政府「年少無酒」個廣告,算唔算成功?

 

第一次做街頭訪問,比起寫字,說話真係難好多。

最初我哋想法如各位網友評價一樣,呢個廣告搞乜嘢?好想搵一啲係咁笑呢個廣告嘅sound bites,誰知遇上第一堆小學生後,我感覺就變了。

「我有睇呀!我認得呀!」係我得到的大量訊息,小朋友唔洗教都記得首歌大概點唱,點問佢哋都話少少都唔鐘意飲酒,雖然我相信冇咩小學生會鐘意飲又苦又唔好味嘅啤酒,不過就咁睇,呢個廣告對於佢哋其中一群target嚟講 ,其實都算成功喎。

再到中學生,相對嚟講,佢哋就覺得呢個廣告冇用,原因就係,會飲就自然會飲,唔鐘意嘅,點都唔會飲,呢個就係我得出嘅comment ,亦係我相信最多網友覺得個廣告無聊嘅原因,畢竟中學生早就有自理能力,食煙都有啦,何況飲酒?

仲有多一個target嘅對像就係啲成年人呀,長者呀咁,通常唔少老屎忽都似乎好鐘意隊啲細路飲酒,但原來實情係,以前會隊人飲酒嘅老人家都老喇,仲講咩飲酒呀,一齊食飯都夠啦。咁係咪冇啲叔父伯隊細路飲酒呢?有~不過都係嗰句,牛唔飲「酒」唔按得牛頭低。

當然呢個廣告同人講好重要嘅信息係,太細飲會飲壞老,呢一點我個人覺得係冇好好體現到嘅,因為小朋友飲唔飲,其實都好睇個家長,而喺廣告上亦冇好好引導中學生同成年人,個人覺得最敗北於此。

但以上嘅睇法,當就街訪就未能詳列了,而且我哋呢班出哂嚟做嘢,成日要出席啲圍威喂飯局俾上局迫飲酒嘅成年人,當然自不免覺得呢個廣告無聊啦,但係咪真係咁冇用,我又真係覺得未必。

 

 

關於作者:Sunshine

Sunshine
無限的宇宙裡,人和物質的山,水,遠村,雲樹,又如何比得起?然而人的思想可以超越到太空裡去,它們卻永遠只在地面上。《山中雜感》--冰心 FB PAGE: 陽光燦爛的 Sunshine

則留言

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。