我唔信唐詩詠零死角

 

 

前陣子,我在電視上見到崔建邦,幾乎想不起這傢伙曾與當紅花旦唐詩詠拍過拖。

無論旁邊是崔建邦,還是洪永城,大家都只覺得男的是渣男,女的幾乎零死角。男人都想有個女朋友像唐詩詠,唔管佢、唔check電話、唔使報到,佢話。

今天傍晚,我的好姊妹Elsie來電:「Tony同Natalie分咗手。」叫人英文名,你跟人家很熟嗎?仍在辦公室的我咬著百力滋回應「as expected」。當律師理應理性的她都不斷讚唐詩詠是完美女朋友,更引用麥玲玲師傅的話,說她個性純品,待人真誠,而且性格隨遇而安,不過份進取。TVB好嘢,大家中晒撒嬌毒。

我都覺得自己像唐詩詠一樣是個絕世好女友,前度在分手時都說:「你係一個好好嘅女仔嚟,應承我,要搵個比我更好的人。」但,佢講完我都心虛,我有幾麻煩自己和男朋友都明瞭。

有人話,崔建邦曾放話,說唐詩詠會打奪命追魂call,他接電話她才肯收線。嗱,跟前度拍拖前我最憎人奪命追魂我,但當了他的女朋友後,我按「重撥」按鈕按了好很多次。可能,Willis(我的前度)和Tony都忍咗我哋兩個好耐。當然,一個人對A係咁,唔代表對B都係咁。

你記得嗎?胡杏兒當年台慶獲獎也曾經多謝Bosco硬食她的「難頂」,我信應該真係好難頂,所以最後分手了。一個女人有幾惡,身邊的男人才知曉。但而家阿Phil好似同佢幾好,let’s see。

真係,唔好覺得洪永城一定係仆街嗰個,我唔覺得唐詩詠真係完美到咁。不完美才是正常人。不過,我好驚自己係唐詩詠,搞咁耐都未settle到,即使唔係完美,都係一個好女仔(應該係)。

祝福詩詠、祝福我自己。

 

葉希林Facebook專頁:https://www.facebook.com/ashleyip.writer2

 

關於作者:葉希林

葉希林
FB網址: https://www.facebook.com/ashleyip.writer2 // 有些人覺得我是S Ho(Super Ho - 很好),亦有人認為我是Asshole。但我還是逃過一劫,至少我爸爸不是姓何,否則一輩子被人叫Ash Ho,應該不好受吧!我有點瘋、有點喪、有點Mean,可以很「港女」,也可以很「狗公」。我的世界是個龐大遊樂場,我喜歡玩好玩的、看好看的、吃好吃的。// 專業推介:《冇料扮四條》、《如何防止另一半偷食》、《請縮開你那隻沾滿K-Y的手》及《女孩,妳真的要在公園親熱嗎?》

則留言

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。