周浩鼎你無做錯到!唔應該辭職!

 

心諗,鼎爺竟然辭去果個乜鬼調查委員會職務,有無搞錯呀?佢邊有做錯喎,做咩要辭職喎。

依家咁興睇咩不懂撤嬌的女人喇,個個又對咩辦公室政治黑幕津洋樂道又話好睇喇,咁就應該直頭撐鼎爺添啦,道理好簡單:

依家李慧琼子仲係今屆政府行會成員,鼎爺作為禮義廉第二梯隊,大有可能咁樣慢慢步入政治權力核心,雖然689即將卸任,但人地假假地都仲係國家領導人添,換句話說,一日未改朝換代,鼎爺一定當左689仍然係最大既老細(選民至係老闆?唔好傻啦!出糧果個先係呀),人地話要改,點會唔俾人改先?

第二,以紅筆改呢D政府公文,都唔係咩新鮮事,早係明朝就已經有批紅架啦,又稱為朱批,所有明朝咩內閣學士做左票擬,一概都係交由俾皇上老子作檢閱批示,直接畫係上面,做得唔好隨時人頭不保添呀,只不過係因為後來皇帝好似係唔係咁想做野,鍾意玩下虎豹別睡多D,所以先俾左後來識左字既司禮監做,即係公公喇。

正所謂國有國法,家有家規,689咁難得拎起支紅筆話要改野,即係幾乎對呀鼎爺既野耳提面命,佢唔恭恭敬敬,高呼萬歲?係奴才文化充斥既社會,出現咁既行為,亦好好好正常。依家辭職真係無奶油呢,大不了即刻開個記者會,高聲叫冤,話:

『我犯左所有打工仔都會犯既錯囉,但俾著你係我,咪又係會咁做!?』岔開一筆,我真係覺得禮義廉好無義氣囉。咁樣都拋低鼎爺唔理,同舊時既大家命運共同禮一吹雞就拉大隊一齊走人/撐人,完全唔同玩法囉。咁樣光速切割,真係快過衝鋒21。建制派都墮落了!!

 

關於作者:鵝鑾鼻燈塔

鵝鑾鼻燈塔
前高登講故人。現為廢中。努力抵抗中年危機中。FB PAGE:https://www.facebook.com/Ellan.Ou/

則留言

閱讀後覺得好,請多多讚好及分享~:)

其他熱門文章

  • 【朋友之道】點解我要你還番手袋俾我都要受你阿媽氣? by Anita M. Mok
    有個「朋友」黎到我屋企,好鐘意我D手袋。 問我可唔可以借俾佢,我借左3個俾佢用。用左半年至9個月,我叫佢還。佢好surprised,問我點解要還?! …
  • 霎眼27歲,是他也是你和我 by La La
    27歲,名符其實的80後90前。離開無憂無慮的校園好幾年,在職場上不再是覺得自己是零的fresh_grad,轉過工,升過職,加過少少人工,終於來到職位高不成低不就的senior_executive,大事繼續冇你份管,瑣碎小事有增無減。偶然懷…
  • 只知死亡花,不知彼岸花浪漫的香港人 by Sunshine
    相傳彼岸花係有段故的,有一對妖精,一個叫蔓茱,一個叫沙華;一個係花妖,一個係花仙,佢哋負責彼岸嘅開花,因為呢種花開花不見葉,開葉不見花,所以呢對妖精從來都不會相見。…
  • 《彼岸島》絕對是我人生中看的其中一套最令我無言的漫畫。 by 鵝鑾鼻燈塔
    如果你沒有看過,恭喜你,你的人生是完全沒有任何損失的。這種比狗血更狗血的劇情,永無休止又不斷無限loop的橋段,看了也想把自己雙眼也插盲。簡單來說,主角不論做了甚麼,也無法打死早已不死的吸血鬼之王,只能眼看自己的同伴一個又一個的死去(有時甚…
  • 女人對女人先最刻薄 by Anita M. Mok
    終於,我知道點解同我公司同一棟大廈,樓上個女人點解咁憎我。原因:我日日著唔同衫返工,用名牌錶同手袋。
然後,佢幫我draw左個conclusion:揮霍,唔儲錢。…
歡迎讚好我們的facebook page,免費資訊源源送上。