佢係仆街我一早講左啦,呻咩姐你?

 

(photo via cc Flickr user kaurjmeb)

(photo via cc Flickr user kaurjmeb)

 

又到年尾,又係時候回顧一下今年身邊發生咩事,忽然察覺,今年見到的離合特別多。諗落覺得既好笑,寫落黎,俾大家笑下。

唔知係乜心態,大家拍拖既時候,總會同身邊既人交代一下,炫耀一下(我有人要啦!),係呢D時候,身邊既人總會八掛下佢伴侶係邊個黎。然而,當你知道你朋友既伴侶係一個仆街時,你會點做?

根據我呢年既發現,人類揀伴侶都係有個特別既原則:係一堆好人之中揀最仆街果個;係一班仆街裏面揀最仆街果個,不論男女。(如果覺得Old News is exciting 先行道歉)回到問題,點做先?

 

我大概歸納左以下3個情況:

  1. Player型,你只係識佢但唔熟既,呃錢呃感情既,中出即飛甚至齋做愛稱唔上唔拍拖而你朋友又FF緊以為自己拍緊拖既。
  2. 你朋友個伴侶同你有過節,whatever 背叛搵老襯請你食死貓。
  3. 你朋友個伴侶你識既,份人嘛嘛,指控來自你同佢相處過以及佢D ex。

對付第一種情況往往最難,因為你朋友只會覺得你眼紅佢有拖拍(呢個心態已經令人廢解,係廢事理解),而且你冇/好難有真憑實據去指控,即使你有,情人眼裏出閪施,你覺得你個朋友信你定信佢伴侶啊啦?

第二種既情況有D唔同,你可以同你個朋友詳細交代晒佢伴侶既衰野,甚至可以成為一個你個人既呻苦大會,不過你朋友信唔信你就係另一個問題啦吓。而最尷尬既係,係可見既未來,你同你個朋友既見面會多一個你覺得篤眼篤鼻既人出現,咪話我唔點醒你,唔想自己辛苦,真係絕交算數。

或者你覺得第三種比較易,錯!呢種都最煩既,因為佢既問題令你覺得唔太好,但又唔覺得需要由你出口鬧,而呢種情況會不斷出現,好似好雞毛蒜皮,但你心中又不是味兒,想出口講果陣你又會諗到,你個朋友受呢套啊吹咩,甚至反個轉頭叫你唔好話佢,認真睇見都眼冤。

 

眾觀以上各種情況,當佢地真係仆左街whatever頭頂綠光閃過甚至被家暴呃錢,佢地又會搵你安撫開解,要搵個熟人呻一翻。

吊,你呻乜鳩姐,一早話左你啦,佢仆街我唔係第一日知,又唔係冇同你講,你呻所謂苦係我一預見既野,你宜家係到呻係辛苦我囉好冇。

即使以下係閣下心聲,你都唔會講到出口,一場朋友嗎。然後又要請啊寶出場,真係慳返啖氣好過。唉,朋友好難做啊~~~

 

關於作者:偽述家

學生,愛寫文章,偽文青,小試牛刀,尋找共嗚,不定時發稿

則留言

閱讀後覺得好,請多多讚好及分享~:)

其他熱門文章

  • 唔小心收左兵 by 熱豆腐仔
    有D女仔好慣性同你講野時候有身體接觸,真係好危險。巴打們稱呢一種女仔為魔性之女、毒撚剋星。比你有遐想既空間之餘,又唔會真係同你發展落去。對於抵抗力極弱既毒J同自信谷底男,真係死左都唔知咩事「乜我做左兵咩?」「你又係大意既」係呀,仲快過填fo…
  • 大陸親戚拜年,硬係鍾意隨時殺上嚟 by 余該隱
    「大個仔,應該要識唔好亂逗人哋啲嘢㗎喇。」Johnny一早排練好呢番說話,仲提醒自己要笑,唔好太掘,免得畀阿媽鬧返轉頭就霸氣盡失嘞。…
  • 好地地叫雞唔得咩? by 毛言地
    你以人道、慈善、救援等等咁光環咁人性嘅身份去到,居然迫受助人做啲最嘔心最可怕嘅行為去換取佢地本身就應得嘅嘢,仲要係靠咁多人捐嘅錢,包括埋飛過去張機票都係我地比(係啊,我有份捐架屌)。原來做慈善機構咁撚開心,唔單止公司包叫雞,仲要係迫啲良家婦…
  • 【引以為鑒】千奇百趣 Interview by HR 扮工週記
    應徵職位:初級廚師。我:「你之前多數煮開咩菜式?有無咩拿手菜?」應徵者:「其實我好少煮野食,因為怕接觸生肉。」…
  • 這連愛情故事也稱不上 by 偽述家
    成長了一點以後,我們在跌跌撞撞中摸索感情的一環,在不斷傷害亦被傷的經過,明白了自己需要什麼,想要什麼,甚至我們不能得到什麼。唱著紅豆,我們真的覺悟,沒有什麼會永垂不朽。…
歡迎讚好我們的facebook page,免費資訊源源送上。