識揀一定揀個唔識行山又唔識攝影既女朋友

(photo via cc Flickr user David Compton)

 

大多數男仔是熱愛行山,登山的滿足感是其他事無可比擬的;既可欣賞大自然的美景,又可以當作鍛鍊,可謂一舉兩得。自己一個行得多了,自然便想有新夥伴一起行山。與不同朋友行山是不錯選擇,但記住記住記住一定唔可以同女友一起行山影相。

其實近幾年越來越多年輕一族愛上行山,要找愛行山的女友,永遠都唔好嘗試去搵,搵到既話,你的行山和攝影生涯已經玩完。

筆者當年同一班巴打征服左無數既山和澗、以至一D死過人既路線,我們至今行過的山頭已多不勝數。例如我們行過哂香港三尖,其中蚺蛇北脊,更是令人難忘。我們又著了魔般去了很多路線包括:南天門、黃龍、橫涌、屏南、大城、雙鹿、青山腹地、杯靈雙渡、麻連坑礦洞、馬礦、大堪森、鬼手岩等等等等等,有好多時去行果陣更是風雨交加,黃雨紅雨都經歷過。(筆者並非故意前往,而是突然行到中途才出現惡劣天氣)。最好玩的一次是同朋友係大帽山冰封落雪果一晚上山登頂,我地落山果時仲救左D跑山既參加者。

每一次行山,都有唔同既朋友同新朋友加入,每一次行山,都加深左我地既友誼。每一個山頭,也是嶄新的地方。每一次旅程,也是大家獨一無二的回憶及經歷。

 

 

找到一位與自己一樣熱愛行山影相的女朋友固然可以,但如果對方都唔係咁鐘意行山影相,唔通要分手咩?香港有好多仔仔鐘意行山同影相,但邊有咁多女鐘意同影相?潮流過幾年又轉,之後唔興行山同影相,唔通要飛左佢咩?如果你真係咁堅持另一半要行山同影相,或者你可以試下走出confort zone,試下HEHE都唔錯,話唔定一個肯陪你上山下海既麻甩佬先係你既真愛。

之不過如果你女朋友真係好鐘意同你去行山及攝影,其實你真係會好大獲。即係話你以後只可以同佢兩個人去行山及攝影。同好兄弟去行山?NO! 識下新朋友?NO! 想行d難行既路線?NO! 爆林?NO! 跳潭?NO! 你永遠只可以同女朋友去二人世界行D山系情侶路線,漸漸你就愈來愈少朋友。大佬呀,一條女日見夜見,你唔攰架咩?陣間女朋友又發脾氣又要曬時間去氹佢,其實都幾掃興。

你明明是一個風景攝影人,為左女朋友就要轉做人像攝影。你明明鐘意構圖得個大景,唔鐘意有人入鏡,依家張張相都要有女朋友,仲要張張都要攬住女朋友又同佢KISS。而你女朋友既facebook同IG既like同follower(兵)一定會比你多。你女朋友周圍有一班兵圍住,唔駛點努力成就比你高,媒體和大眾既眼光都只集中係佢度,你心裡一定不是味兒。

當女朋友行山和攝影時,代表你的荷包一直乾塘,節日紀念日送咩好?鏡頭?相機背裹?行山用品?是旦一樣已經夠你窮。最重要既係,你既用來買鏡頭的錢就已經進貢左比佢,你就已經無錢玩下新鏡。當女朋友玩緊Full Frame,你仲玩緊apsc。或者你的愛鏡要share俾佢用,一唔小心跌爛你支鏡,罵佢又唔得,發佢脾氣又唔得,唔通叫佢賠支咁貴既鏡頭比你咩?佢實同你講分手~

筆者的話: 識行山識影相真係無乜咁特別,最重要係搵到一個可以同你捱譚仔都唔會抱怨既女朋友,希望各位山系攝影男士可以放開一點,搵D非山系攝影既好女仔 😀 其實各有各空間和興建,都可以一齊相處得好好架~

 

關於作者:90後山系攝影人

山系攝影齡8年,平時鐘意約不同既朋友去行山。有一個唔鐘意行山唔鐘意露營唔鐘意攝影唔鐘意上鏡唔鐘意玩FACEBOOK同IG既4年女朋友

則留言

閱讀後覺得好,請多多讚好及分享~:)

其他熱門文章

  • 我一直以為我們是十年好兄弟,但為甚麼去旅行你要帶安全套? by 蚊子
    十年了,我們之間沒有曖昧,更沒有愛情。我們就像人們所說的那種不存在的男女之間純粹的友情,我們會吵架、會打架、他會跟我說如何「搞掂」那些女仔,我會笑他賤格⋯⋯我們什麼都能分享,無論相處多久都覺得只會是「哥們」,他也曾經向我爸爸敬酒:「uncl…
  • 識揀另一半,人生已經贏左一半。 by 窮家有道——窮一生
    其實呢個題目我想寫好耐,因為講到理財,其實係一件終身事業黎。我教你開支點減都好,都係一時既野,個個人既生活節奏都唔同,套武功都要有所變化。一項咁漫長既任務,當然係由陪你最長時間既人開始!老豆老母冇得揀既,好似窮生咁,出身係單親家庭,家母唔係…
  • 烈女 by 亞愁
    聽説她三十歲那年嫁了個青年才俊,不夠兩年就離婚了。我記得她說過,女人一定要在三十歲前嫁一次,結果她做到了,儘管婚姻是如此的短暫。…
  • 偷食的人有難了:我用GPS追蹤男友(一) by B612
    從來都唔會主動講密碼俾我聽,就連喺我面前解鎖手機都會遮遮掩掩。唔係身有屎嘅,怕咩俾人知?佢越係神神秘秘,我就越覺得佢想要嘅,唔止係私隱咁簡單。果然,一齊咗未夠兩年,就發生咗一連串令我哋無辦法繼續一齊嘅事………
  • 偷食的人有難了:我用GPS追蹤男友(三) by B612
    有時有啲嘢就係咁。你以為自己距離做個壞人、變態佬、或者跟蹤狂好遠,又點會估到有一日,你會歇斯底里地不停check自己男朋友嘅所有電子用品。…
歡迎讚好我們的facebook page,免費資訊源源送上。