如果食餐飯就有十萬蚊,你會唔會畀另一半去食?

 

「其實吃貨係咩意思?係咪即係大食咁解?」Mike說。
「應該係指鍾意周圍食好嘢嘅人,不過點解你咁問嘅?通常大陸人先用㗎喎。」Brenda說。
「唔記得喇,好似睇Youtube睇到。」Mike說。
「Youtube?你睇Youtube呀?」Brenda若無其事地說。女人疑心很重,有時一個詞語已經可以令她立刻聯想出一個男友與大陸女人偷食的情節。
「最近睇個大陸show叫咩咩惡搞,專玩啲拜金女,個男主持會去試佢哋。有一集係當住個男朋友面前話畀幾萬蚊佢女友,陪瞓一晚制唔制。」Mike說。
「癡線,無論男女都一定唔制啦!」Brenda說。

面對這個問題,各情侶都有不同的情況出現,有男友想出賣女友,然後女友生氣得說要分手;有女友願意接受,但男友死也不肯答應;有女友表面拒絕,後來卻暗中接受;當然亦有情侶非常堅定,拒絕了並大罵主持人癡線。此外,有另一集是男友特意找主持試探自己的女友,最後女友說家裡有事,沒空與男友約會,但實情是正在與主持去賓館,簡直是綠帽戴到去腳指尾。又或是男人在求婚前試探女友,最後女友順利通過測試,他即席求婚,女友卻生氣得說要與他分手,很可笑。

「如果畀十萬蚊只係食餐飯呢?你會唔會畀我去呀?」Brenda說。
「癡線,梗係唔會啦!」Mike說。
「點解呀?食餐飯咋喎,有十萬蚊我哋可以旅行結婚,或者擺酒都仲得。」Brenda說。
「傻㗎你!邊有咁大隻蛤乸隨街跳,食完飯一定仲有後話,佢唔使第一日就食你,佢可以之後再約你出街食飯,食食吓就食埋你!」Mike生氣地說。
「你對我真係咁無信心?你覺得我係拜金女?如果我係因為錢我一早就唔會揀你!」Brenda生氣地說。
「我都唔係呢個意思,只係人哋有機會設局嚟呃你,如果調返轉你又畀唔畀我去吖?」Mike說。
「畀呀!食餐飯咋嘛又唔會少咗忽肉,而且我信得過你,食完飯咪算。」Brenda說。
「算啦假設性嘅問題唔好再講喇。」Mike說。

電視節目是真是假你永遠不會知道,很多所謂的真人show其實也只不過是內定的情節,全為了增加戲劇效果。可惜現實中的情節可能更戲劇性更誇張,女友搭上自己最好的兄弟、男友去大陸找妓女或援交妹尋開心、老公有小三小四、老婆與男下屬搭上,已聽過太多太多事例了。背叛另一半其實真的很容易,一生一世,一心一意卻難了,你做到嗎?

 

P.S. 如果食餐飯真係有十萬蚊,大家會唔會畀另一半去食?唔好同我講埋啲咩假設性問題唔會答呀吓。

 

 

關於作者:小盛女

小盛女
80後中環打工妹,誓要追求work life balance的生活,並當一個幸福的食家。FB PAGE:https://www.facebook.com/littlevibrantgirl

則留言

閱讀後覺得好,請多多讚好及分享~:)

其他熱門文章

  • PTGF 有咗餡,唔想生又懶得落,可以點? by 神婆
    男子唔想阿媽再受驚,一嘢拉咗個女仔去樓梯,大約係講「妳再玩嘢我就報警」之類嘅說話。我睇到呢度已經覺得呢件事嘅發展好Dramatic,但真正難以想像嘅嘢,而家先開始。…
  • 寶寶抽煙,但寶寶不說 by 的士陳
    見多識廣嘅朋友,應該一睇就知,女神手上嘅係iQOS;一款由煙草商推出嘅電子產品。而Angelababy嘅回應,其實相當巧妙,充分應用邏輯學上訴諸無知謬誤去為事件解畫。正如當年有記者問Baby有無整容,佢答人話箍咗牙;同梁振英回應護老院虐老風…
  • 買避孕套或者食避孕藥係咪真係咁難? by 神婆
    首先,個女仔今年十七歲,未讀完書;經手人(經佢推斷)係一名三十幾歲單身男子。女仔發現有饀之後,第一時間同個男人講,咁人地梗係唔認數啦:「點知妳出黎做會唔食藥架啫」「妳接幾多客我鬼知啊」「妳話加錢可以中出架」女仔好嬲咁同我講返當時男方嘅說話,…
  • 女人要脫離「不幸」 by 三個水
    女人際遇不好的時候就會想「最多咪嫁人」。如果本身財政、家事一團糟,處處需要人去照顧,東不成西不就的人,嫁人,不過是從一個家庭的包袱,轉讓成另一個家庭的包袱。所以,嫁人,又叫找個歸宿。我不是男人,已經覺得女人天生投胎是easy_mode,男人…
  • 女人的賞味期限 by 喜言
    女人的賞味期限是在十多歲至四十歲左右。如果將近四十的女人保養得好的話,美態可以多延幾年。而到五十、六十仍保持吸引力的女人,屬極端例子,不提。坊間有個講法,說男人幾時都鐘意十八廿二的女人,其實不然。好多廿零三十甚至四十的女人好多都仲風韻猶存,…
歡迎讚好我們的facebook page,免費資訊源源送上。