我係一名視光師,今日我呃左我個客. . . . . .

 

( photo via cc Flickr user Yutaka Seki)

 

有時候,做一個好既視光師真係好難~

上星期有個七十幾歲既伯伯黎配副行街用既眼鏡,佢話跟番E個度數就得架啦,
我幫佢驗完,真實度數淺左一百七十五度,俾佢比較完,
由本身得三四成左右視力,去到有七成左右視力,
但佢堅持要配番舊度數,
原因係佢戴左五十幾年眼鏡一直都無變過仲好清楚,佢自己知自己事~

最後要同佢講話配番舊度數俾佢,
但係做番調整左既新度數俾佢,結果佢攞眼鏡個陣好高興,
話我俾佢D鏡片靚,所以清楚好多舒服好多~

其實,人年紀大左近視度數真係有機會淺番架,
但當然人人唔同,有D人完全唔會淺,
有D人淺成二百幾度都有。

同埋唔知由幾時開始,好多人都會專家上身:
我覺得自己係深左散光唔係深左近視、
我得五十歲咋一定唔會有白內障架隔離陳伯五十六歲都無、
我無近視同老花架因為我日日都有做護眼操……

請相信我們的專業,好嗎?

 

關於作者:男視光師

真係視光師,真係男人,仲好靚仔添

則留言

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。