成萬蚊一個 post 喎

圖片來源

 

我記得有一次我同朋友講起我想做某啲嘢,推廣、介紹一啲大眾唔太認識嘅事物同概念,朋友第一個反應係話「好難推㗎喎」「你一定要做到有 noise 㗎喎」「一定要有圖」「要有片」,諸如此類。然後我話片唔片圖唔圖係要有,但概念係最重要,內容係最重要,唔想好似某些熱門 pages 咁。朋友一句就話:

「佢而家收緊一萬蚊出一個 post 喎。」

望到近日某些 pages/ ig 用戶就某些都幾專門嘅知識喺到爭拗──其實都唔算爭拗,係其中一個以好多靚靚相去營運社交媒體嘅一方有好多概念錯晒,另一方就開火鬧佢咁──,我就覺得而家社會媒體真係令整體社群越用越蠢。

好多人,尤其是做市場策劃,推廣,或者啲「潮人」,呢個時候一定會以九秒九速度衝出嚟話「無蠢嘅媒體,只有蠢嘅人」「呢個係世界大勢,一定要跟阿彌陀佛」「個個都係咁」「唔中意就咪撚用」「用又要屌正仆街」,諸如此類。其實每個人生活習慣都有好多蠢嘢,但係描述一樣嘢會唔會令人更蠢,或者一種趨勢係咪客觀地存在,係一件好客觀,好描述性,好中性無喜無惡嘅事。

呢個的確係事實,由 Facebook 開始,配合上網速度越來越快,大家向住「文>圖>片」嘅方向「演化」,而要呃 like 呃知名度,就越來越同「概念」「內容」無關。呢個係鐵一般的事.實。

因為圖同片比起文字,更容易可以遮掩到內容同概念嘅空白與謬錯。你可以拍到一條好多特效,好多特別場景嘅片,令人印象好深刻,但你傳達嘅概念可以係錯啲基本嘢,一樣可以令條片爆紅,圖就更加,咁多 filter 咁容易有高水平嘅相機(手機),加個靚靚模特兒,要人留意真係比以往用文字「深耕細作」難好多。

要注意(各路磨拳擦掌準備批鬥我以偏概全嘅網絡范進留意),我唔係話「圖同片」嘅形式「本質上」就「必然」係空洞無物,我係話,「圖同片」嘅形式「更容易」將「無料嘅內容」包裝成「好令人入腦入耳入心嘅內容」。如果你係有料,有概念,有立場,有資料的話,用圖同片嘅方式又表達得好,當然係事半功倍。(然後網絡范進又準備話,我都知啦使鬼你講咩,咁)

近日嘅果啲爭拗(好似係有關行山知識,山野知識),就正正係咁。搵個靚模特兒影啲靚相,求其左右拼貼下啲網上材料,likes 數上升,嘩又有廣告商叩門喇,有錢收呀,「成萬蚊一個 post 」不是夢,有錢唔通唔搵?內容?精進自己?WHO FUCKING CARES AND WHO FUCKING GIVES A FUCKING SHIT?

我諗呢樣嘢先真正令我唔舒服,就係大家個風氣(風氣也者,大圍嘅印象感覺也)好似變咗「唔使追求件事情本質㗎,有錢搵有市場有「公關」就得㗎喇」咁。再戴個頭盔,我都話,我絕對唔認為而家「所有人」都唔注重事情本質,搵一樣嘢來精進研究,我係認為,而家風氣上多咗人因為想要出名同搵到錢,然後就透過圖同片呢類方法去遮掩自己無料,搵一條快速成名嘅捷徑,搵到錢就得,「成萬蚊一個 post 唔通你唔做?」,背後係咪真係想推廣專業知識?唔係囉。

咁按照香港網民果種犬儒、消極,呢個時候肯定又會有一大班人狗衝出嚟話「搵錢無罪」,「目標明確,手段無犯法,你做乜又批鬥佢哋」,我而家唔係話佢哋做錯喎,唔係話佢哋有罪喎,我甚至亦唔會由我口中話佢哋推介錯嘅知識畀人會害死人(其中一個爭拗點即在於此),我係單單想指出:呢種網絡資訊嘅風氣,係會助長咗一啲表面化,得個殼嘅東西。既然網上的世界是平的,呢個現象就必然係世界通行。但係!香港本身已經速食開,一味講「公關」、「宣傳」多,配合埋呢股圖加片繞過專業知識嘅風潮,遺害就更.加.大。

因為如文首所述,當我話要推廣一啲相對專業嘅知識時,香港人嘅反應係「吓無圖無片無女無J圖?你點出嚟撈?」,同埋成功嘅 page 係要譁眾取寵拎到成萬蚊一個 post 先叫成功。即係意味住大家到最終嘅目標根本就唔係要推廣咩知識,鑽研咩手藝,帶啲咩嘢概念畀大眾,而只係好單純嘅「玩 FACEBOOK 都賺到成皮嘢一個 post」。

咁啲犬儒網民,上網范進又當然可以引用黃子華名句「香港核心價值:搵食啫,犯法呀」嘅,咁你就咪再怨咩香港啲唱片舖執得一間就一間呀,香港啲文化、手藝被大陸人取代呀,香港建立唔到本土意識呀,之類啦,搵你嘅錢啦。成萬蚊一個 post 呀,狗衝啦。

 

關於作者:林非

離經,不欲縛於經書舊說,欲自成一家自成一經。八十後,以追求人生自由之道為己任。

則留言

閱讀後覺得好,請多多讚好及分享~:)

其他熱門文章

  • 【塔羅個案】有個客為咗受男人歡迎,走去養狐仙 by 神婆
    Rebecca唔算係一個好精明嘅女人,佢做侍應嘅,但因為唔識英文,所以黎黎去去都係喺啲大財團連鎖店度打工。佢本身外表唔算特別標青,年紀都唔係青春少艾;偏偏對愛情仲有好強烈憧憬,渴望壯健、俊美嘅肉體同外表,「咁我先有安全感」,佢咁講。…
  • 【真人真事】現代名妓嘅完美經營模式 by 阿標
    佢一心想做雞,都係想多啲錢去多啲日本,但佢想做雞之餘,又非常揀擇喎,咁點算呢?佢就諗到一個「以服務換服務」既經營模式:橫掂都係去旅行,佢就用旅行去做交換。你只須要提供來回機票,基本食宿,佢就提供性愛服務同拖手仔行街街。而最鬼馬地方係,朋友S…
  • 【真人真事】識到個唔會去蒲既女朋友,其實已經好好 by 熱豆腐仔
    男女之間拍拖,點都會有嘈交既時候。 而好多時都係基於對方同異性有懷疑過份親密既行為,好似成個醋罈子打爆左一樣,成地酸味湧上心頭 。//除左舊知已舊朋友舊同學舊同事之外,往往出現最多異性既,就係Party或者酒吧。…
  • 【重口味真人真事】禁室 · 幼齒 · 血紅色 by 陸子瀧
    AV女優將會長駐在互聯網上,不會消失。…
  • 有咩好得過有馬紀筠做女朋友? by 毛言地
    講外表唔係差,甚至有一種睇片仲靚過睇相嘅感覺(嗱,你唔好話我知你冇睇過),而且一個喺床上面配合度咁高嘅女朋友,冇邊個男人會討厭。講真吖,好多女仔連含都未必肯,仲話要拍片?你今晚準備定瞓廳都可以。你話我咁諗好膚淺咩?有幾多個女仔大叫碧咸靚仔同…
歡迎讚好我們的facebook page,免費資訊源源送上。