冇所謂啦,大家都咁賤,打和啦Super!

 

唐詩詠係唔係貪錢既女人?咁洪永城又係唔係賤男?

唐詩詠同洪永城分手單野,最撚搞笑既係,個女既就係咁話要低調低調,低調完呢?就自己出黎見記者,又話要解釋又喊晒咁。喊?喊乜野呀?話自己原來唔係轉車,唔係因為識左一個有錢佬,先至飛洪永城,轉頭呢蘋果又有獨家猛料,話洪永城原來食緊唐詩詠果陣,中間有偷食女版達哥,先唔講洪永城係咪有眼疾又或者係觸覺有問題分唔到達哥有波冇波啦,我剩係睇到唐詩詠個反應都已經笑撚到坐左係度,佢話佢唔係貪錢既女人,而佢同果個有錢佬個關係係咩呢?根據蘋果話:

「首先我想講就係,我只係一個生日嘅聚會上我見到盧先生(盧啟邦),嗰張相喺一個annual dinner裏面,佢搵我影合照,同佢唔係話真係好熟,張相嘅由來,就唔再諗。點解要講到我係一個貪錢嘅女人?我唔係貪錢嘅女人,以前唔係,今日唔係,以後都唔係!」唐又稱在那個moment,「我係完全唔認識佢嘅,佢只係一個普通嘅朋友。」

「我係完全唔認識佢嘅,佢只係一個普通嘅朋友。」
「我係完全唔認識佢嘅,佢只係一個普通嘅朋友。」
「我係完全唔認識佢嘅,佢只係一個普通嘅朋友。」

你睇完呢句三次,你知唔知佢講緊乜撚野?仲有,個女人話要低調,個前男友又加把嘴:

Posted by 洪永城Tony的地球 on 2017年5月17日

 

其實呢,呢段說話,你話而家出面D私影呀,女model呀,ptgf呀,都一樣架咋。佢地咪又係「努力」、「付出」,「賺既錢都係辛勞賺返黎」架囉,你估對住D毒撚食得落飯好撚容易呀?呢D說話呢,就真係唔撚講好過講既。呢D位,扮咩好人?人地出相話你負心,就算以後佢揀咩人,都係因為洪永城係賤男,佢先斬纜。

 

 

講到尾,點解藝人唔撚會畀人尊重呢?一個藝人既賣點,係「拍戲既時候喊得出」,咁你真實生活既眼淚,都唔會畀人當係真既。如果你真係唔係轉車,識左有錢佬先飛洪永城,咁好簡單,你咪譴責明周作野囉?佢又唔敢呀?點解呀?冇既,都係想炒新聞上報紙嘛。慘?係呀,慘得過你窮?藝人,冇野畀人講,講完冇人理,先最撚慘呀。喊喊喊,喊多幾喊又有廣告又有代言,我都曉喊呀,屌。

 

關於作者:肥西

則留言

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。