每個人身邊都有個丁常旺

 

每次見到旺叔,我都會覺得好自卑。

旺叔係我朋友圈裡面一個成日比人笑嘅男仔。你要想像的話,直接將戇夫成龍裡面個郭晉安代入去就可以。

我同旺叔唔係咩由細識到大嘅朋友,只不過係機緣巧合下相處左一段時間。每次食食野最早去到果個一定係佢,一啲都唔同間餐廳客氣,有幾多就食幾多。到其他人黎到,開始傾計吹水嘅時候,旺叔依然繼續食,但一路會聽住大家講咩,然後嘗試同大家撘嘴。

不過往往換黎嘅都係一啲八婆嘅白眼,又或者啲港女懶係高竇嘅無視。因為旺叔好多時講野都係一啲爛gag,或者係一啲令人摸唔著頭腦嘅說話,真係有時唔知點比反應佢。而且喺照顧自己方面有啲論盡,同埋有時唔太睇場合講野。

但旺叔唔係弱智,佢比在座任何一個都有內涵,而且有智慧。同樣係鬧人或者想侮辱人,你可能諗到嘅說話會係「仆你個街正臭雞」,佢講嘅會係「昔日女為娼,今為蕩子婦」。聽唔明?Sorry,唔係佢懶係野,係你文化修養低。

但我好怕同旺叔相處,因為我會覺得自卑。

旺叔係一個大情大性嘅人,開心就笑,唔開心就直接講,但我從冇見過佢喊,EQ都幾高。唔好話出到黎社會,入到大學之後仲有呢種人真係萬中無一,反而見得最多一定係我呢種敗絮其中嘅偽君子。

記得有一晚旺叔無啦啦走入黎我房,話想傾下計。言談之間,大家開始講起自己嘅過去。佢提到自己中學時比人蝦不特止,仲要連老師都針對佢,波及埋屋企人。但今日佢憑自己努力入到大學,呢種骨氣比起你任何一個五星星都黎得矜貴。

一路聽旺叔講,明明全部都係不堪回首嘅陰霾,佢可以如道家常咁同大家分享。佢話,唉都過去啦,小事黎。諗返起自己中學因爲比唔知邊個收兵,又唔知點樣單戀無果而喊苦喊忽,真係忍唔住鬧自己一句不知所謂。

筵席散去,大家各自回到平日嘅生活。旺叔依然喺群組到講佢嘅爛gag,同樣對空氣說自話一樣。我諗旺叔唔係淨係對我地先咁坦然,對每個人都係將最自我嘅一面同大家分享,只不過冇乜人會攞番個心出黎對佢。

叔旺需要嘅唔係當佢係弱勢嘅社工式關懷,而只係一班會笑佢可愛,大家都互相交心嘅朋友。佢講過羨慕我地有拖拍嘅男仔,但我相信人善人欺天不欺,你終有一日會搵到你嘅李笑好。

 

 

關於作者:海燕韶光

一個土生土長,普普通通的香港人。作為一個理科大學生,欲深信文字並非只是關乎考試學習,更是反映自己對生活的思考和態度。

則留言

閱讀後覺得好,請多多讚好及分享~:)

其他熱門文章

  • 我一直以為我們是十年好兄弟,但為甚麼去旅行你要帶安全套? by 蚊子
    十年了,我們之間沒有曖昧,更沒有愛情。我們就像人們所說的那種不存在的男女之間純粹的友情,我們會吵架、會打架、他會跟我說如何「搞掂」那些女仔,我會笑他賤格⋯⋯我們什麼都能分享,無論相處多久都覺得只會是「哥們」,他也曾經向我爸爸敬酒:「uncl…
  • 烈女 by 亞愁
    聽説她三十歲那年嫁了個青年才俊,不夠兩年就離婚了。我記得她說過,女人一定要在三十歲前嫁一次,結果她做到了,儘管婚姻是如此的短暫。…
  • 我寂寞,所以才會想抱一個中三畢業的男人? by 葉希林
    忽然,我收到Mark的一條短信:「今晚得唔得閒出嚟食餐飯?」Mark就是我之前的健身教練,30歲,高174厘米,中三畢業。上次,我跟他在旺角吃完油炸鬼,我以為我們之間有過的丁點兒火花都一併炸光了,還有待續?中秋節那晚,我說不要因為寂寞而搞著…
  • 識揀另一半,人生已經贏左一半。 by 窮家有道——窮一生
    其實呢個題目我想寫好耐,因為講到理財,其實係一件終身事業黎。我教你開支點減都好,都係一時既野,個個人既生活節奏都唔同,套武功都要有所變化。一項咁漫長既任務,當然係由陪你最長時間既人開始!老豆老母冇得揀既,好似窮生咁,出身係單親家庭,家母唔係…
  • 每次搭巴士,我都見證緊後生仔嘅悲哀 by 擇言
    坐喺位嘅阿伯,企喺走廊中間嘅阿叔,喺間口僅僅上到車嘅中年人,心入面都喺度諗:「抵死啦你哋班死廢青,咁唔努力梗係上唔到車啦。」…
歡迎讚好我們的facebook page,免費資訊源源送上。