特首選舉辯論 Body Language 裁決

 

我就唔熟港聞嘅,都係當國際新聞咁睇,所以應該算公道,而且呢真係幾悶,相比起睇開果啲總統辯論,Prime Minister Questions。

首先女人參政,的確係有難度,好多comment都話呢個前政務司司長,好煩。但其實細心聽,其實開頭佢係知道有呢個問題,嘗試壓低自己把聲,就算比起參選大會都已經壓低咗。但去到後段興奮起來,打回原形,於是一個官太說教嘅形象又出番曬黎。

呢件事就算希拉里都做唔好,雖然努力壓低,但係永遠去唔到戴卓爾夫人嘅境界。另一個仲可以活生生俾你sample 嘅係文翠珊,但人地個政制係個個禮拜俾你操練,雖然高志民弱到不堪,但點講都好,都係一種操。但文太好多時嘅本我會走返出來,鐵太都有走漏嘅時候。

前財爺睇來真係番書仔,把聲本身沈,所以唔需要太多調教,可以話贏係起跑線。而且基本上節奏唔算突兀,手勢就典型美國仔好想表達自己,所以好難搵到身體語言嘅問題,或者根本就同好多美國政客打交道,或者以佢地做sample,學到唔少。當然口窒窒呢樣嘢,真係無辦法,呢樣嘢應該大把人招呼佢。但點都好,手嘅節奏尚算同語言配合,你話係真心定係訓練有素,睇佢口窒窒,似係真心。

法官大人睇來都因為多年判案經驗,自控能力好強,但同場一比較,把聲高音同薄過啊前財爺,所以先天不足無辦法,有人唔信佢,都事出有因。但必須承認佢嘅sample 無咁多,有bias嘅機會都幾大。

但身體語言同過往最不同嘅應該係前政務司司長,首先佢不斷點頭嘅頻率明顯上升,過去影片中,都唔覺得佢會咁頭up up。呢個係要不停自我肯定嘅身體語言,但照計呢位啊太係信心爆棚,點解要不斷自我肯定呢?

再者最尾法官大人嘅問題提到橫洲,當然前財爺都面有不悅,但很快回復正常狀態。但全晚手撐台兩邊嘅前政務司司長,突然做起自摸姿勢:兩手十指緊扣(見圖)。呢個係身體語言係極端防衛嘅姿勢,就係人要下意識保護自己性器官。所以到底法官大人篤中甚麼死穴,我就唔知啦。啲眾籌300萬定係一入去網站就出crazy ad 要你捐2舊嘅媒體幫唔幫你,就睇下香港有無運啦。

有科學研究指出,其實人類對其他人嘅印象,只有7%真係來自你嘅言辭內容,93%會來自你嘅non-verbal communication。所以點解薯片民望高?佢嘅body langauge 真係贏曬 seriously。

 

 

各段協助建立基本常態嘅影片

PS 鐵太境界賞析:

關於作者:膠譯館總裁

膠譯館總裁
會說法文的德奧膠一名,熱愛旅行、古典音樂,疑似和一個叫甚麼膠事錄的,還有維基百科有不可告人的關係,但最重要係崇優,其實這個世界沒有左膠,只有腦殼壞掉和知識不足,卻扮很有料,但往往笨實而轉彎不能

則留言

閱讀後覺得好,請多多讚好及分享~:)

其他熱門文章

  • 愛男友,請愛埋佢屋企人 by 小盛女
    「有無人要食麵啊?幫你地夾。」Mike大喊。「使乜幫佢地夾,佢地無手o架?」Brenda黑面說。Mike即時怔了一怔,他從沒想過這麼簡單的舉動會令Brenda爆seed。「都係順便姐,大家一家人,我幫你夾埋喇。」Mike盡量壓抑自己的情緒,…
  • 應如何對待男友嘅朋友? by 小盛女
    晚飯後她又教大家玩大學時O-Camp的集體遊戲,很快便和Mike的朋友們混熟,特別是男性朋友。玩遊戲少不免有些身體接觸,Mike都一一看在眼裡,他最怕就是看到這些疑似抽水的行為,出聲唔係唔出聲又唔係,自己女友又鬼死咁主動,同人玩得鬼死咁盡興…
  • 【偽影評】 《棟篤特工》:電影的隱喻? by 馮志豪
    作為大學主修哲學的子華神,不少演出都是借故事諷時事,甚至有時直接觸及政治神經,例如他在楝篤笑中曾經說過 : 「知唔知一國兩制最偉大地方係乜?就係肯承認佢自己個制真係嚇親人!」和「全港市民熱烈慶祝『收返』!」等,令中在笑中帶來一點思考。…
  • 我可以肯定,大部分人並不適合一個人旅行。 by 達米安
    獨自一人在舉目無親的地方會令人變得緊張,因為無論遇上甚麼難題,發生了甚麼意外,都不會像在家鄉一樣有家人朋友的支援,也沒有了對公共系統的熟悉,所有後果都得自己承受。更甚者,當在語言不通的地方時,連如何向路人求助,都可以是一個難題。只要不是太缺…
  • 25歲以後 by 小盛女
    當我永世做Marketing,由assistant升到officer再升到senior又甚或是咁好彩升到manager,人工都可能只有2、3萬,日日做到隻狗咁,到頭來首期都儲唔到,真係諗起都一額汗,最後我想了十萬九千次,只有兩個辦法可以解決…
歡迎讚好我們的facebook page,免費資訊源源送上。