要有焦土政策但都要有焦土對策先得架!

 

 

特首選舉,林鄭即使在民調「遙遙」落後對手,但是西環及中央強力支持下,三月二十六日結果都大致清楚,除非方展博上身有大奇蹟日啦。這次選舉期間,一些本土人士有了一些不少想法,看似很獨到甚至很有豁出去的感覺,但是細心想有點自戀與自high之感。

首先是你都冇選票,講咩姐。

係呀,你冇選票,咁就所以不用去理,如果用這種邏輯的話,人大831的決定,香港市民根本沒有權去理,咁仲抗議做咩,你仲佔咩中,然後過多年又掟咩磚?你都冇票。

扮唔理,扮睇通時局,但根本都唔知中共做緊什麼。

今次選舉過程之令人覺得奇怪,主因是梁先生被DQ,但是最後又升上神台,而林鄭做CY2.0,並繼續執行以往政策,那麼為何又要DQ梁先生呢?事實上以今天情況看,即使梁真的要連任,以中聯辦在提名票可以拿得如此多及壓倒勝,都可以完勝對手,另一方面又有報紙日日鬧中聯辦但是辦報人仍然沒有事,至少未見出現洗頭艇,而CY亦沒有告這報紙,反而只告蘋果和梁繼昌。以上這些政局,到今天還沒有一個所謂的政治KOL能夠理順到這個局面,但是不少政治KOL卻一開頭就話如何清楚,但我不答你之類的廢話。仲有人會話,「跟住戲軌走」,條戲軌係咩根本都唔知,點跟呀?

更加好笑是一時話曾俊華贏,過兩日又話林鄭贏,咩都佢講晒。

更加不知所謂是現在林鄭贏了,是對港人最好,等大家焦土政策,一鑊熟,香港才有轉機,更加來得可笑是一干教徒盲目相信認為這會有一天來到似的。

等幾時?日日說紐倫堡,現在香港人自己被審了都未到紐倫堡啦。還講一些所謂的虛假Fantasy,真心討厭。

你要焦土政策,可以,但請拿出個對策來,而不是說今天的焦土是好事,甚至是你老師的所謂計劃部份之一云云。

選舉輸了大家反面不認人,起初說退隱甚至不再面書上說三道四,但日日卻月旦時事的馬後炮,事後孔明得嚴重。

今日香港水深火熱,還認為不夠?三個年青坐三碌呀,係三碌呀,有誰為他們奔走嗎?泛民沒有、各自表述的本土派唔見有,但那三個青年就即時入獄。

拖慢赤化是今天環境的可行方式,或者是苟且偷生,但是你仲未死得,還有一啖氣,你都要捱落去,而不是踩多兩腳說侮氣話。

泛民到本土內鬥,之後又到本土之間再內鬥,循環不息。見有黃絲支持曾俊華是嘗試以時間換取空間,等大家抖一抖但是卻被冠以無知來形容,如果你有解決方法,不妨提出,現在人家就是嘗試找解決方法,或者你認為一條死路,但是這條死路都可以係你所謂既「焦土」架,唔得咩?

但是今日三年輕人入獄,一方面叫人反抗,一方面又叫人走同政治庇護,咁即係反抗定走先?不要前後說話都順理不清,連自己都唔知自己講咩先得架。

不過總會有人同你講,你唔明因為你看不清,好似只有信佢既先看得清,看得最透。

 

關於作者:Terence Yun

Terence Yun

則留言

閱讀後覺得好,請多多讚好及分享~:)

其他熱門文章

  • 愛男友,請愛埋佢屋企人 by 小盛女
    「有無人要食麵啊?幫你地夾。」Mike大喊。「使乜幫佢地夾,佢地無手o架?」Brenda黑面說。Mike即時怔了一怔,他從沒想過這麼簡單的舉動會令Brenda爆seed。「都係順便姐,大家一家人,我幫你夾埋喇。」Mike盡量壓抑自己的情緒,…
  • 應如何對待男友嘅朋友? by 小盛女
    晚飯後她又教大家玩大學時O-Camp的集體遊戲,很快便和Mike的朋友們混熟,特別是男性朋友。玩遊戲少不免有些身體接觸,Mike都一一看在眼裡,他最怕就是看到這些疑似抽水的行為,出聲唔係唔出聲又唔係,自己女友又鬼死咁主動,同人玩得鬼死咁盡興…
  • 【偽影評】 《棟篤特工》:電影的隱喻? by 馮志豪
    作為大學主修哲學的子華神,不少演出都是借故事諷時事,甚至有時直接觸及政治神經,例如他在楝篤笑中曾經說過 : 「知唔知一國兩制最偉大地方係乜?就係肯承認佢自己個制真係嚇親人!」和「全港市民熱烈慶祝『收返』!」等,令中在笑中帶來一點思考。…
  • 我可以肯定,大部分人並不適合一個人旅行。 by 達米安
    獨自一人在舉目無親的地方會令人變得緊張,因為無論遇上甚麼難題,發生了甚麼意外,都不會像在家鄉一樣有家人朋友的支援,也沒有了對公共系統的熟悉,所有後果都得自己承受。更甚者,當在語言不通的地方時,連如何向路人求助,都可以是一個難題。只要不是太缺…
  • 25歲以後 by 小盛女
    當我永世做Marketing,由assistant升到officer再升到senior又甚或是咁好彩升到manager,人工都可能只有2、3萬,日日做到隻狗咁,到頭來首期都儲唔到,真係諗起都一額汗,最後我想了十萬九千次,只有兩個辦法可以解決…
歡迎讚好我們的facebook page,免費資訊源源送上。