澳門人真係好白痴,餵人奶都唔識搵條布遮下

文教 / 最新文章綜覽

 

 

呢兩日網上見到幾張相,除咗笑澳門人白痴之外,真係唔知可以講咩好。為免又畀個主辦單位揚言法律追究,我就咁形容下啲相啦,貼就唔貼喇~

有一張呢,就係嚮黑沙海灘嘅相嚟嘅,有個媽媽跪嚮個仔面前,露出乳房畀個仔企嚮度啜。先唔話佢點解個仔應該已經會行會走,冇五歲都有三歲仲要食人奶(佢哋話食到幾歲得架喎),嚮黑沙當眾餵奶係咩事先?嗱你話廁所喂奶唔好,咁依家澳門係唔係窮到哺乳巾都冇條先?冇哺乳巾搵條大毛巾都得啦?

 

(沙灘餵奶示意圖)

 

另一張呢就仲白痴,睇背景係婆仔屋嚟嘅,咁就有起碼八九對母子一齊打出一邊奶,去餵手抱嘅仔女。婆仔屋算係個花園嚟,當你係私人地方啦,但係集體餵奶仲要擺晒甫士咁又係咩一回事?呢個已經唔係哺唔哺乳巾嘅問題,係物種認知嘅問題。餵奶都要一齊餵,你哋啲澳門人以為自己係海象呀?

 

(集體餵奶示意圖)

 

有啲人將啲相評為「兒童色情」,咁我唔由呢個角度講吖;前幾年仲未開始好多人講要餵人奶時,其實已經有育嬰室呢樣嘢啦係咪?育嬰室都唔止係畀你用嚟換片架喎,開奶粉準備畀個仔食都係育嬰室做架喎。我唔講香港嘅育嬰室費事又打爛你班澳門人啲玻璃心先啦,講下威尼斯人個育嬰室有咩先吖~

根據佢網站講:「室內設施包括私人哺乳室、嬰兒車停放區、家庭座位區、有熱水提供的飲水機、微波爐、電源插座、緊急求助鐘、更換尿布的座枱及水槽等」架喎。你唔餵人奶餵奶粉,準備奶粉都已經要嚮個封閉嘅位置(簡單嚟講即係室內啦)做啦,何況你係要餵人奶呢?威記自己都知,餵人奶係比餵奶粉更加要私密架囉,佢個哺乳室係育嬰室入面再另設嘅房嚟架!

老老實實,個主辦單位作為一個提倡母乳餵哺嘅社團,先唔講佢有冇認認真真改善澳門嘅母乳餵哺條件,即係我都明你要嚮澳門爭取到廣設育嬰房哺乳室,首先要拗贏規劃部門、然後要睇實啲大陸承建商、之後又要望實民政總署啲人點維護個育嬰房,唔係一間NGO就可以做到嘅事。之不過你都唔好咁嚟玩啲人奶媽媽吖。

你搞個咁嘅攝影比賽,有啲傻佬影啲當眾冇遮冇掩餵奶嘅,你又要;扮海象集體餵奶嘅,你又要。搞到餵人奶呢件事,由一件好健康、好進步嘅大好事,變成一單笑柄。你話你出呢啲相,引起社會好大迴響,然後連肥崔都出嚟話要整個「十年育嬰室計劃」咁就話啫,你又唔係。有時啲嘢窮則變、變則通,你喐唔到澳門嘅規劃,作為民間組織,推廣哺乳巾、哺乳衣,做下集體代購;你哋識個議員嘅,搵個議員幫手,將母乳餵哺呢樣嘢擺上大氣電波,推到「方便媽媽餵奶」係好似「見到老嘢要讓坐」咁變成社會道德誡律咁,都係做到嘢架喎!

所以話,澳門人蠢、笨、柒呢,根本就係自己攞嚟。係囉又係香港人睇你唔起囉喎,你又唔諗下啲柒事係邊個柒出嚟嘅?

 

 

關於作者:薰華

薰華
塵世中一件無名廢青,除咗偏見同口水就冇嘢多。

則留言

閱讀後覺得好,請多多讚好及分享~:)

其他熱門文章

  • 【塔羅個案】著名大學 Year 1 學生問「我點先可以做到 Hall Queen」 by 神婆
    「我想做Hall_Queen,錢唔係問題,妳話我知點做。」Hall...Hall_Queen?我聽到呢句說話嘅時候,個心打咗個突,腦入面唔知點解諗起當年讀女校時,啲女同學曾經有一期好鍾意睇嘅《Gossip_Girls》。即係咁,如果做Hal…
  • 大齡單身女總要求:「還不快點介紹好男人給我認識?」 by 鵝鑾鼻燈塔
    我認識的朋友,雖未致於完全是重度宅男,而且有一份優厚的收入和專業資格,但生活極為規律,不煙不酒,不喜交際應酬,平時看看書跑跑步,也懶得出外旅遊,反而喜歡行山釣魚打橋牌,你問他們好不好,的確好仔!但這樣的生活,也悶過大佛寺了吧。和他們一起,如…
  • 溝女攻略,男仔最緊要「唔要面」 by 肥姨姨
    「點解條件咁好嘅自己依然單身,但係嗰班狗公竟然可以日日攬女,過得逍遙快活羡煞旁人呢?」好大嘅一個原因係因為狗公好「唔要面」。…
  • Final Year 的鬱燥 by 麥精維他奶
    大學四年,說長不長,說短其實真係幾短。上莊,玩Ocamp,時間稍瞬即逝。係不知不覺之間,大學嘅生涯就會黎到最後一年。係呢幾年間,大學校園無咩變過,但係身邊人會變,事都會變。一系列嘅轉變睇落好似好理所當然,但係又難以適從。心入面果一份不安,慢…
  • 韓國野根本係垃圾食物 by 賤咀男
    韓國本身係一個窮到燶嘅國家,所以正宗「韓國菜」又寒酸種類又少。來來去去都係果幾樣料、果幾種味,上面加果幾種蔬菜絲一D變化都冇。…
歡迎讚好我們的facebook page,免費資訊源源送上。