如果蘇軾考DSE

 

拿,教育局班友就戇居居嘅,如果啲大文學家生不逢時,生着係香港,又要去考公開試,咁唔好話做作家,書都無得佢地讀添呀。今日先講下宋代豪放派嘅蘇軾,乜乜乜「明月幾時有,把酒問青天」(水調歌頭),「大江東去,浪淘盡」(念奴嬌),中學都一定讀過,不過佢最勁嘅,其實係呢篇文——

佢細細個考試嗰陣,作左篇《刑賞忠厚之至論》,入面有個咁嘅例子︰話說以前有個大法官叫皋陶,佢判左個罪犯死刑,之後堯帝話大和解特赦個罪犯。咁皋陶又唔gur喎,咪剩剩雞捉佢返嚟判多次死刑囉,但又咁唔好彩畀堯帝知道,佢又行使特權赦免佢。如是者,皋陶定左三次罪,堯帝赦足三次罪。蘇軾就用呢個例子,論證刑賞重寬,寧縱勿枉。

其時班主考見到都突左一突,心諗點解個例子我地飽讀詩書都未聽過。當時又未有google神,佢地就三口六面搵蘇軾問清楚啦︰「喂細路,句嘢有無reference先,footnote識唔識落呀你?」點知蘇軾聽完之後,就大笑左幾聲,然後講句「想當然耳」。譯返做廣東話即係︰「無呀,我作架炸。皋陶係釘官,堯帝又係仁君,一個殺人一個放人,好正常啫,估都估到係咁啦——一定係咁,除非唔係。」

嘩大佬,咁即係吹水啦,考試唔背例子入場仲要老作?考評局班友實肥硬你,下年請早啦廢青。但歐陽修班友就開通啦,話呢條友雖然係老吹,但又吹得合情合理,有膽識有諗頭,咪頒左個科舉第二畀佢囉。(本應係第一嘅,因為嗰時係塗名考試,用而家講法,即係份卷只得考生編號,見唔到學生名。主考歐陽修驚份卷係佢大弟子曾鞏嘅,容乜易到時被人話黑哨,咪特登將最好嗰份排去第二名。點估到,原來份嘢係蘇軾寫嘅。換着係用人唯親嘅香港,就無呢支歌仔唱啦。)

咁考評局班友,認為事實勝於雄辯,存在就是合理,吳克儉仲未落台,一日係局長,一日都係好人呀。

 

 

關於作者:賽德克

八十後,以讀書睇戲為樂。

則留言

閱讀後覺得好,請多多讚好及分享~:)

其他熱門文章

  • 中學時,唔准我拍拖;工作後,唔准我單身。你到底想點呀? by 高教授
    「Ranee,琴日放學個時我見到你同隔離班個個阿 Sam 拖住手喎,你點解釋呀」解釋?與男同學拖個手都要解釋?要不要好像參觀完博物館之後那樣寫個五百字的感想,描述自己在過程裡學到的知識和深刻的體會呢?「你無說話好講啦嘛?好,我同你家長講」…
  • 人失敗到盡頭總要學會打飛機 by 田小姐
    我呢位朋友,大學畢業五年,一個月前搵到一份寫字樓工,月入唔夠一萬。早幾日成班朋友約出黎食飯,呢位朋友就話佢想辭職唔做,自己搞生意。我心諗,搞生意?你連自己嘅生活都未搞得掂喎!於是我就問佢:「你份工好哋哋做咩唔做呀?」佢「唉」左一聲,話:「我…
  • 【塔羅個案】個客自我介紹:「我覺得我係一個情場殺手」 by 神婆
    Lilian今年三十幾歲啦,佢都好直接咁同我承認「自己都唔細,唔係𡃁妹仔」,想知道自己黎緊一年到底會唔會遇到好姻緣,再順手問埋工作情況咁樣。我一路洗牌,一路循例問下Lilian嘅背景。「妳做邊行架?」「我本身做PR嘅,不過⋯⋯」Lilian…
  • 「我想結婚之後先搞,有錯咩?」 by 樂人
    點會有錯呢,我覺得堅持係好事,o岩架,千其唔好俾佢得手添呀,唔係好快趙完鬆!VV,你要醒水!呢啲咁嘅臭男人,我仲見得少咩!…
  • 周庭英文叻但冇品 by Terence Yun
    重點是取笑所謂人家的不足,是無品的。英文叻係咪一定好威呢?香港人還停留係黃子華楝篤笑當中英文叻是世界第一的境界,英文好就高人一等。所以為何食洋腸、ABC以及這麼多人要做偽ABC就是這個理由。…
歡迎讚好我們的facebook page,免費資訊源源送上。