解構曾俊華特首選戰用中文字體

利申一:我反對小圈子選舉
利申二:我冇讀過設計
利申三:3.26前會評埋胡官同林門鄭氏設計,夠晒Balance

曾俊華用嘅英文字體,有Blog 已經講過,所以我唔打算重覆。反而佢設計用嘅中文字體,就好似冇咩人提過,咁我就獻吓醜啦。

 

曾俊華街板

 

曾俊華喺今次選戰用嘅主要字體,係華康華綜體。呢隻體其實已經由華康設計同賣咗N年,唔算係有咩新意。根據華康網站,個字體嘅簡介如下

猶如手繪POP的美工字型,直筆、橫筆粗細接近,偏旁右側圓弧表現,左側則邊角切齊,筆劃特色顯著,端正中又帶著活潑俏皮感。適合於內文及各式標題上使用。

個人感覺,呢個字型其實幾切合曾俊華班底想塑造出嚟嘅剛柔並重,穩打又不失進取嘅風格。無獨有偶,呢個字體其實同特區政府舊同新條飛龍嘅字體概念上有少少相似,都係想將呢兩種風格可以擺埋一齊。咁當然啦,Fontweight 肯定有唔同,但某啲筆劃邊位同起圓角,都好易令人聯想起「飛龍體」

 

 

講真,2010年特區政府去renew個BrandHK果陣,就係由財爺同佢手下班人負責,連佢自己都寫Blog解畫。你話佢條Team冇試過啲字體拎嚟做類比,然後想得出呢個聯想呢,我就肯肯定唔信嘅。叉開講講,新飛龍有獅子山彩帶,而曾俊華政綱封面同好多宣傳嘅相都帶獅子山出現。我好懷疑喇沙出身嘅佢,其實對獅子山情有獨鍾。畢竟出咗喇沙校門向北望,成個獅子山頭就無遮無擋喺正面前。

之不過,揀完字型,都要揀啱設計配色同埋風格,先最緊要。呢樣嘢,佢條Team 都叫做中規中矩,跟得住現時設計潮流。

 

用華康華綜體但效果好唔得嘅範例

 

任何字體,套上錯嘅風格,都會令人反白眼。好似呢張天主教教區嘅Banner,教宗區Quote(黑字黃邊)同樣都係用華康華綜體,但就係因為用色同外框色出問題,令人唔覺個字體風格出到嚟

同時,曾俊華選戰班底識運用Flat Design同埋相應嘅配色,令到個字體本身嘅感覺可以出晒嚟。如果你唔知Flat Design係咩嘅話,Google一下應該會幫到你

而我嘗試曾俊華選戰設計個Visual Concept去模擬一下佢嘅Output,  結果係可以好簡單咁用PowerPoint 10分鐘出圖。唔信?我以佢辯論個Post為例,用PowerPoint搞一搞就已經似到十足咁出,快到連馬嶽都唔信。

 

原圖

 

用PowerPoint 仿製

其實,搞大規模選舉,唔同部門都要有Output,但唔係吓吓都有一個Comm Manager 可以執到所有Output都係冇走樣。所以有一個清晰同易Adapt嘅Visual Toolkit ,令平面組出用簡單嘅PowerPoint出單張,到用AfterEffect砌條片視覺效果嘅人都能夠輕易上手唔會走樣,係十分緊要。香港唔係好多政團會考慮到呢一點,結果搞到唔同地區啲Output會走樣,好似係。曾俊華條Team用錢都買唔到嘅地方,就係貴在呢連啲選戰Basic位都諗得周到。

講住咁多先

後記: 雖然主字體係華康華綜體,但係曾生條Team 喺佢個Logo裡面嘅名,係改動些少筆劃。特別係佢個姓「曾」字,係將個字頂個兩點改成人字,再Outline 個人字拆成兩邊。視覺上除咗好睇些少之外,仲令人有聯想佢果執鬍鬚,好似係

我又用佢個Logo,同華綜體做咗個對比

 

連咁微細都執到,呢隊Team真係名乎其實錢都買唔到

 

延伸閱讀

解構林鄭月娥特首選戰用中文字體

 

關於作者:巫堃泰

巫堃泰
香港大學法學(人權法) 碩士生,香港機場發展關注網絡發言人。曾參與香港電台節目評論時政,並經營民間網上電視台。熱衷公共政策及管治研究,從過去到現在積極參與公民社會組織及倡議,創造多項時政惡搞產品,期望用創意改變社會。

則留言

閱讀後覺得好,請多多讚好及分享~:)

其他熱門文章

  • 愛男友,請愛埋佢屋企人 by 小盛女
    「有無人要食麵啊?幫你地夾。」Mike大喊。「使乜幫佢地夾,佢地無手o架?」Brenda黑面說。Mike即時怔了一怔,他從沒想過這麼簡單的舉動會令Brenda爆seed。「都係順便姐,大家一家人,我幫你夾埋喇。」Mike盡量壓抑自己的情緒,…
  • 應如何對待男友嘅朋友? by 小盛女
    晚飯後她又教大家玩大學時O-Camp的集體遊戲,很快便和Mike的朋友們混熟,特別是男性朋友。玩遊戲少不免有些身體接觸,Mike都一一看在眼裡,他最怕就是看到這些疑似抽水的行為,出聲唔係唔出聲又唔係,自己女友又鬼死咁主動,同人玩得鬼死咁盡興…
  • 【偽影評】 《棟篤特工》:電影的隱喻? by 馮志豪
    作為大學主修哲學的子華神,不少演出都是借故事諷時事,甚至有時直接觸及政治神經,例如他在楝篤笑中曾經說過 : 「知唔知一國兩制最偉大地方係乜?就係肯承認佢自己個制真係嚇親人!」和「全港市民熱烈慶祝『收返』!」等,令中在笑中帶來一點思考。…
  • 我可以肯定,大部分人並不適合一個人旅行。 by 達米安
    獨自一人在舉目無親的地方會令人變得緊張,因為無論遇上甚麼難題,發生了甚麼意外,都不會像在家鄉一樣有家人朋友的支援,也沒有了對公共系統的熟悉,所有後果都得自己承受。更甚者,當在語言不通的地方時,連如何向路人求助,都可以是一個難題。只要不是太缺…
  • 25歲以後 by 小盛女
    當我永世做Marketing,由assistant升到officer再升到senior又甚或是咁好彩升到manager,人工都可能只有2、3萬,日日做到隻狗咁,到頭來首期都儲唔到,真係諗起都一額汗,最後我想了十萬九千次,只有兩個辦法可以解決…
歡迎讚好我們的facebook page,免費資訊源源送上。