「有冇睇神雕㗎?神雕嘅黃蓉好難頂㗎!」

 

我真係得啖笑。

首先,神雕嘅黃蓉個樣仍然係女神級,仲係武林第一美人,一啲都唔輸畀青春無敵嘅小龍女,仲要係生咗三個都係咁。

其次呢,大家喺神雕入面成日以楊過嘅角度去睇黃蓉,但係邊個係佢老公先?係郭靖呀!佢對郭靖好唔好?好到極點。點解佢要拆散楊過同小龍女?因為郭靖唔鍾意囉!因為老公唔鍾意而仆心仆命去做一樣嘢,到最後更加陪住佢喺襄陽城死,仲要臨死前都要千方百計鑄造屠龍刀、倚天劍去留低反元復漢嘅資本,佢咁做係為咗邊個?咪又係郭靖!

所以話,黃蓉作為老婆其實真係世界級,只係唔好畀佢做你伯母囉!

但係啲人係分唔清伯母同老婆同女友嘅。

唔知係咪香港人鍾意搵伯母做老婆呢?定還是搵老婆做伯母?

貴圈真亂呀!

 

關於作者:哲學仔

哲學仔
一條哲學廢青

則留言

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。