其實呢,即係咁講啦,你覺得香港人真係想樓價跌?

 

(photo via cc Flickr user t!m)

 

好多人都係度講香港土地問題。
然後好多人又係度講香港面對土地問題,
應該點樣解決。例如:增加樓宇供應。

但我從來相信,高樓價問題,係香港,係無法解決。
或者咁講:唔係無,係好多人都唔想。

首先好多人都會苦口婆心咁問:
咩住屋,頭上有片瓦,唔係基本生活需要黎咩。
但係香港,住屋真係唔係基本生活需要黎呀嘛。:O)
唔係我講架,香港人自己define 架。:O)

首先,樓價高低,取決於供求定律,並唔係取決於利息高低。
當然,政府同地產商,基本上作為土地供應者同埋發展商,佢地有一定既操控能力,甚至可以推冧個市。但係因為佢地都係既得利益者,所以係唔會擔心樓價過高,只會擔心過低。甚至推地無人賣。即刻政府係極低稅基下會無錢駛。(例如:今年政府又俾人話估錯數,成九百億收入,原來六百幾億係地價拍賣返黎。)

第二,係香港,樓係投資工具。即使依家有辣招,佢都仍然可以當然長期投資工具。好勒,正因為咁,無人會願意為自己既投資做蝕本生意既。香港人,咩都要計到盡。未上樓就話生活需要,到上到樓,梗係諗要將自己D裝修費連下間大屋首期轉嫁番俾下手度啦。你敢話唔會??自由市場嘛。

你肯買,我肯賣,係你情我願的。所以,當你想上樓,講基本生活需要講陣,你同個業主講,睇下佢會唔會睬你?當然佢唔會。佢仲會因為岩岩邊度地王誕生,然後一下子反價你五十萬。然後個agent 仲會係側邊同你講,再唔買機會就無喇,因為下一個人已經帶緊票上黎睇樓勒。呢個就係遊戲規則。

政府當然可以好負責任咁推高公屋比率,甚至再玩番夾屋甚麼,甚至進一步干預樓市市場都得架(限價囉!唔俾人發水囉!唔俾人起蚊型樓囉!)。但係「有樓上係基本生活需要」好快就會俾一班因為樓市跌到仆街而受害既中產反對。政府加稅,又會俾人屌上天花板,咁波叔話,仲可以做乜喎。當然,我地更加唔好講樓市瘋狂下挫對經濟既影響等等啦。2003年淘大幾十萬有一間,出奇地,果陣又無人去搶架喎。

係市場入面,往往都有非理性行為。例如價極低果陣,無人敢於接貨。但係價去到極高既情況,就出現瘋狂搶貨既情況。以致大家依家一聽息就快加喇,就快全球收水喇,都無動於衷。以我熟悉行程既講法,好快agent 就會吹番通脹重臨,磚頭保值,無懼溫和加息架喇。YEAH~

無人能夠猜度市場既行為。而當地產商同政府都係呢個setting 樂見其成,土地供應增加,樓宇增加,都可以令需求增加,價格係唔會向下架。尤其是如果細價樓供應愈多,就散得愈快。某程度上供一層樓已經要三四十年,大家一係就已經對香港前途充滿信心,一係就大家都諗住買樓賺一票然後鬆人。

拿,呢個世界就係咁現實。講真話無人鍾意聽。嘿嘿。等樓價急跌後人人叫苦。到時又無人肯買,居屋都無人抽。大家寧願住係阿爸阿媽屋企。。。。。「都係睇定D先啦。」人既劣根性,定香港人既獨特,自己define 啦。

 

 

關於作者:鵝鑾鼻燈塔

鵝鑾鼻燈塔
前高登講故人。現為廢中。努力抵抗中年危機中。FB PAGE:https://www.facebook.com/Ellan.Ou/

則留言

閱讀後覺得好,請多多讚好及分享~:)

其他熱門文章

  • 【塔羅個案】有個客為咗受男人歡迎,走去養狐仙 by 神婆
    Rebecca唔算係一個好精明嘅女人,佢做侍應嘅,但因為唔識英文,所以黎黎去去都係喺啲大財團連鎖店度打工。佢本身外表唔算特別標青,年紀都唔係青春少艾;偏偏對愛情仲有好強烈憧憬,渴望壯健、俊美嘅肉體同外表,「咁我先有安全感」,佢咁講。…
  • 【真人真事】現代名妓嘅完美經營模式 by 阿標
    佢一心想做雞,都係想多啲錢去多啲日本,但佢想做雞之餘,又非常揀擇喎,咁點算呢?佢就諗到一個「以服務換服務」既經營模式:橫掂都係去旅行,佢就用旅行去做交換。你只須要提供來回機票,基本食宿,佢就提供性愛服務同拖手仔行街街。而最鬼馬地方係,朋友S…
  • 【真人真事】識到個唔會去蒲既女朋友,其實已經好好 by 熱豆腐仔
    男女之間拍拖,點都會有嘈交既時候。 而好多時都係基於對方同異性有懷疑過份親密既行為,好似成個醋罈子打爆左一樣,成地酸味湧上心頭 。//除左舊知已舊朋友舊同學舊同事之外,往往出現最多異性既,就係Party或者酒吧。…
  • 【重口味真人真事】禁室 · 幼齒 · 血紅色 by 陸子瀧
    AV女優將會長駐在互聯網上,不會消失。…
  • 有咩好得過有馬紀筠做女朋友? by 毛言地
    講外表唔係差,甚至有一種睇片仲靚過睇相嘅感覺(嗱,你唔好話我知你冇睇過),而且一個喺床上面配合度咁高嘅女朋友,冇邊個男人會討厭。講真吖,好多女仔連含都未必肯,仲話要拍片?你今晚準備定瞓廳都可以。你話我咁諗好膚淺咩?有幾多個女仔大叫碧咸靚仔同…
歡迎讚好我們的facebook page,免費資訊源源送上。