談美女與野獸、暗黑童話、與耶撚「掩耳盜鈴」式教育大法

 

話說今期最hit既美女與野獸上畫後,因為含有同性戀劇情,引起部分宗教及反同團體不滿。有耶教學校就發通告,通告內校長呼籲家長不要帶孩子觀看該電影,並強調「神不喜悅同性戀」

 

咁聖經又真係咁寫過架喎…?So…?

有人問我,「咁聖經又真係咁寫過架喎…係咪先?」首先,聖經都有寫過不可殺人、但都有寫過男人唔可以剃鬚(「頭的周圍不可剃,鬍鬚的周圍也不可損壞。」(利十九:27))、女人如果連續超過7日黎M,就係唔潔淨(「女人若在經期以外患多日的血漏,或是經期過長,有了漏症,她就因這漏症不潔淨,與她在經期不潔淨一樣。」(利十五:25))。咁係咪而家男人就唔可以剃鬚、同埋要當黎M多左好多日既女士係唔潔淨呢(潔淨呢個字在聖經的意思,不僅是「身體清潔」咁簡單,更有「身心聖潔」的意思)。咁當然唔係啦,面對呢個情況,我地是應該叫她睇醫生囉。至於男人,如果真係長年唔剃鬚,真係個個變露宿者架啦喎。

我想指出的是,聖經有好多野都有寫,咁係咪我地所有野一字不漏跟隨?絕對唔係。有好多野,基於文化/背景/知識/歷史各項因素,一定會有改變。所以我至少覺得,同性戀呢個議題唔係一個Absolute到好似「不可殺人」咁明顯分辨到是非的真理性議題。既然有討論空間,在多元社會中,我們就必須有「接納多元意見」的覺悟(甚至在耶教圈子之中都係),而非一棍打埋黎「你唔好去睇呀下」,咁做好肯定只會越禁越想睇。

 

其實人地係唔妥你個態度呀,你明唔明呀?

而就著耶教團體發通告/指引有關同性戀的事情,通常一經媒體披露後,團體的反應是點?就係龜縮。好奇怪的一點是,發通告時就大搖大擺寫出各種理由,嚴正要求「不可帶子女前往觀看」;但傳媒一打黎問呢?就龜縮。試想想,即使你覺得媒體經常做 9 耶教,但如果你覺得發通告的理由理直氣壯,講真怕咩話俾傳媒知你的取態?點解唔正面回應?如果謹慎一點,大可在訪問中錄音以作記錄,即使他朝人地屈 9 你都叫有錄音做證。講到尾,就係始終係講唔過去話「我地歧視同性戀呀」咁咋嘛。呢 D 咪係「夠膽做唔夠膽認」既最佳例子囉。

無話你唔可以教佢聖經果套,但事實是,世界真的有很多套。點解唔可以話俾小朋友知呢(講緊該校學生最細個都小學啦,又唔係幼稚園)?人活於社會,都尊重多元意見及價值,接納不同人與自己的不同。小朋友一定是自我中心,作為父母就更應該讓小朋友知道,這個世界有很多人,不同人會有不同價值觀,即使如此,亦要包容,尊重和接納,而非排斥和抗拒吧!非耶人唔妥既,正正係耶教人既排外態度呀!

 

即使「有爭議的內容放在適合兒童故事」,又有咩問題?

話說反同主力組織明光社蔡志森就有關事件受訪時,講到「不贊成將有爭議的內容放在適合兒童觀看的動畫及電影」,睇到呢度真是笑左。就以格林童話/安徒生童話作例,好多人都知原本係勁黑暗,內容勁血腥恐怖。(有個格林童話故事叫「藍鬍子」內容簡直係18禁,有幾個不同程度的恐怖版本,大家有興趣不妨睇睇或者search)。甚至美女與野獸呢個故事本身都有黑化情節(有興趣就自己搵啦)。另記得細個睇過安徒生童話紅鞋子,女主對腳因為著上著左魔的紅鞋,不吃不喝瘋狂跳舞幾日;她最後求獵人斬左佢對腳落黎。獵人應承左,女主因為對腳無左而重獲新生。本人仲記得本童話書左邊幅配圖係只有一對著左紅鞋的腳起度跳跳下入左森林,講真如果真人化都唔科唔恐怖。咁恐怖既內容,夠爭議啦掛。

但係,即使係咁,睇完童話既小朋友大概都唔會覺得「斬對腳出黎幾好玩呀,等我試下先~」架嘛。第一,父母會引導;第二,細路都會知大概發生咩事,總唔會做完全違背人性的事。所以,究竟童話故事在幾大程度上能影響小朋友?好在乎上述兩點。

 

最後,有一個更好玩既問題是,點解當初會有黑化版童話架?係咪癡線架?綜合我找到的資料,大概作者均想透過童話揭示世代險惡、彰顯人的性善。但係在香港的耶教圈中,唔好話醜惡啦,陰險少少既人性Shadow 都唔俾你知。在基督教的家長式管治幾乎一面倒的一言堂,甚至是掩耳盜鈴式的「你睇我唔到我睇你唔到」,「大家一齊睇佢唔到」,弱智之程度實在令人啞然失笑。但係,真係咁嗎?教會背後理念,就係培養一大堆對多元議題毫無抵抗能力的小小花,結果最後一出社會,要不就被世界的黑暗吞噬,要不就變成無腦耶豬。嗯,明了,所以唔怪得教會要繼續玩呢套啦,生產無腦耶豬先係終極目標呀,係我唔明咋正笨蛋…

 

關於作者:殷琦

殷琦
港大表達藝術治療碩士生、教院音樂教育碩士、港大主修中文中史。一舊蕃薯般的孤獨文青。做YouTuber、專欄作家(稿費...)、鋼琴老師、合唱團、作曲卻不懂用電腦編曲。總活在迷霧之中,怨氣太多,希望太少;與你和我一樣,在小小的香港同受壓抑、同唱悲歌、每天僅為生活掙扎求存。興趣在表達藝術治療、哲學、心理學、生活、音樂、藝術、政治、宗教等。小妹專頁:https://www.facebook.com/pages/YanKi/1002326119779241

則留言

閱讀後覺得好,請多多讚好及分享~:)

其他熱門文章

  • 今朝睇醫生我溝咗個姑娘 by 王歪歪
    感冒不癒,徹夜頭昏腦脹,一早連早餐都未吃,便求其找了間最近的診所看醫生。…
  • 譚順生只係一個將自己羞恥同妒忌發洩係旁人身上既懦夫 by 木人里
    儘管佢係鏡頭上點樣疼錫女兒、讚揚女兒,機場保安既一句說話,就將呢種虛偽刺穿。機場保安係傳呼機中講出一句「借個女上位既老豆」,赤裸裸咁講出左父親最心虛既野,最羞愧既野。事件既下文就好似大家所見,該名機場保安係收到投訴既第二日就被解僱了。…
  • 我們曾是最好的一對(SHESHE限制級) by 葉希林
    我認為自己與這個男人性愛不合(是性愛,不是性格,沒打錯字),那麼就換另位,試了幾個對手後,終於遇上阿輝。我不能說我十分享受與阿輝的性愛,但至少不抗拒。我喜歡他,是因為他什麼都體恤我,包括性愛。我記得第一次跟他上床,是在彼此喝得臉紅耳熱的時候…
  • 我還是太年輕了 by 麻雀
    一會,朋友們的酒杯已經見底,就招手叫來一個侍應。來的是一個年輕的啤酒推銷員,也就是我們說的「啤酒妹」。那個「啤酒妹」形像和我們在其他媒體接觸的一樣,妙齡少女,化着妝,穿着小背心,露出雙臂和半個背部,短褲,裸露的半條大腿,高筒高根靴。…
  • 多謝民建聯同新民黨,馬鞍山失去全日直出東九龍巴士嘅機會 by 達時製作 (On Time Production)
    黃泥頭居民當然開心啦——出去東九龍有兩條線,非繁忙時間又可以繼續搭89D去馬鞍山。但馬鞍山居民呢?無人理過。佢地要繼續漫遊黃泥頭先至出到東九龍。呢萬幾個客嘅感受,有人去照顧嗎?…
歡迎讚好我們的facebook page,免費資訊源源送上。