻女這個道理,所以亦對號入座地認為自己不是張愛玲就是林燕妮,最愛用organic香薰油自硏手…
  • 劣質調情 by 文士琛
    當初我一直以為他們都是單身的。為什麼?因為他們每天都在肆無忌憚地打情罵俏。我公司陰盛陽衰,眾女的焦點都落在一個叫阿臣的男同事身上。阿臣二十多歲,外形普通過普通,而他的確是那種日夜碌著手機追趕潮流玩意一有空就睇波賭波的典型港男。作為一個adm…
  • 「我老豆叫我delete左個facebook account」 by 宇治金時
    「老豆其實都係一個月前先知道有facebook呢樣野。佢根本跟唔到個時代,更加唔知我諗乜,或者呢d就係所謂既generationgap啦,唔了解,唔願意去了解,郁d就想將d野由有變無,佢話無左就無發生過,即係唔存在喎。煩野點可以唔存在,唔s…
  • 【辦公室之男親女愛】如果有人匿名打上公司 HR 爆料揭發奸情,你會點做? by HR 扮工週記
    話說有一日小編收到一個電話,電話另一邊嘅男人自稱係匿名嘅爆料男。佢話公司嘅家英哥同道德妹有奸情,仲話家英哥已經有家室,係唔應該咁做,所以想我哋人事部阻止佢哋繼續錯落去,仲話家英哥個老婆都知道左,隨時會上黎公司捉奸………
  • 偷食的人有難了:我用GPS追蹤男友(一) by B612
    從來都唔會主動講密碼俾我聽,就連喺我面前解鎖手機都會遮遮掩掩。唔係身有屎嘅,怕咩俾人知?佢越係神神秘秘,我就越覺得佢想要嘅,唔止係私隱咁簡單。果然,一齊咗未夠兩年,就發生咗一連串令我哋無辦法繼續一齊嘅事………
歡迎讚好我們的facebook page,免費資訊源源送上。