大學生回首過去,除咗讀書之外你哋仲有乜嘢?

 

呢個社會有唔少人仲認為入大學係一個必要嘅,於事死讀爛讀,為求一考考上大學,可以安枕無憂。

呢排我遇上幾個大學師弟,傾傾下我問佢哋,你哋回首過去,除咗讀書仲做過乜?

佢哋由初中開始,為咗入大學日日返學放學,放學就去補習,放假就溫書,由中一到中六,考唔到仲要讀多一年,最後入到大學。

當我問佢哋,除咗讀書之外,你哋仲做過乜?有冇做過一件事,可以好自豪咁同人講?

冇,冇人答到我。

我再問佢哋,邊個要你死讀爛讀,邊個同你哋講入大學就係好?

係絕大多數嘅情況之下,令人想死嘅唔係「絕望」。絕望只係一個狀態,一個短期嘅情況。最恐怖嘅係「見唔到希望」。

家下學生每一日返學放學,放學上堂上興趣班,所謂休息就係睇實用書同彈琴,日日做,不停做。當呢件事做咗幾年,而佢哋預見到將來幾年都唔會有任何變化,每一日就好似自己阿爸阿媽嘅扯線公仔咁,舞嚟舞去,冇人問過佢哋感受,冇人問過佢哋想要乜嘢。呢啲唔係叫絕望,而係冇希望。

如果今時今日,叫一個成年人,一個家長,要佢哋做足七日,日日做十個鐘,冇休息冇假放,放咗工要進修。我相信唔少人都會話有問題,有壓力,唔人道。

佢哋都識講,點解要個小朋友咁做?

佢哋會話,辛苦呢幾年,大個咗就知道為佢好。我都為你好,你日日做做足七日,辛苦呢幾年,可能可以上樓,上咗樓你知就我為你好。

不過記得,係可能,可能咋。

個學生日日讀都只不過係可能可以上到大學。根本就係家長找小朋友做賭注,唔問意見一嘢 ALL IN 買大細,中咗上大學還好,一但唔中開個圍,條命都輸埋。

係大家話小朋友唔捱得,小小嘢就死嗰時,呢個社會同佢哋身邊嘅人,有冇比過希望佢哋?

 

 

關於作者:Tabristory

Tabristory

文壇小賤人Tabristory

則留言

閱讀後覺得好,請多多讚好及分享~:)

其他熱門文章

  • 好多謝啲網民haters 幫Emilia 宣傳裸體寫真 by Cmw Boni
    Emilia嘅plan由八蚊美金去到四十美金不等,值唔值就見人見智啦,我覺得呢個世界,明買明賣,當你地班友,又要睇又要罵,咁點解唔好好利用呢個勢去順便搵下錢,就算科學家都會搵下點樣儲起行雷啲電啦,將負面嘅嘢化為錢唔好咩。…
  • 【塔羅個案】名校老師婚外情的故事 by 神婆
    大家對老師嘅印象係乜嘢?係有教無類,抑或係道德端正?我中小學都有幸就讀風評唔錯嘅所謂名校,大部分老師教學用心,係我嘅榮幸。…
  • 【堪輿命理】用術數搵「淫娃」?! by 庵念慈
    所謂「淫」,其實正確去講,就係性需求比較大,主要由於人類要繁衍下一代,所以內在某種基因自然會推動自己去尋覓繁殖嘅目標,而以我觀人於微所留意到嘅特徵,歸納如下…
  • 分手後她振作起來 by 霏子
    分手後的一個月,她如常生活。只是,每一晚她也會寫一篇日記,記下自己的痛苦。然後,晚上又會夢見他。獨居的壞處是一個人容易胡思亂想,好處是哭了不必向家人交代。因此,她每天哭醒。…
  • 人到底值幾錢?我只係值萬五蚊一個月 by 小盛女
    「喂,阿A今日無化妝啊!你睇吓佢幾殘!」、「嘩,阿B使咪著啲咁貼嘅裙啊,都唔知搏咩!」、「阿C係咪同經理有路?成日一齊食飯嘅!」每天就只有這些事事非非,比小學雞更要小學雞,而這裡的同事就只會是同事,不再像以前在廣告公司般,同事既像朋友,更是…
歡迎讚好我們的facebook page,免費資訊源源送上。