中文正寫數目字,你識幾多個?

 

 

依家已經比較少人用中文正寫數目字喇。

我唔知依家小學仲駛唔駛學呢D『泥古/拾玖』野,但係舊時係會同咩中國數碼(| || |||呢種)同埋羅馬數字(XCL呢種)一齊學,然後仲要係測驗考試考你將堆數字轉黎轉去添!簡單講就係咁:

一二三四五六七八九十百千萬億
壹貳叁肆伍陸柒捌玖拾佰仟萬億

但係好老實講,依家日常生活真係好少會用到。除左一D好例外既情況。例如,你依家仲會睇下毒果日報,佢旗下既『壹傳媒』仍然係用緊『壹』,而唔係『一』;如果突然你見到講『一傳媒』,十之八九,就會當左第二間公司喇。無啦啦寫『壹本萬利』,D人又要反過來懷疑係咪會同肥佬黎有關。

而如果有朋友仲有好相信紙筆,唔玩電子過數,仲係都要派頭下寫下支票大下人既,可能亦都傾向只會用英文全寫金額就算數。反而以前既老式生意人,就會支持寫中國正寫數目字,因為貪佢唔會俾人改到張支票咁話。即係例如『六百八十九萬元正』就會變左『陸佰捌拾玖萬圓整』。嘩,心諗,咪多好多筆劃!可能以前既人真係比較得閒啦。

但ANYWAY,依家有D中國正寫數目字,已經多數用係其他既意思喇。例如陸多數都係止陸地,姓名同陸姓;肆係指緊食肆呀,放肆呀等等。至於柒,大家都對佢既印象唔多好添啦,唔可以亂咁用。當然今日既七警案,大家又會好樂意將佢轉換做柒警既。中文真係博大精深。

 

 

關於作者:鵝鑾鼻燈塔

鵝鑾鼻燈塔
前高登講故人。現為廢中。努力抵抗中年危機中。FB PAGE:https://www.facebook.com/Ellan.Ou/

則留言

閱讀後覺得好,請多多讚好及分享~:)

其他熱門文章

  • 【塔羅個案】著名大學 Year 1 學生問「我點先可以做到 Hall Queen」 by 神婆
    「我想做Hall_Queen,錢唔係問題,妳話我知點做。」Hall...Hall_Queen?我聽到呢句說話嘅時候,個心打咗個突,腦入面唔知點解諗起當年讀女校時,啲女同學曾經有一期好鍾意睇嘅《Gossip_Girls》。即係咁,如果做Hal…
  • 大齡單身女總要求:「還不快點介紹好男人給我認識?」 by 鵝鑾鼻燈塔
    我認識的朋友,雖未致於完全是重度宅男,而且有一份優厚的收入和專業資格,但生活極為規律,不煙不酒,不喜交際應酬,平時看看書跑跑步,也懶得出外旅遊,反而喜歡行山釣魚打橋牌,你問他們好不好,的確好仔!但這樣的生活,也悶過大佛寺了吧。和他們一起,如…
  • 溝女攻略,男仔最緊要「唔要面」 by 肥姨姨
    「點解條件咁好嘅自己依然單身,但係嗰班狗公竟然可以日日攬女,過得逍遙快活羡煞旁人呢?」好大嘅一個原因係因為狗公好「唔要面」。…
  • Final Year 的鬱燥 by 麥精維他奶
    大學四年,說長不長,說短其實真係幾短。上莊,玩Ocamp,時間稍瞬即逝。係不知不覺之間,大學嘅生涯就會黎到最後一年。係呢幾年間,大學校園無咩變過,但係身邊人會變,事都會變。一系列嘅轉變睇落好似好理所當然,但係又難以適從。心入面果一份不安,慢…
  • 韓國野根本係垃圾食物 by 賤咀男
    韓國本身係一個窮到燶嘅國家,所以正宗「韓國菜」又寒酸種類又少。來來去去都係果幾樣料、果幾種味,上面加果幾種蔬菜絲一D變化都冇。…
歡迎讚好我們的facebook page,免費資訊源源送上。