戴妖,由始至終你都係黎智英嘅棋子而已,狡兔死走狗烹你聽過未

 

Popvote民間推薦全線玩完,戴妖撰文解釋此事,行文間悲憤之情顯而易見。但其實呢單嘢都可以話戴妖有咁風流有咁耐折墮,且容我娓娓道來

話說戴妖當初搞雷動計劃果陣,有條後生仔自薦話可以幫佢處理哂有關IT問題,然後又拉呢個果個搞成「雷動聲吶」Telegram,之後如果有留意我講都知,呢壇嘢明明由無人理,無啦啦去到最後關頭變咗飯民配票指標,但當中先踢走哂所有本土派支持者、再話因為絕大多數參與者唔支持本土派所以踢走雙黃(比你踢走哂就梗係剩番大多數飯民啦)、然後仲要故意話系統故障遲更新力捧村長搞死李卓人等何君堯入局,然後當中決策過程完全黑箱作業,話公開數據結果公開到而家差唔多半年都仲未有。

果時我已講,呢壇野去到最後關頭突然出現劇變,成個機制同之前唔同哂,然後仲要比人當配票機器咁用(但點配就唔係你市民話事),唯一一個可能就只有比黎智英騎劫左──只有佢先有咁嘅財力同勢力,可以成個雷動搶咗過黎。但對於戴妖黎講其實佢無所謂,因為佢要名聲、要享受改變香港民主發展嘅快感,所以黎智英騎劫基本上同佢無矛盾。

但係今次民間推薦戴妖又想照辦煮碗搵雷動Team人做,問題係呢舊嘢對肥佬黎而家大方向:All in John Tsang黎講已無利用價值,因為佢已夾哂大部份飯民選委上船,反而民間推薦如果推咗長毛出黎仲會打亂佢嘅計劃,結果反過黎呢位舊Telegram會成為佢威脅。

結果係點大家都知。響第一日出呢個Telegram時,飯民第一打手、現任教協總幹事馮家強就即刻仆出黎叫大家唔好用,因為有好嚴重保安漏洞,去到而家私隱專員公署直頭話要全面停用,戴妖心血付諸一旦。問題係,點解一個咁嚴重嘅保安漏洞雷動Team竟然會「完全唔知」?點解雷動Team會拒絕IT前線乜乜物物組織響技術上協助或者提供意見?戴妖話唔用SMS確認係因為無錢,但講到尾都係幾十萬預算,雷動幕後金主黎智英會出唔起錢?明顯就係黎智英想呢舊嘢胎死腹中所以斷水斷糧,但都驚搞佢唔死,然後潛伏響入面嘅「雷動Team」索性用一個極之低級嘅保安錯誤,令到呢個Telegram永無翻身之日。

其實你睇戴妖呢篇文不但止將成個來龍去脈詳細講清楚,將成個責任推去雷動Team,仲要連個負責人趙智勳Angus個全名都開埋,照常理,一個咁嚴重嘅鑊你都搞得出黎,以後老闆一見你個名都請定唔請都要諗過先;戴妖不惜斷人米路,原因有二:首先係要同條友劃清界線,講明成PAT屎與戴妖無關,法庭又好左膠又好網撚又好,有乜晦氣搵佢;但更重要係咁比條撚樣跣實在係CHOK撚住條氣,唔開你全名搞到你身敗名裂都真係氣難下。

不過你戴妖由佔中開始一直到雷動、到而家民間推薦,每一樣都靠肥佬黎奶水先有財力搞大佢,而家因為搞壇嘢逆佢老人家意思得此下場,都算係風水輪流傳。至於果條趙智勳Angus同佢Team人,你真係傻到當佢係「主動電郵聯絡,說可以用telegram去推行「雷動計劃」。透過Angus的網絡找其他人幫助。沒多久『公民數據』成立了。」咁撚簡單?傻嘅都知佢後面金主係邊撚個啦,開佢全名你估真係阻倒佢搵食?肥佬黎安插佢響你身邊,就係為咗呢一日呀懵撚!

 

關於作者:無神論者的巴別塔

則留言

閱讀後覺得好,請多多讚好及分享~:)

其他熱門文章

  • 【塔羅個案】有個客為咗受男人歡迎,走去養狐仙 by 神婆
    Rebecca唔算係一個好精明嘅女人,佢做侍應嘅,但因為唔識英文,所以黎黎去去都係喺啲大財團連鎖店度打工。佢本身外表唔算特別標青,年紀都唔係青春少艾;偏偏對愛情仲有好強烈憧憬,渴望壯健、俊美嘅肉體同外表,「咁我先有安全感」,佢咁講。…
  • 【真人真事】現代名妓嘅完美經營模式 by 阿標
    佢一心想做雞,都係想多啲錢去多啲日本,但佢想做雞之餘,又非常揀擇喎,咁點算呢?佢就諗到一個「以服務換服務」既經營模式:橫掂都係去旅行,佢就用旅行去做交換。你只須要提供來回機票,基本食宿,佢就提供性愛服務同拖手仔行街街。而最鬼馬地方係,朋友S…
  • 【真人真事】識到個唔會去蒲既女朋友,其實已經好好 by 熱豆腐仔
    男女之間拍拖,點都會有嘈交既時候。 而好多時都係基於對方同異性有懷疑過份親密既行為,好似成個醋罈子打爆左一樣,成地酸味湧上心頭 。//除左舊知已舊朋友舊同學舊同事之外,往往出現最多異性既,就係Party或者酒吧。…
  • 【重口味真人真事】禁室 · 幼齒 · 血紅色 by 陸子瀧
    AV女優將會長駐在互聯網上,不會消失。…
  • 有咩好得過有馬紀筠做女朋友? by 毛言地
    講外表唔係差,甚至有一種睇片仲靚過睇相嘅感覺(嗱,你唔好話我知你冇睇過),而且一個喺床上面配合度咁高嘅女朋友,冇邊個男人會討厭。講真吖,好多女仔連含都未必肯,仲話要拍片?你今晚準備定瞓廳都可以。你話我咁諗好膚淺咩?有幾多個女仔大叫碧咸靚仔同…
歡迎讚好我們的facebook page,免費資訊源源送上。