如果同性戀係上帝對教徒嘅最後試煉,有幾多個教徒會落地獄?

 

 

呢排《美女與野獸》真人電影版加入咗一同男男同性戀及相關情節,令到不少基督徒、家長乜乜物物咁,企出嚟話好不該,唔可以有呢啲情節,破壞幻想童話之類之類。而人獸交(往)呢部份大家都唔覺有乜問題,即係上帝比人屌驢仔閪,唔比人磨豆腐同做屎 FUCK 鬼?點都講唔通呀?

最好笑係,睇完同性戀情節就變同性戀,睇完犯罪電影咪變殺人狂?

柒少兩秒當幫忙,唔好拉低成個世界平均智商好唔好?

但係有一日,我轉個頭諗咗陣,如果同性戀係上帝比世人最後嘅考驗呢?

首先,根據基督教同天主教教義,上帝創造每一個人,而上帝對每一個人都有佢嘅計劃。簡單啲講,上帝係你大佬,你係佢手下,總之佢派咗任務比每一個手下,差在幾時做同點做。

如果上帝係咁,要知道有一種病叫性別不安症(Gender Dysphoria),性別認同障礙(Gender identity disorder,GID)。即係一個生理係男性嘅人類對自己生理係男性感到不舒服,喺心理上認為自己係女性或者其他性別。咁上帝做每一個人,又對每一個人有安排,咁係唔係上帝玩鳩佢?

可能有人會話,同性戀就係上帝對同性戀者嘅考驗,佢哋應該要堅持上帝一男一女嘅安排,有信念就得啦!好啦,我當係啦。咁點解又唔可以一物二用,考驗班教徒呢?

冇錯,同性戀就係考驗你班教徒有冇「大愛」,神愛世人,係「世人」「世人」「世人」,唔係神愛教徒。如果神只愛教徒,當初佢唔洗派耶穌落嚟釘佢十字架啦。神嘅大愛,應該係包括地上一切生物,一切造物,包括同性戀。

上帝創造同性戀,可能就係為咗睇你班教徒有冇呢種大愛,愛上帝一切造物。而有幾多人做到?

教宗方濟各做得到,2013 年佢為同性戀者同跨性別戀者祝福。

我都聽過有神父牧師話,要包容同性戀但不鼓勵。我就想問,佢哋知唔知「包容」呢個字係點解?就係一個人比另一個人更高級,不論係知識上教養上各方面,比另一個更高層次,高層次嘅人就要體諒另一個未被教育或者層次較低嘅人,呢個就係「包容」。由幾時開始教徒係比其他人高級?

「天在人之上不造人,天在人之下不造人」

神愛嘅係世人,幾時開始呢班友仔覺得自己可以有資格去包容其他人?呢個無關用乜語氣同場合,而係呢一種未經思考就係用字上面表露嘅自我優越感令我感到噁心。而就教徒角度睇,天上天下只有上帝有資格包容世人。

退一百步,唔好話人類同性戀,大自然都有同性戀存在,比如海豚同企鵝咁,都有同性戀同戀屍癖。我之前睇過一個報告,話海豚係族群男女不平衡的情況下,為咗保持同族嘅心理健康,會主動變成同性戀,直到遇到另一個族群為止。

咁同性戀呢個概念,會唔會就係上帝比世人最後一個考驗呢?

而上帝一早就比咗解決方法佢嘅教徒。

愛你的敵人如愛你的弟兄。

而有幾多教徒不停向同性戀者宣揚自己嘅憎恨?有幾多人聽到讀經班斷章取義就出嚟話上帝懀恨同性戀?而有幾多人真係記得上帝造每一個人,又對每一個有佢嘅安排?

又有幾多人記得,上帝係大愛,係愛你嘅敵人如弟兄?

懺悔吧,宣揚憎恨的教徒。

 

 

關於作者:Tabristory

Tabristory
文壇小賤人Tabristory

則留言

閱讀後覺得好,請多多讚好及分享~:)

其他熱門文章

  • 我一直以為我們是十年好兄弟,但為甚麼去旅行你要帶安全套? by 蚊子
    十年了,我們之間沒有曖昧,更沒有愛情。我們就像人們所說的那種不存在的男女之間純粹的友情,我們會吵架、會打架、他會跟我說如何「搞掂」那些女仔,我會笑他賤格⋯⋯我們什麼都能分享,無論相處多久都覺得只會是「哥們」,他也曾經向我爸爸敬酒:「uncl…
  • 識揀另一半,人生已經贏左一半。 by 窮家有道——窮一生
    其實呢個題目我想寫好耐,因為講到理財,其實係一件終身事業黎。我教你開支點減都好,都係一時既野,個個人既生活節奏都唔同,套武功都要有所變化。一項咁漫長既任務,當然係由陪你最長時間既人開始!老豆老母冇得揀既,好似窮生咁,出身係單親家庭,家母唔係…
  • 烈女 by 亞愁
    聽説她三十歲那年嫁了個青年才俊,不夠兩年就離婚了。我記得她說過,女人一定要在三十歲前嫁一次,結果她做到了,儘管婚姻是如此的短暫。…
  • 偷食的人有難了:我用GPS追蹤男友(一) by B612
    從來都唔會主動講密碼俾我聽,就連喺我面前解鎖手機都會遮遮掩掩。唔係身有屎嘅,怕咩俾人知?佢越係神神秘秘,我就越覺得佢想要嘅,唔止係私隱咁簡單。果然,一齊咗未夠兩年,就發生咗一連串令我哋無辦法繼續一齊嘅事………
  • 偷食的人有難了:我用GPS追蹤男友(三) by B612
    有時有啲嘢就係咁。你以為自己距離做個壞人、變態佬、或者跟蹤狂好遠,又點會估到有一日,你會歇斯底里地不停check自己男朋友嘅所有電子用品。…
歡迎讚好我們的facebook page,免費資訊源源送上。