兩分鐘女友

(photo via cc Flickr user Takumi Yoshida)

 

情人節搵D女仔係百萬大道做賣玫瑰的女孩,唔知係邊個既屎橋。

我知呀,企到咁近飯煲底又近近地賤BUILD,講到尾,咪又係想昆毒撚D錢。好囉,我見無咩野做,咪又去兜下睇下係咪真係有傻佬上當。

咁岩拖住個花藍行行下天氣又凍凍地,竟然岩岩行左去一個死肥仔前面。嘩,心諗,幾多日無洗頭呀,隨時巢一巢佢個頭都飛出一大堆烏蠅喎。同埋佢既衣著。。。EH,我真係唔想STEROTYPE人,但係咁既著法,真係好毒囉。點呀,係咪岩岩做完實驗趕住番宿搵SEED賀情人節呀。HI你。:O)見佢對住我傻笑,無法啦,呢D機會真係好易煮到埋黎就食。於是我盡量收起自己心底既厭惡,亦都唔望住佢一臉想一野擠爆晒佢既暗瘡黑頭,嫣然一笑咁問:

「喂,情人節不如買支花送俾女朋友哩。」睇死你無架啦!單身狗!

「我都想。。。」佢望我一望又將視線轉向遠方。仆街啦。都唔知唔好意思D乜。我想嘔呀。「但係我無女朋友呀。」

係咪呢係咪呢,睇死你無啦!死毒拎!單身豬!但係阿媽話做人唔好咁衰要保留住人地自尊呀嘛。果D將人地校訓放係拖鞋踩既,會傷害其他人感情架!所以我假意苦笑左一下,故作沮喪:「下~~咁你唔買啦。」我數三聲,你就中伏啦。一,二。。。

「除非,你做我女朋友?」佢竟然突然口吐豬言。

就憑你?就憑你呢件死肥毒?我幾乎以為自己係情人節走左入另一個平行世界呀!唔好俾我知道你係邊個唔係我實寫上網等我班兵數臭你十日八日!我碌大對眼,叉住廿三寸腰,望住佢,正想講:「仆街你有無照鏡呀做乜唔同我死開六丈遠」既時候,佢就懶係小心咁補鑊,細細聲話:「做我兩分鐘女友,陪我行一段百萬大道。」

兩分鐘?同你既話,兩秒都嫌多啦下話。但見佢咁既衰相,唉算,今日老娘當做慈善,當與鬼同行啦。於是我一邊收錢,一邊話:「剩係行到碧秋架渣,OK?」佢連連點頭。我心諗,呢D人都真係天真得徹底,索性收佢貴D,呀,佢都肯滯。一於俾我個二等兵既電話佢,到時再慢慢玩鳩佢先。

情人節快樂啦喎。嘻嘻。我最後同佢講再見,佢不知幾開心呀,笑容多爛爛~唉,人性本善良~人還是自幼,性本惡~~一陣又去咩麻雀研究學會睇下有無牌痴黎打先~~

 

*OWARI*

 

關於作者:鵝鑾鼻燈塔

鵝鑾鼻燈塔
前高登講故人。現為廢中。努力抵抗中年危機中。FB PAGE:https://www.facebook.com/Ellan.Ou/

則留言

閱讀後覺得好,請多多讚好及分享~:)

其他熱門文章

  • 身為管理層,真係想對所有同事講句:“Don’t Shit Where You Eat” by 犁牛
    當時有個隔離部門年屆40既已婚中年同事「借個」膊頭畀佢,又陪佢入廁所嘔,我覺得唔妥就叫女同事一齊入埋個k房獨立廁所睇睇,擾攘左10幾分鐘條IT佬又耍開d女同事,兩個人單獨係殘廁10分鐘......到第二日有人話畀我聽佢地拖住手落樓,然後等條…
  • 女校這回事 by belle
    「阿女,點解倒數你都可以留係屋企?」、「無人追你咩?點解你又留係屋企?」作為一個二十八的女人,社會認為單單一份穩定工作是不足夠,你必須有伴侶,繼而組織家庭,順理成章加入樓奴行列。拍拖,結婚,生仔就好似是人生的公程式,若果你問我照足指示做,是…
  • 男朋友家住在天水圍,而我呢,住大埔 by 甜蜜冤家
    是的,大家都在新界區,可是平常時間裡根本沒有巴士直接連接天水圍和大埔(早上和傍晚各有一班特別班次,只是我們都不適用)。若我倆要到對方住的地方,那就只可乘坐巴士及轉乘港鐵,合共需約一個多小時(大概足夠飛一轉台灣了)!說實話,這對我們的影響並不…
  • 姊妹婚禮都唔俾我請假?不如等佢下次結婚我先去賀佢丫? by HR熊
    我阿姐近年自己新開左條policy,就係嚴禁我地同team之間互相重疊放假日子,一日都唔准!唔批!皆因有次佢自己同我地teammate撞左連續四日假,仲要咁岩都係去外國出席朋友婚禮。照道理我同事比佢早申請假仲已經獲批,係咪以為好完美無位俾人…
  • 【識食一定食__】邊個星座嘅男人性能力最好? by 神婆
    話說當時我當同仁上下開緊PS4Party講緊無聊嘢,此話既出,全班人一秒爆笑。而我呢,真係唔知應該反白眼定係笑出聲。邊個星座男人性能力最好?…
歡迎讚好我們的facebook page,免費資訊源源送上。