香港人每年回帶合集

 

 

以下將會列出大量香港人每年回帶話題,歡迎各大要click唔理內容既FB page、KOL、網站、媒體admin參考,同時歡迎補完。

 

節日篇

元旦:

無人陪你過。
達唔到上年目標。
新一年新目標。
預定新一年目標達唔到。
新一年第一個出世係一個嬰兒。

 

1月11日(你老母呢個係閪節日)

單身男叫春。
單身女叫春。
叫人唔好放閃。

 

農曆新年

細個利是被阿媽收左。
親戚問閪野。
食糕食到年初幾。
年初四咁既樣。
樓下看更烚熟狗頭。
新年送垃圾賀禮。
初三赤口鬧交。
扮早收爐。

 

情人節

單身男叫春。
單身女叫春。
叫人唔好放閃。
有女人唔計較點慶祝,女神。
有男人唔計劃點慶祝,死左。
送花比賽。
垃圾桶收花。
送99部iphone表白衰左事件。
又用清明節比較:情人節就要有拖拍唔通清明你要搵個死人咩。
小心避孕,否則下年三人行。

 

3月14日又係情人節

參考上面情人節1-3。
突然精神分裂講傳統係男人回禮,但2月14日個page明明講緊男人應該送咩。

 

復活節

長假去邊度旅行好。
無啦喂呢個節日好清泉!!

 

清明節

有咩留返拜山先講,可以今日講啦。
又畀人提返同情人節比較。

 

勞動節

點解得一日假。
點解大陸成個星期假。

 

佛誕

出返張我佛你圖先。

 

5月20日

講520係我愛你。
明明係唔愛你sosad。

 

端午節

食糉食到幾多日
點糖點豉油投票。

 

六四

循例點支燭,話自己唔會忘記。
佢每年得個日唔會忘記。
完場post張好多人既相。

 

七一

香港淪陷幾多年。
可唔可以唔回歸。
提返十幾年前啲遊行。

 

中秋

食月餅食到幾多日。
投票冰皮傳統定雪糕。
投票單黃雙黃定三黃,五仁定火腿。
中秋你注定一人。
投票有無煲蠟。
唔好玩螢光棒(喂我同意年年洗版咁講)。
年年用同一張月亮相都無人覺。

 

十一

國慶關我春事。
咁國慶真係唔春關我地事,OK既。

 

重陽

清明之後終於可以再講野。
登高行山去邊好(健康既都算)。

 

11月11日

1. 請參考1月11日

 

聖誕

單身人叫春,叫人唔好放閃。
扑性Day,下年又做父母。
交換垃圾聖誕禮物帖。

 

日常篇

錢銀野

港男買到樓,儲5萬借老豆795萬。
港女嫁到有錢佬,有樓有女。
某綜援戶好富貴。
六合彩金多寶做乜好。

 

交通工具

地鐵成日故障。
金鐘好多人。
地鐵車門裝刀片。
坐唔坐關愛座。
的士佬正仆街(佢地係抵屌既)。

 

食物

芝士。
紫薯。
綠茶。
海膽。
上面啲野crossover。
芫茜好臭/香。
榴槤好臭/香。
其實任何食物都可以投票(拉麵定米線;雞煲定火鍋;譚仔定三哥…)
食乜野如果無乜野不如唔好食post。

 

男女

任何說話牽涉男女加張底圖再大大隻字放中間就得。
男人花心,女人拜金。
男人純樸,女人功利。
識揀一定係揀乜春做男、女朋友或老公老婆。
已讀不回。
收兵做兵。

 

學校

女生幾多度都著冷衫。
暑假就完未做過功課要抄。
一個學生既班會相。
由於啲page admin都老左,係咁懷勉舊事。
例如問以前小息有無定過格。
OCAMP分手。
屌人玩OCAMP。
屌人屌人玩OCAMP。
OCAMP前豆腐爸爸獸父事件。

 

地方

大東山芒草。
大棠紅葉。
南山村平台。
話有人問元朗係唔係好多牛。
日本開櫻花、桃花啦。
日本落雪啦。
日本有紅葉啦。
韓國開櫻花啦。
韓國落雪啦。
韓國有紅葉。

 

返工

個個星期一都出個星期一好撚慘post。
個個星期二都出個帶排未放假post。
個個星期三都出個點解星期六咁遠post。
個個星期四都出個望到終點post。
個個星期五都出個好似唔使再返工post。
個個星期六都出個唔想咁快完post。
個個星期日都出個問點解時間過得咁快唔想返工post。
覺得老闆好廢。
覺得同事仆街。

 

唔知點分類

春天好撚濕。
夏天好撚熱。
冬天都好熱。
行雷叫人睇頭(視乎個期邊個冚家鏟抵劈)。
落雨唔撚識擔傘。
講粗口代表個人真誠。
間中Post個幾張錯漏百出既正字表。
得閒又幫人計下年齡:邊年出世既朋友你宜家幾多幾多歲。
減極都減唔到肥既post。
邊間鋪頭有靚女。
笑鳩啲長輩圖。
一有社會時事就二次創作抽水。
一有社會時事就改歌詞抽水。
盲目正能量post。
盲目負能量post。
咩假期就到要去邊旅行。
無假期唔緊要自製假期去旅行。
有野恭喜就出李嘉欣。
有西女人又出李嘉欣。
空姐最憎啲咩。
空姐更憎啲咩。
空姐最睇唔過眼啲咩。
用儲水式熱水爐好撚慘。
咩星座既人最乜乜柒柒。
咩生肖咩人最乜乜柒柒。
冬天塊廁所板好撚凍。
投票即刻坐落去定等陣定用熱水淋熱佢乜乜柒柒。

 

好啦唔講啦屌,一個腦點會諗同記得晒咁多。但其實我想講,香港人上網上左咁多年,近呢幾年黎來來去去其實都係講緊呢啲野,重覆無內容唔重要,呢啲無意思既野就人人click like share tag人,不如大家諗諗,係唔係值得將時間心力或者你既支持再繼續送畀呢種垃圾資訊呢?

好多人以為唔睇TVB就係高尚,結果返到互聯網吸收更廢既資訊,何必呢?

 

關於作者:木人里

在學中人,只隨意下筆,遇不平事下筆,逸事下筆,理直下筆。才疏學淺,為賦新詞強說愁。詩詞歌賦文史哲皆沾一點邊,強裝文人。

則留言

閱讀後覺得好,請多多讚好及分享~:)

其他熱門文章

  • 婚前無扑過野?睇下有幾多單一個月就想離婚囉? by 焦總的蕉很腫
    女人呢,結婚前真係要同條仔扑過野先好決定結唔結。我見阿Steve又高又大隻,完全無諗過佢條野硬左都係同我中指咁上下咋,又短又牙簽,仲要分零鐘就射喎,大佬阿,我唔會犧牲自己下半身既幸福架!…
  • 呢個世界有D人,真係唔可能有女朋友 by 超哥
    經過兩年alevel同兩年asso,我發覺其實我跟本係我性格有問題。原來我本身就唔識同人溝通,之所以啲女同學驚我,唔係因為我其貌不揚咁簡單,而係我行為怪異。例如:我會喺啲女仔前面整到自己好可憐咁,仲會不停眨低自己嘅自我型像。所以啲女仔,個個…
  • 天下烏鴉一樣黑——韓國酒吧遊 by Sunshine
    其實去到邊個國家的大部份酒吧,都想係搵吃架喇,「天下男人一樣咸」係咪?落得呢啲地方,識到咩人,咪自然有咩結局囉,不過咁,原來韓國呢個地方,可能比我哋想像中更為開放。首先,喺韓國人口中「酒的店」有好多的,一啲係睇韓劇成日見到女主角坐喺啲食店入…
  • 如果有機會,你會唔會去偷食? by 小盛女
    「今日有同事問我如果有機會,我會唔會去偷食。」Mike說。「咁你點答?」女友Brenda說,並心想這個傻佬一定會答甚麼寧死也不會偷食的答案。「我話好難講,我都唔肯定自己會唔會偷食。」Mike平常地說。「咩話!?」Brenda說,內心已即時把…
  • 男女戀愛週期 by 熱豆腐仔
    「我地未拍拖個陣,佢都唔係咁既」曾經好多女仔埋怨,自從佢同男仔一齊之後,對方就好明顯無之前咁上心,感覺上變得無咁愛鍚自己,就連脾氣同鬧交都多左, 就只能慨嘆佢變左好多。曾經亦有好多男仔解釋,自從佢追左個女仔得手之後,明顯自己係無放咁多心機落…
歡迎讚好我們的facebook page,免費資訊源源送上。