412日電視台黑暗地獄史(一)——「求包養少女」的真相

 

過去的一年多,不多不少的412日,我在某收費電視台的娛樂新聞部門做寫稿。遇上了可能係世界上最難頂的老細,經歷了地獄般的一年兩個月。

那裡就像一個香港社會的縮影:陰險奸詐、毫無人性、欺善怕惡的689就是老細,每天只想著如何向阿爺獻媚,如何將我們這些小市民揸乾揸淨;身邊有幾個小人宦官,一個個庸才整天在身旁托大腳、舐鞋底,實則欲謀其位;他們的權力鬥爭,令小市民受害。

我們這批低下階層員工,從他們身上所受到的對待,可以用賤過地底泥、慘過做雞來形容,毫無尊重可言。我在職的一年多,離職人數超過40人,即平均每月有2-3人離職,包括攝影師、記者、撰稿、主播、導演、助導等等。流失率如此之高,不是沒有原因的,除了惡劣的老細,還有在職其間遇過數之不盡的荒謬事情……就先從最近的事講起。

近日網上流傳荃灣站求包養少女圖片,該名少女,係我同事,正確來說是舊同事。她人很好、很隨和、很善良、從不會拒絕別人的請求,但人善被人欺,像她這樣的一個小羔羊,在這樣的環境,總是容易被人搵笨,今次就係一個好例子。

事緣她到荃灣站舉牌「求包養」當天,是我離職後第一個星期一,他們正在拍攝節目(所以她並不是真的求包養,請大家高抬貴手不要再評頭品足!)。該節目在我離職前已開始籌備,是準備在即將啟播的免費電視頻道上播放的。

為了準備開台,我在職的部們要分組,分別負責製作幾個節目,我亦曾參與其中。而「求包養」事件當日所拍攝的節目是由另一組同事負責,並非由該名女同事負責,換言之她無參與過該節目的製作。大約兩星期前,節目監製走到女同事身邊,當時我在場,清楚聽到其對話。監製說:「我地個節目可能要你幫手客串吓,要出鏡,不過好簡單架咋,你應該ok架可。」當時他沒有講明要做甚麼,女同事聽了其實都無得say no,既然講到咁簡單,加上大石砸死蟹,加上她人心地太好,就答應了。當時在旁寫稿的我聽到都不以為然,也沒有理會。我和另外兩位同事last day當晚(無錯,一日有三個人離職,同月有五個),我們還一起吃飯farewell,言談間她都不知道星期一出外景要做些甚麼。豈料過了一個weekend,我還在睡夢中的星期一下午,有whats app群組傳來了圖片,認出是該名女同事,就知道監製要她「客串」,就是做這件事。圖片瞬即傳遍各大小社交平台和討論區,同日已經被推上報,第二日更有近距離照片,被人評頭品足。一眾仍在職的同事和已離職的同事都相當憤怒,而當事人亦相當不開心。

大佬呀!人做社會實驗你做社會實驗,係咪畀幾舊水請個臨記都要慳呀!平時請藝人幫手拍特備節目唔畀錢,連車馬費都無,當正自己係大台,醜人就我地做,而家連自己員工都要搵笨,理所當然地要佢做啲本來唔應該係佢做嘅事,仲要用啲咁陰險嘅語言藝術氹人落答。負責該節目嘅人,諗埋啲咁嘅屎橋,仲要動用另一組同事,完全無諗後果,無諗過同事感受;仲要個節目講男女關係,咁樣實驗有咩意義?係咪想睇吓網絡力量有幾大?醜事點樣秒傳千里?咁樣舉牌邊會有人理佢呀,只會畀人影相放上網囉,最後上埋報。相信老細會好開心,有免費宣傳喎,點會理我地啲同事嘅死活呀!少女心靈受創?bullshit!

在偉大的老細面前,我們全都是奴隸,叫你做乜你都要做,無得say no,下次話要做實驗去做雞,我係咪都要去做呀?其實我地做得幕後,好多時都唔會想出鏡,除非迫不得已。呢個情況,如果一早講明要做啲咁嘅嘢,我貼錢畀你請臨記又點話呀!

我們是撰稿員,不是奴隸!

 

黑暗柒事陸續有來,下回待續。

 

412日電視台黑暗地獄史

 

關於作者:無名呀!

所有作者不願透露姓名,連筆名都不願提供,而同時又令總編認為可以刊登的文章都用呢個名,要找晦氣直接搵容樂其。

則留言

閱讀後覺得好,請多多讚好及分享~:)

其他熱門文章

  • 2017特首選舉:請留意得票率以及其他技術細節 by 蕭少滔
    老泛民今次在完全放棄了原則之後,又會可以留得住一個怎麼樣的「基本盤」?尤其是拿了龍和道來「賦予新意義」之後,一眾浴血龍和道的「人血饅頭」還會替你打頭陣乎?至於新晉的一批專業精英,在排除萬難之後從功界別的選委戰中拼殺出一條血路,滿以為老泛民掌…
  • 【420】我在荷蘭小鎮抽大麻 by 瘦東
    店員把大麻入進一個小膠袋後便交到一面靦腆而手心冒汗的人手上,靠近一點便有強烈的草青味湧至。本來咖啡館內已洋溢著一陣草味,但手上的更為濃烈。櫃檯上附上濾嘴和煙紙供人取用,但從沒捲煙的人即使看著教學還是弄得七零八落。弄了好幾分鐘還是一頭霧水之際…
  • 身邊總有啲又唔高又唔靚既女仔做咗空姐 by 高教授
    「矮個啲肯定係做地勤,上唔到飛機架」當一個矮個子穿著空姐制服,別人都只會覺得她是地勤。總之長得不夠高,就不算真正的空姐。以前的香港人生活不太富裕,沒甚麼機會坐飛機,對「空姐」這個職業,總會有無窮的遐想。高佻的身材,穿起緊身的空姐制服,襯上一…
  • 樣衰係好撚可憐架,所以某幾個角度靚果啲就唔撚該收左錢就收聲啦好唔撚好? by 肥西
    如果佢係女人,又係運動員,佢應該可以扮下歐鎧淳,一面叫人留意下佢個某幾個角度先知靚既靚樣同唔係好搵到既事業線,一方面就可以拍廣告賣洗頭水賣運動鞋。換轉係李慧詩?你估李慧詩可唔撚可以講叫人留意佢內涵唔好留意佢外表?歐鎧淳條命就好撚過胡紅軍好撚…
  • 【廢青日記】你愛你要講出嚟架嘛 by 桂木主教
    今日返屋企搭lift果時撞到個師奶,兩手拎住兩抽野。我入lift先嘅,我一入就禁咗自己果層,見佢入埋嚟就禁埋閂門。佢入到嚟就企咗響到唔郁,我諗應該係住同一層。但係諗諗下,唔係喎,我日日都差唔多時間出門口同返屋企,差唔多認得曬同層果啲人,好似…
歡迎讚好我們的facebook page,免費資訊源源送上。