香港啲FB PAGE 除左識抄,仲識咩?

 

大家近排係各院校、旺角、銅鑼灣都會見到好多人做訪問,問埋你啲鳩問題再擺你上FACEBOOK。呢啲一次咪好玩,但當什麼垃圾PAGE都開始做既時候,你就知香港玩PAGE啲 人係幾垃圾。100毛做第一次咪好玩,STAAK做第二次都叫尚可接受,第三次其他PAGE做就簡直係狗都唔睇。仲要愈黎愈低質。香港公關可唔可以有創意少少,以下不如由街拍到問問題講下有幾痴線。

係前一排未興問問題果陣,各大PAGE不論係講開著衫既定講剪頭髮既,都紛紛彷效其他PAGE去各大專院校到搵人街拍。一開始都幾好睇,去DI呀 POLY呀,但慢慢開始唔知係咪冇左專業評審,啲人連原宿系同MK都開始唔識分,再去到連肥婆都可以拎黎影係咩玩法?小賤貨唔係咩靚仔,都遇過幾次街拍,但有次係樹仁,有個明明係講剪頭髮既PAGE都係到捉人街拍。小妹明明著件HOODIE加條有窿既牛仔褲,咁都可以影一餐。好啦已經夠低質,但呢樣野就捉到班學生仔既心理,覺得自己好FASHION。到出左段片,明明冇人睇,得自己一個SHARE。佢咪有LIKE有COMMENT囉。但你有LIKE又點?你個PAGE都唔係做緊你要做既野,有意思咩?COME ON 比啲創意OK?

好啦,唔知由幾時開始,係條街到問問題變左每一個PAGE都要做既必需品。OK冇問題既,但又唔係問D關於你個PAGE主題既野。有D直頭拎部電話加個咪就落街問鳩問題,傻的嗎?一直都睇某補習社PAGE好唔順眼,唔知幾時開始佢地會SHARE埋D剩係博LIKE AND SHARE既野。例如最近各PAGE就最興SHARE美國有啲英文名已經十年冇人改,快啲TAG你個絕種老土FD出黎啦。WHAT?你咁樣做同啲 CONTENT FARM係冇分別,比啲冇內容既野洗大家版點解大家唔嬲?講番正題,呢間補習社之後見人地問問題幾多SHARE就開始成日係旺角捉啲中學生問野。但內容係完全冇營養、冇深度,只係拎黎博LIKE 同SHARE既野。例如係咩你童年小食呀、LAST DAY好感動呀、改過咩同學花名呀咁。你係一間補習社既PAGE黎,你係到做緊咩?我睇你個PAGE只係見到一堆呢啲野。

可能你會話,有咩觀眾就有咩PAGE,但如果個個PAGE都做到一模一樣,我睇你個PAGE做咩?抄黎抄去有意思咩?咁多位公關你地就算抄都唔好抄得咁冇誠意,嘗試下更加多既新玩法,諗唔到咪由問題開始著手改變,一係就由受訪者開始變。我地已經受夠每一個SELL唔同樣既PAGE用呢D方法博SHARE了。香港人係咁冇創意架咩?

 

 

關於作者:歷史系小賤貨的日常

歷史系小賤貨的日常
筆者集GAY佬、賤貨、劣筆、廢青於一身。如文章有害,概不負責。

則留言

閱讀後覺得好,請多多讚好及分享~:)

其他熱門文章

  • 我一直以為我們是十年好兄弟,但為甚麼去旅行你要帶安全套? by 蚊子
    十年了,我們之間沒有曖昧,更沒有愛情。我們就像人們所說的那種不存在的男女之間純粹的友情,我們會吵架、會打架、他會跟我說如何「搞掂」那些女仔,我會笑他賤格⋯⋯我們什麼都能分享,無論相處多久都覺得只會是「哥們」,他也曾經向我爸爸敬酒:「uncl…
  • 烈女 by 亞愁
    聽説她三十歲那年嫁了個青年才俊,不夠兩年就離婚了。我記得她說過,女人一定要在三十歲前嫁一次,結果她做到了,儘管婚姻是如此的短暫。…
  • 我寂寞,所以才會想抱一個中三畢業的男人? by 葉希林
    忽然,我收到Mark的一條短信:「今晚得唔得閒出嚟食餐飯?」Mark就是我之前的健身教練,30歲,高174厘米,中三畢業。上次,我跟他在旺角吃完油炸鬼,我以為我們之間有過的丁點兒火花都一併炸光了,還有待續?中秋節那晚,我說不要因為寂寞而搞著…
  • 識揀另一半,人生已經贏左一半。 by 窮家有道——窮一生
    其實呢個題目我想寫好耐,因為講到理財,其實係一件終身事業黎。我教你開支點減都好,都係一時既野,個個人既生活節奏都唔同,套武功都要有所變化。一項咁漫長既任務,當然係由陪你最長時間既人開始!老豆老母冇得揀既,好似窮生咁,出身係單親家庭,家母唔係…
  • 每次搭巴士,我都見證緊後生仔嘅悲哀 by 擇言
    坐喺位嘅阿伯,企喺走廊中間嘅阿叔,喺間口僅僅上到車嘅中年人,心入面都喺度諗:「抵死啦你哋班死廢青,咁唔努力梗係上唔到車啦。」…
歡迎讚好我們的facebook page,免費資訊源源送上。