如果有機會,你會唔會去偷食?

 

「今日有同事問我如果有機會,我會唔會去偷食。」Mike說。
「咁你點答?」女友Brenda說,並心想這個傻佬一定會答甚麼寧死也不會偷食的答案。
「我話好難講,我都唔肯定自己會唔會偷食。」Mike平常地說。
「咩話!?」Brenda說,內心已即時把生平所學的粗口組合起來隨時爆發。
「但我會喺呢個機會出現之前就阻止,絕對唔會畀自己陷入呢個處境。」Mike說。
「邊有得阻止,如果突然有個索過鄧月平嘅女仔飲醉酒然後叫你送佢返酒店咁點吖!」Brenda怒火中燒地說。
「癡線,邊有可能呀哈哈!」Mike笑說。
「咁如果有個男同事咁問我,我好似你咁答又得唔得?」Brenda說。
「梗係唔得啦!」Mike說。
「你又係咁雙重標準!大男人!自私!你就乜都得,我就乜都唔得,你覺唔覺得自己好過份?我對你好失望!」Brenda說,便頭也不回地走了。

其實Mike只是閒話家常地與女友分享平日與同事的對話,從沒想過會演變成星球大戰。明明第一天上班已向同事宣佈自己有女友,平日趕著下班也是為了見女友,所有事都以女友為先,這次本想表達自己平日已很自律,連令自己偷食的機會都一一阻止,卻不知那裡出了錯,誤中地雷而被炸得粉身碎骨,實在大惑不解,唯有向朋友阿輝求救。

「我明明咩都無做過,女友就嬲咗我,我都無偷食,佢就當我食咗,女人嘅幻想小宇宙真係好得人驚。」Mike嘆氣地說。
「你真係傻,邊有人會咁答,女人好簡單,你答啲佢鍾意聽嘅嘢咪算囉。」阿輝說。
「如果我答我一定唔會偷食,你唔覺得好假咩?就等同啲人成日講我永遠愛你一樣,根本無人可以保證到永遠。」Mike說。
「你唔好再講到咁深喇,總之你記住女人淨係鍾意聽假嘢,越假越好。」阿輝說。

至於Brenda,當然也是氣上心頭要找人發泄,於是也找了好友Crystal傾訴。

「佢竟然話如果有機會都唔知自己會唔會偷食,你話嬲唔嬲吖!?」Brenda說。
「佢不嬲都對你好好㗎喎,又緊張你,點會偷食呀,頂多話佢傻囉,用字用得唔好。」Crystal說。
「唉,可能係我自己有陰影啦,覺得佢又會好似以前嗰個賤男咁偷食。」Brenda說。
「前人嘅錯係唔應該由而家嘅人嚟承受。」Crystal說。
「其實冷靜啲諗,佢又真係唔似會偷食嘅。」Brenda說。

兩個人相處總有誤解的時候,吵架亦是正常不過的事,最重要是冷靜過後願意與對方溝通,往往都會發現只是小事一宗。女人請記著行動永遠重要過花言巧語,而男人則要學習語言藝術,你懂的。

 

 

關於作者:小盛女

小盛女
80後中環打工妹,誓要追求work life balance的生活,並當一個幸福的食家。FB PAGE:https://www.facebook.com/littlevibrantgirl

我有回應

則留言

閱讀後覺得好,請多多讚好及分享~:)

其他熱門文章

  • 如果你令女兒相信自己係公主…… by Dr. T
    我們先不要討論好男仔存在與否,姪女我見過,全面每部位都有幾粒暗瘡另加單眼皮/扁鼻/冇眉娘呢個組合相信好難歸類為大美人。特別的地方是姪女非常了解自己是叻女這個道理,所以亦對號入座地認為自己不是張愛玲就是林燕妮,最愛用organic香薰油自硏手…
  • 劣質調情 by 文士琛
    當初我一直以為他們都是單身的。為什麼?因為他們每天都在肆無忌憚地打情罵俏。我公司陰盛陽衰,眾女的焦點都落在一個叫阿臣的男同事身上。阿臣二十多歲,外形普通過普通,而他的確是那種日夜碌著手機追趕潮流玩意一有空就睇波賭波的典型港男。作為一個adm…
  • 「我老豆叫我delete左個facebook account」 by 宇治金時
    「老豆其實都係一個月前先知道有facebook呢樣野。佢根本跟唔到個時代,更加唔知我諗乜,或者呢d就係所謂既generationgap啦,唔了解,唔願意去了解,郁d就想將d野由有變無,佢話無左就無發生過,即係唔存在喎。煩野點可以唔存在,唔s…
  • 【辦公室之男親女愛】如果有人匿名打上公司 HR 爆料揭發奸情,你會點做? by HR 扮工週記
    話說有一日小編收到一個電話,電話另一邊嘅男人自稱係匿名嘅爆料男。佢話公司嘅家英哥同道德妹有奸情,仲話家英哥已經有家室,係唔應該咁做,所以想我哋人事部阻止佢哋繼續錯落去,仲話家英哥個老婆都知道左,隨時會上黎公司捉奸………
  • 偷食的人有難了:我用GPS追蹤男友(一) by B612
    從來都唔會主動講密碼俾我聽,就連喺我面前解鎖手機都會遮遮掩掩。唔係身有屎嘅,怕咩俾人知?佢越係神神秘秘,我就越覺得佢想要嘅,唔止係私隱咁簡單。果然,一齊咗未夠兩年,就發生咗一連串令我哋無辦法繼續一齊嘅事………
歡迎讚好我們的facebook page,免費資訊源源送上。