香港人的審美觀:是咪個個都眼殘?

(photo via cc Flickr user james j8246)

 

我只係想輕輕討論一下d港女既post相文化,所以呢篇文我都係用返廣東話寫,感覺到肉d。

講真,我真係好唔明點解港女咁鐘意影相,妳地影相正正常常都算,但妳地偏偏就係影埋d連妳媽咪都認唔出係妳既相,究竟是為乜?近年既p圖app層出不窮:p大對眼既有、整大對波既又有、拉到九頭身既又有。有一次我無聊禁下ig,見到一個「人」對腳好長,真係長到好似長頸鹿中左輻射頸既長度生左係到腳到咁,真係長到好唔合乎比例,但我想講既重點係:竟!然!有!人!like!

D港女自以為好靚好索都算啦,但我好想問點解仲有咁多男士要助長呢種歪風?其實你喺ig禁個心心俾佢,到底真係發雞盲地覺得相中果位人士好正,定欣賞緊人體工學有幾奧妙?你明唔明啊,香港就係有你地呢班hihi係到亂9咁俾like搞到d囡囡一個兩個以為自己點p圖都無問題啊!

有d frd化妝化到乜咁,執相又執到咁乜,好似自己今日唔出post呃like會死咁款,然後又真係拎到有好多like啵。我堅係好好奇,到底呢班like人既男士有無見過事主真人架?見過嗰d你知唔知地其實係幫兇行騙啊?未見過嗰d仲衰,好心你地唔好咁無自尊乜乜柒柒都like一餐,如果第日你發現你一年365日都stalk住俾緊心心既女神原來係一件豬扒,你點接受佢呢個真面目,你點面對你自己?

好多時候,d港女仲會跟足snapchat興起既風氣又用d唔知咩app黎自拍,影到卡通人物咁樣樣,又有狗耳狗鼻又申利乜乜乜懶係好可愛咁。妳地post張咁既相,我連妳係相中邊隻狗都分唔到,仲好笑過當年d貼紙相。其實點解要加咁多呢d filter呢?有無咁唔見得人?有既妳不如唔好影黎自欺欺人。仲有,妳影相既原意唔係要為左留為紀念咩,咁妳張相再執再唔同都起碼要同妳真人有返60-70%既相似程度啊唔該,否則妳張張影既樣都貓啊狗啊家禽啊咁合家歡開動物園咁款,第時妳俾妳個孫仔睇妳ig佢有咩感覺?

我始終覺得張相同真人可以完完全全割裂既嗰d「𡃁相」,我地係唔應該like,sor9,好心妳地咁唔鐘意自己個樣妳地就唔好一日影到黑又要整到無人認得妳,妳地用咁多時間黎draw attention,但其實draw左係一個你親手p出黎既虛擬人物到是為左乜?得罪講句,妳地不如睇多d書啦。

香港人真係好豬,明明俾正苦俾財團朝九晚八咁強姦住,仲咁有mood執相。日日有咁多事發生緊,世界又有咁多值得關注既事,妳地班港女實實在在睇下新聞讀下書得唔得架姐?唔好得個扮字,影完張偽文青相呃完like就拋低本書,妳有咁多時間執到自己似異形咁點解唔試下增值自己?d男士都係,唔該你地心甘情願做兵既同時都揀返個真係有返少少修養、有返少少內涵既女神先入伍得唔得?唔好求其貓啊狗啊都追一餐,到頭來就變左你地呢班仔幫佢地通街跪低揸機影一百萬張相都唔夠做啊,點解會咁?因為karma is a bitch。

唔好再影響香港市容啦求下你地。

 

 

關於作者:屙屎靚女

屙屎靚女
Fresh grad 無無聊聊寫下文呻下人生。Facebook Page係https://www.facebook.com/shityourpantspretty/

則留言

閱讀後覺得好,請多多讚好及分享~:)

其他熱門文章

  • 可否停止歌頌微胖女肉肉女但係貼大波妹? by 白木乩
    其實呢,可唔可以收皮呀?點解唔直接話自己鍾意大波先?鍾意大波無罪架啵。…
  • 英超亞洲挑戰盃後,我唔會再喺香港睇波 by 佚名
    當日利物浦球迷佔壓倒性數量,但行為令人為之側目。當日首場賽事由水晶宮對西布朗,比賽至80多分鐘,南翼看臺球迷居然唱起利物浦會歌!!…
  • 致肥西:男人鍾意微胖唔係淨係鍾意大波呀! by 肥西殺手
    正常講嘅微胖係相對於過瘦而言,話微胖OK係因為女人心目中嘅瘦根本係一個黐總掣嘅水平。女人對瘦嘅定義好多元,黃子華廿年前講嘅「瘦即係瘦減十磅」早就out晒。女人嘅瘦係要:①手臂幼,冇拜拜肉②小腿好似想斷想斷咁幼③背脊要冇肉④個肚冇腩肉⑤大髀唔…
  • 有啲女真係一出聲就知係冇腦。 by 毛言地
    正所為人不可以貌相,就算打扮再MK再摟屌都好,佢為人都可能係正正常常,識落就唔會覺佢有咩問題。但講嘢寫嘢真係冇得呃人,就好似話成班人喺餐廳齋坐(三個定八個食嘢都好啦)仲要屌返人轉頭嗰位「靚女」咁,一見佢嘅語氣同用字就真係完全幫唔落手。…
  • 【hehe】與初戀的「第一次」——又唔係真係咁痛 by 歷史系小賤貨的日常
    我知道我好鐘意呢個男仔,係去到我會想試下,究竟第一次係咩感覺。過往同其他男仔都唔會做全套,因為好想留番比一個好鐘意好鐘意嘅人。果時就諗定左係佢了。佢一月生日,我地諗左好耐究竟去邊玩好,見我未試過去長洲玩過夜,我地就準備BOOK間渡假屋去玩一…
歡迎讚好我們的facebook page,免費資訊源源送上。