一單火警,足以反映香港人真係世界第一

 

 

今日尖沙咀地鐵站發生咗一單令全港震驚嘅火警事件,一地鐵車卡忽然起火,傷及數人。事件正值放工人流最旺嘅黃昏時分,亦發生係全香港最多人流嘅車站之一,有人懷疑係恐怖襲擊,原因眾說紛紜。從網絡圖片所見,至少當時全站嘅人都應該明顯發現有火警發生。而係呢種危機,又正正係香港人展現強大質素嘅時候!

從以往外國機構或傳媒報導所知,香港人嘅智力係世界第一。我夠膽講,係各個方面,香港人都係世界第一。你睇下外國嘅新聞,如果一個人流密雜嘅地方忽然起火,當地人第一件聯想到嘅就係恐怖襲擊,第一件做嘅事就係拔足逃跑,話知其實離自己九丈遠。但香港人先唔會咁做呢,從網上片段所見,即刻車廂已經燃燒,香港人無走不特止,更勇於走入起火嘅車廂,呢種勇敢程度絕不亞於俄國戰鬥民族嘅人民!

你可能話,每逢火災都有義士平民嘅事例比比皆是,有乜出奇?香港人神奇之處就係,車廂內已經無人,一個一個勇士衝入並非為捨身成仁,只係純粹想留個倩影而已!在場圍觀人數竟然數以十計,個個猶如戰場記者上身,但只係為拍下毫無公共價值嘅影片,然後係朋友圈子分享一番,係將自己生死置於度外嘅最高境界!呢種人,理論上已經可以成佛㗎喇,但係香港,佢哋只係普通嘅香港人,你話香港人係咪勁先?

 

 

而事件發生之後,世界最高智力嘅香港人又發揮偵探能力及想像力,開始討論起火原因。世界第一嘅香港人社群又傳出好多第一手消息,正如每逢颱風臨近都會收到船公司第一手消息、新年收到各大公司公司利是金額一樣,普通香港人收到嘅消息可能比消防、警察更多。更甚者,連自稱「公信力第一」嘅明報報導都甚有香港人風格,引用「消息」及「據了解」即可出最新報導。香港人式調查宜家得到埋「公信力第一」報章肯肯定,證明香港人嘅智力真係無得輸㗎!

我真係好pround of香港人囉(或稱中國香港人,無歧義),一齊高呼返「(中國)香港人世界第一」10次先啦!

(中國)香港人世界第一!
(中國)香港人世界第一!
(中國)香港人世界第一!
(中國)香港人世界第一!
(中國)香港人世界第一!
(中國)香港人世界第一!
(中國)香港人世界第一!
(中國)香港人世界第一!
(中國)香港人世界第一!
(中國)香港人世界第一!

 

關於作者:牛肉麵

則留言

閱讀後覺得好,請多多讚好及分享~:)

其他熱門文章

  • 我一直以為我們是十年好兄弟,但為甚麼去旅行你要帶安全套? by 蚊子
    十年了,我們之間沒有曖昧,更沒有愛情。我們就像人們所說的那種不存在的男女之間純粹的友情,我們會吵架、會打架、他會跟我說如何「搞掂」那些女仔,我會笑他賤格⋯⋯我們什麼都能分享,無論相處多久都覺得只會是「哥們」,他也曾經向我爸爸敬酒:「uncl…
  • 識揀另一半,人生已經贏左一半。 by 窮家有道——窮一生
    其實呢個題目我想寫好耐,因為講到理財,其實係一件終身事業黎。我教你開支點減都好,都係一時既野,個個人既生活節奏都唔同,套武功都要有所變化。一項咁漫長既任務,當然係由陪你最長時間既人開始!老豆老母冇得揀既,好似窮生咁,出身係單親家庭,家母唔係…
  • 烈女 by 亞愁
    聽説她三十歲那年嫁了個青年才俊,不夠兩年就離婚了。我記得她說過,女人一定要在三十歲前嫁一次,結果她做到了,儘管婚姻是如此的短暫。…
  • 偷食的人有難了:我用GPS追蹤男友(一) by B612
    從來都唔會主動講密碼俾我聽,就連喺我面前解鎖手機都會遮遮掩掩。唔係身有屎嘅,怕咩俾人知?佢越係神神秘秘,我就越覺得佢想要嘅,唔止係私隱咁簡單。果然,一齊咗未夠兩年,就發生咗一連串令我哋無辦法繼續一齊嘅事………
  • 偷食的人有難了:我用GPS追蹤男友(三) by B612
    有時有啲嘢就係咁。你以為自己距離做個壞人、變態佬、或者跟蹤狂好遠,又點會估到有一日,你會歇斯底里地不停check自己男朋友嘅所有電子用品。…
歡迎讚好我們的facebook page,免費資訊源源送上。